ഭരത് (നടൻ)
ഒരു ഇന്ത്യൻ ചലച്ചിത്ര അഭിനേതാവാണ് ഭരത് (ജനനം:21 ജൂലൈ 1983). പ്രധാനമായും തമിഴ്, മലയാളം, തെലുഗു ഭാഷകളിലെ ചിത്രങ്ങളിൽ അഭിനയിച്ചിട്ടുണ്ട്. 2003-ൽ ഷങ്കർ സംവിധാനം ചെയ്ത ബോയ്സ് ആയിരുന്നു അഭിനയിച്ച ആദ്യത്തെ ചലച്ചിത്രം. ചെല്ലമേ (2004), കാതൽ (2004), പട്ടിയൽ (2006), വെയിൽ (2006) തുടങ്ങിയവയാണ് അഭിനയിച്ച പ്രധാന ചലച്ചിത്രങ്ങൾ. വ്യക്തി ജീവിതം1983 ജൂലൈ 21-ന് തമിഴ്നാട്ടിലെ തിരുച്ചിറപ്പള്ളിയിൽ ജനിച്ചു.[2] ശാസ്ത്രീയമായി നൃത്തം അഭ്യസിച്ചിട്ടുണ്ട്. തന്റെ 11-ാം വയസിൽ ഭരത്, സ്വിങ്ങേഴ്സ് അന്താരാഷ്ട്ര ഡാൻസ് ക്ലബ്ബിൽ അംഗമായി. അണ്ണാ നഗറിലെ ഡി.എ.വി. സീനിയർ സെക്കന്ററി സ്കൂളിൽ നിന്നും പ്രാഥമിക വിദ്യാഭ്യാസം പൂർത്തിയാക്കി.[2] ചെന്നൈയിലെ ദ ന്യൂ കോളേജിൽ ബിരുദ വിദ്യാഭ്യാസം പൂർത്തിയാക്കി. 2013-ൽ ദുബായിൽ വച്ച് മലയാളിയായ ജെഷ്‌ലിയെ വിവാഹം ചെയ്തു.[3] ചലച്ചിത്ര രംഗം2003-ൽ എസ്. ഷങ്കർ സംവിധാനം ചെയ്ത ബോയ്സ് എന്ന ചലച്ചിത്രത്തിലായിരുന്നു ഭരത് ആദ്യമായി അഭിനയിച്ചത്. ഈ ചിത്രത്തിൽ ഒരു സംഗീത ബാന്റിലെ ഗിറ്റാറിസ്റ്റിന്റെ കഥാപാത്രത്തെയാണ് ഭരത് അവതരിപ്പിച്ചത്. സ്വിങ്ങേഴ്സിന്റെ സംഗീത അക്കാദമിയിൽ നടന്ന ഇൻസ്പിരേഷൻസ് എന്ന പരിപാടിയിൽ ഭരത് അവതരിപ്പിച്ച നൃത്തം കണ്ട ഷങ്കർ, ഈ ചലച്ചിത്രത്തിൽ അഭിനയിക്കാൻ ഭരത്തിനെ തിരഞ്ഞെടുക്കുകയായിരുന്നു.[4] 2004-ൽ ജയരാജ് സംവിധാനം ചെയ്ത 4 ദ പീപ്പിൾ എന്ന ചലച്ചിത്രത്തിൽ അഭിനയിച്ചു. മലയാളത്തിൽ അഭിനയിക്കുന്ന ആദ്യ ചലച്ചിത്രവും ഇതാണ്.[5] ചിത്രത്തിലെ 4 കേന്ദ്ര കഥാപാത്രങ്ങളിൽ ഒരാളുടെ വേഷമാണ് ഭരത് അവതരിപ്പിച്ചത്. ഈ ചിത്രം ബോക്സ് ഓഫീസിൽ വിജയം നേടുകയും കേരള ബോക്സ് ഓഫീസിൽ ₹ 10 ലക്ഷമായി ഉയരുകയും ചെയ്തു.[6][7] ഈ ചിത്രം തമിഴിൽ 4 സ്റ്റുഡന്റ്സ് എന്ന പേരിലും തെലുഗുവിൽ യുവസേന എന്ന പേരിലും ഡബ്ബ് ചെയ്യപ്പെട്ടിരുന്നു.[8][9] തുടർന്ന് ചെല്ലമേ എന്ന തമിഴ് ചലച്ചിത്രത്തിൽ വില്ലൻ കഥാപാത്രത്തെ അവതരിപ്പിച്ചു. ബാലാജി ശക്തിവേൽ സംവിധാനം ചെയ്ത കാതൽ എന്ന ചലച്ചിത്രത്തിലാണ് നായകനായി ആദ്യം അഭിനയിച്ചത്.