തിരുവമ്പാടി ശിവസുന്ദർ

ഇംഗ്ലീഷ് വിലാസം

https://ml.wikipedia.org/wiki/Thiruvambady_Shivasundar

മധ്യകേരളത്തിലെ പ്രസിദ്ധനായ ഒരു ആനയാണ് തിരുവമ്പാടി ശിവസുന്ദർ. ^[1]

തൃശ്ശൂർ നഗരത്തിലെ തിരുവമ്പാടി ക്ഷേത്രത്തിലെ ആനയാണ് ശിവസുന്ദർ^[2]. പൂക്കോടൻ ശിവൻ എന്നായിരുന്നു ഈ ആനയുടെ മുൻ പേര്. 2003 ഫെബ്രുവരി 15 നാണ് ഈ ആനയെ തിരുവമ്പാടി ക്ഷേത്രത്തിൽ നടയ്ക്കിരുത്തിയത്. തൃശ്ശൂർ പൂരത്തിന് തിരുവമ്പാടി ഭഗവതിയുടെ തിടമ്പേന്തുന്നത് ശിവസുന്ദറാണ് ^{[3][4][5][6][7]}. ഇത് കൂടാതെ ആറാട്ടുപുഴ പൂരം^[8], നെന്മാറ വല്ലങ്ങി വേല, ഉത്രാളിക്കാവ് പൂരം, ഇരിഞ്ഞാലക്കുട കൂടൽമാണിക്യം ക്ഷേത്രോത്സവം^[9] തുടങ്ങി മറ്റ് പല പ്രസിദ്ധ പൂരങ്ങൾക്കും ശിവസുന്ദർ തിടംമ്പേറ്റാറുണ്ട്.

കേരളത്തിലെ സഹ്യവനങ്ങളിൽനിന്നും പിടിച്ച് സർക്കാർ ലേലത്തിൽ വെച്ച ആനയാണ് ഇത്.^[10] 2007 ഫെബ്രുവരി ആറിന് കോട്ടയം പൊൻകുന്നത്തിനടുത്ത ഇളങ്ങുളം ഗജരാജസംഗമത്തിൽ ശിവസുന്ദറിന് കളഭകേസരിപട്ടം ലഭിച്ചു. 2008 ഫെബ്രുവരി 19ന് പട്ടത്താനം സുബ്രഹ്മണ്യക്ഷേത്രത്തിൽ നിന്ന് മാതംഗകേസരി പട്ടം ഉൾപ്പെടെ ഒട്ടേറെ ബഹുമതികളും ഇതിനകം ശിവനെ തേടി എത്തിയിട്ടുണ്ട്. അഴകിന്റെ തമ്പുരാൻ എന്നപേരിൽ ഈ ആനയുടെ ജീവചരിത്രവും മറ്റും അടങ്ങുന്ന ഒരു ഡോക്യു-ഫിക്ഷൻ പ്രസിദ്ധീകരിക്കപ്പെട്ടിട്ടുണ്ട്.^[10] ദീർഘകാലം എരണ്ടകെട്ടിന് ചികിത്സയിലായിരുന്ന ശിവസുന്ദർ 2018 മാർച്ച് 11ന് ചരിഞ്ഞു ^[11]

1. ↑ "തിരുവമ്പാടി കണ്ണന്റെ ശിവസുന്ദർ". Archived from the original on 2011-01-19. Retrieved 2013-01-29.
2. ↑ [https://web.archive.org/web/20120428110550/http://www.thiruvambadytemple.com/elephants.aspx Archived 2012-04-28 at the Wayback Machine ക്ഷേത്രത്തിന്റെ വെബ്സൈറ്റ് ]]
3. ↑ Over 100 elephants for Pooram - thehindu.com
4. ↑ Pooram festivities begin - thehindu.com
5. ↑ Colourful finale to Thrissur Pooram - ibnlive.in ^{[പ്രവർത്തിക്കാത്ത കണ്ണി]}
6. ↑ "നായകരാകാൻ ശ്രീപത്മനാഭനും തിരുവമ്പാടി ശിവസുന്ദറും - deshabhimani.com". Archived from the original on 2016-03-05. Retrieved 2013-01-31.
7. ↑ "മാതൃഭൂമി തൃശൂർപൂരം". Archived from the original on 2013-01-22. Retrieved 2013-01-31.
8. ↑ "Arattupuzha Pooram festivities begin today - thehindu.com". Archived from the original on 2007-10-01. Retrieved 2013-01-31.
9. ↑ "ശീവേലി എഴുന്നള്ളിപ്പിന് തിരുവമ്പാടി ശിവസുന്ദർ മുതൽ പൂതൃക്കോവിൽ പാർത്ഥസാരഥി വരെ - mathrubhumi.com". Archived from the original on 2012-05-05. Retrieved 2013-01-31.
10. ↑ ^{10.0 10.1} "ഈ-പത്രം : അഴകിന്റെ തമ്പുരാൻ: തിരുവമ്പാടി ശിവസുന്ദറിന്റെ ജീവചരിത്രം". Retrieved 20 May 2013.
11. ↑ "പൂരപ്രേമികളുടെ പ്രിയപ്പെട്ട ഗജവീരൻ തിരുവമ്പാടി ശിവസുന്ദർ ചെരിഞ്ഞു". Retrieved 11 Mar 2018.