കോബാൾട്ട് ബ്ലൂ
കോബാൾട്ട് ബ്ലൂ എന്ന് പൊതുവെ അറിയപ്പെടുന്ന നീലവർണത്തിൻറെ രാസനാമം കോബാൾട്ട് (II) അലുമിനേറ്റ് (CoAl 2 O 4 ) എന്നാണ്. കോബാൾട്ട് ഓക്സൈഡും അലുമിനിയം ഓക്സൈഡും കലർന്ന മിശ്രിതം 1200ഡിഗ്രി സെൻറിഗ്രേഡിൽ ചുട്ടെടുത്താണ് (സിന്ററിംഗ്) ഈ നീലവർണം ഉണ്ടാക്കുന്നത്. പ്രഷ്യൻബ്ലൂ എന്നറിയപ്പെടുന്ന മറ്റൊരു നീലയേക്കാൾ കടുപ്പം കുറഞ്ഞ നീലനിറമാണ് കോബാൾട്ട് ബ്ലൂവിൻറേത് . ഒരിക്കലും മങ്ങാത്ത ഈ നീലനിറം പണ്ടുകാലം മുതൽക്കൊണ്ട് ചൈനക്കാർ കവിടി, കുപ്പി, കളിമൺ പാത്രങ്ങൾക്ക് നിറം നല്കാനും അവയിൽ ചിത്രങ്ങൾ ആലേഖനം ചെയ്യാനും ആഭരണങ്ങൾക്ക് നിറമേകാനും ഉപയോഗിച്ചു വന്നു.  .  ഉൽപാദനവും ഉപയോഗങ്ങളുംഅശുദ്ധമായ രൂപങ്ങളിലുള്ള കോബാൾട്ട് ബ്ലൂ ചൈനീസ് പോർസലെയ്‌നിൽ വളരെക്കാലമായി ഉപയോഗിച്ചിരുന്നു. [1] ഇംഗ്ലീഷിൽ നീലവർണത്തെ സൂചിപ്പിക്കാനായി കോബാൾട്ട് ബ്ലൂ എന്ന പദം ആദ്യമായി രേഖപ്പെടുത്തിക്കാണുന്നത് 1777 ലാണ്. [2] 1802-ൽ ലൂയിസ് ജാക്വസ് ഥെനാർഡ് ഇത് ശുദ്ധമായ അലുമിന അടിസ്ഥാനമാക്കിയുള്ള പിഗ്മെന്റായി കണ്ടെത്തി. [3] 1807 ൽ ഫ്രാൻസിൽ വാണിജ്യ ഉൽപാദനം ആരംഭിച്ചു. പത്തൊൻപതാം നൂറ്റാണ്ടിൽ നോർവീജിയൻ കമ്പനി ബ്ലാഫർവെവർക്കറ്റ് ആയിരുന്നു ലോകത്തെ പ്രമുഖ കോബാൾട്ട് ബ്ലൂ നിർമ്മാണക്കമ്പനി. കമ്പനിയുടെ ഉടമ ബെഞ്ചമിൻ വെഗ്‌നറും. മനുഷ്യ സംസ്കാരത്തിൽകലഎട്ടാം നൂറ്റാണ്ടിന്റെ അവസാനത്തിലോ ഒൻപതാം നൂറ്റാണ്ടിന്റെ തുടക്കത്തിലോ ആവണം ചൈനക്കാർ കളിമൺ പാത്രങ്ങൾക്ക് നിറം നല്കാനായി ഈ ചായം ഉപയോഗിച്ചു തുടങ്ങിയതെന്നാണ് അനുമാനം.[4]. തെനാർഡ് നീലനിറത്തിൻറെ രാസംസ്വാഭാവം തിരിച്ചറിഞ്ഞ് ശുദ്ധീകരിച്ചെടുത്തതോടെ ജോസഫ് ടർണർ, ഇംപ്രെഷിണിസ്റ്റ് ചിത്രകാരന്മാരായിരുന്ന പിയറി-ആഗസ്റ്റേ റെന്വാ, ക്ലോഡ് മോനെ, എന്നിവരും പോസ്റ്റ്-ഇംപ്രെഷണിസ്റ്റ് ചിത്രകാരൻ വിൻസന്റ് വാൻഗോഗും ഈ നിറം ധാരാളമായി ഉപയോഗിച്ചു തുടങ്ങി. [5] ഒരിക്കലും മങ്ങാത്ത ഈ നീല നിറം മറ്റെല്ലാ ചായക്കൂട്ടുകളുമായി പൊരുത്തപ്പെടുന്നതുമായിരുന്നു. ആകാശത്തിൻറെ വിവിധ രൂപഭാവങ്ങൾ ചിത്രീകരിച്ച പ്രശസ്ത ചിത്രകാരൻ മാക്‌സ്‌ഫീൽഡ് പാരിഷ്, ആകാശനീലിമക്ക് കോബാൾട്ട് ബ്ലുവാണ് ഉപയോഗിച്ചത്, തൽഫലമായി, കോബാൾട്ട് നീലക്ക് ചിലപ്പോൾ പാരിഷ് നീല എന്നും പറയാറുണ്ട്. ഓട്ടോമൊബൈലുകൾജീപ്പ്, ബുഗാട്ടി എന്നിവയുൾപ്പെടെ നിരവധി കാർ നിർമ്മാതാക്കൾക്ക് പെയിന്റ് ഓപ്ഷനുകളായി കോബാൾട്ട് ബ്ലൂ ഉണ്ട്. നിർമ്മാണംക്ഷാരത്തിന്റെ സാന്നിധ്യത്തിൽ അതിന്റെ രാസ സ്ഥിരത കാരണം, കോബാൾട്ട് നീല നീല കോൺക്രീറ്റിൽ ഒരു പിഗ്മെന്റായി ഉപയോഗിക്കുന്നു. നെതർലാൻഡ്‌സും റൊമാനിയയും ഉൾപ്പെടെ നിരവധി രാജ്യങ്ങളും ഒരു യുഎസ് സംസ്ഥാനമായ നെവാഡയും അവരുടെ പതാകകളുടെ മൂന്ന് ഷേഡുകളിലൊന്നായി കോബാൾട്ട് നീല നിറത്തിലാണ്.
വിഷാംശംകോബാൾട്ട് ബ്ലൂ വിഷമാണ്. വേണ്ടത്ര മുൻകരുതലുകൾ എടുക്കാതെ ഇത് കൈകാര്യം ചെയ്താൽ, കോബാൾട്ട് വിഷത്തിന് അടിമപ്പെട്ടേക്കാം . ഇതും കാണുകപരാമർശങ്ങൾ
കൂടുതൽ വായനയ്ക്ക്
ബാഹ്യ ലിങ്കുകൾ
|
||||||||||||||||||||||||
Portal di Ensiklopedia Dunia