[10][11] 2007-ൽ പുറത്തിറങ്ങിയ വെയിൽ എന്ന ചലച്ചിത്രം ശ്രദ്ധിക്കപ്പെടുകയുണ്ടായി. ഈ ചിത്രം കാൻ ചലച്ചിത്രോത്സവത്തിലും പ്രദർശിപ്പിക്കുകയുണ്ടായി.[12] 2008-ൽ ദുരൈ സംവിധാനം ചെയ്ത പഴനി എന്ന ചലച്ചിത്രത്തിൽ കേന്ദ്ര കഥാപാത്രത്തെ അവതരിപ്പിച്ചു. കാജൽ അഗർവാൾ, ഖുശ്ബു, ബിജു മേനോൻ എന്നിവരായിരുന്നു ഈ ചിത്രത്തിലെ മറ്റ് കഥാപാത്രങ്ങളെ അവതരിപ്പിച്ചത്.[13][14] ഇതേ വർഷം തന്നെ ഭരത്മു അഭിനയിച്ച മുനിയാണ്ടി വിളങ്കിയാൽ മൂന്നാമാണ്ട്,സേവൽ എന്നീ ചലച്ചിത്രങ്ങളും പുറത്തിറങ്ങി.[13][14] എന്നാൽ 2010-ൽ പുറത്തിറങ്ങിയ തമ്പിക്ക് ഇന്ത ഊര് എന്ന ചലച്ചിത്രം ബോക്സ് ഓഫീസിൽ പരാജയപ്പെട്ടിരുന്നു. 2011-ൽ വാനം എന്ന ചലച്ചിത്രത്തിൽ അഭിനയിച്ചു. ഈ ചിത്രത്തിൽ ഭരത് ചക്രവർത്തി എന്ന ഗിറ്റാറിസ്റ്റിന്റെ വേഷമാണ് അവതരിപ്പിച്ചത്. എന്നാൽ ചിത്രം പുറത്തിറങ്ങിയതിനു ശേഷം ഭരത്, പരസ്യമായി ഈ ചിത്രത്തിന്റെ നിർമ്മാതാവിനും മറ്റൊരു നടനായ സിലമ്പരശനുമെതിരെ രംഗത്തെത്തിയിരുന്നു. മറ്റ് അഭിനേതാക്കൾക്ക് ലഭിച്ച പ്രാധാന്യം ചിത്രത്തിന്റെ പരസ്യ പ്രചാരണങ്ങളിൽ ഭരത്തിന് ലഭിച്ചില്ലെന്നായിരുന്നു പരാതി.[15] റിമ കല്ലിങ്കല്ലിനോടൊപ്പം അഭിനയിച്ച യുവൻ യുവതി ആയിരുന്നു തുടർന്ന പുറത്തിറങ്ങിയ ചലച്ചിത്രം. കൂടാതെ വസന്തബാലൻ സംവിധാനം ചെയ്ത അരവാൻ എന്ന ചലച്ചിത്രത്തിലും ചെറിയ വേഷം അവതരിപ്പിച്ചു. 2013 ഓഗസ്റ്റിൽ ഐന്ത് ഐന്തു ഐന്തു എന്ന ചലച്ചിത്രം പുറത്തിറങ്ങി.[16] അതേ വർഷം ജാക്ക്പോട്ട് എന്ന ഹിന്ദി ചലച്ചിത്രത്തിലും അഭിനയിച്ചു.[17] പോണ്ടിച്ചേരി സ്വദേശിയായ ആന്റണി ഡിസൂസ എന്ന കഥാപാത്രത്തെ ഭരത് ഈ ചിത്രത്തിൽ അഭിനയിച്ചു.[18] 2014-ൽ കൂതറ എന്ന മലയാള ചലച്ചിത്രത്തിലും അഭിനയിച്ചിരുന്നു. അഭിനയിച്ച ചലച്ചിത്രങ്ങൾ
അവലംബം
പുറം കണ്ണികൾ |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.jpg)
Portal di Ensiklopedia Dunia
