മഞ്ചട്ടി

ഇംഗ്ലീഷ് വിലാസം

https://ml.wikipedia.org/wiki/Indian_Madder

മഞ്ചട്ടി
മഞ്ചട്ടി
Scientific classification
Kingdom:	Plantae
Division:	Magnoliophyta
Class:	Magnoliopsida
Order:	Gentianales
Family:	Rubiaceae
Genus:	Rubia
Species:	R. cordifolia
Binomial name
Rubia cordifolia L.
Synonyms
Galium cordifolium (L.) Kuntze Rubia cordifolia subsp. pratensis Kitam.

ഭാരതത്തിന്റെ വടക്ക് പടിഞ്ഞാറൻ ഹിമാലയത്തിന്റെ താഴ്വരകളിലും, ദക്ഷിണേന്ത്യയിൽ നീലഗിരിയിലും മൂന്നാറിലുമുള്ള കുന്നുകളുടെ താഴ്വരകളിലും വളരുന്ന ഒരു ഔഷധ സസ്യമാണ്‌ മഞ്ചട്ടി.^[1]. ഇംഗ്ലീഷിൽ ഇന്ത്യൻ മാഡ്ഡർ എന്ന പേരിൽ അറിയപ്പെടുന്നു. ഈ സസ്യം റൂബിയേഷ്യേ കുടുംബത്തിലുള്ളതും ശാസ്ത്രീയനാമം Rubia cordifolia Lin. എന്നുള്ളതുമാണ്‌.^[2].

മഞ്ജിഷ്ഠാ എന്ന് സംസ്കൃതത്തിൽ അറിയപ്പെടുന്നു. मजित എന്ന് ഹിന്ദിയിലും മഞ്ചട്ടി, ചൊവ്വല്ലിക്കൊടി, ശീവള്ളിക്കൊടി എന്നീ പേരുകളിൽ മലയാളത്തിലും അറിയപ്പെടുന്നു.

പടർന്നുവളരുന്ന ചെറിയ സസ്യമാണ്‌ മഞ്ചട്ടി. ഇലകൾ ഹൃദയാകാരത്തിലുള്ളതും അഗ്രഭാഗം കൂർത്തതുമാണ്. ഈ സസ്യത്തിന്റെ വേരുകൾ ആണ്‌ ഔഷധങ്ങൾക്ക് ഉപയോഗിക്കുന്നത്. ഇതിന്റെ വേരുകൾ നേരിയ ചുവപ്പുനിറത്തിൽ നീളത്തിൽ ഉണ്ടാകുന്നവയാണ്‌.^[2]

രസം :കഷായം, ത്ക്തം, മധുരം

ഗുണം :ഗുരു, രൂക്ഷം

വീര്യം :ഉഷ്ണം

വിപാകം :കടു ^[3]

വേര്^[3]

മഞ്ചട്ടി ആർത്തവത്തെ ശുദ്ധീകരിക്കും. മൂത്രം വർദ്ധിപ്പിക്കും. പക്ഷവാതം, നീര്, ആർത്തവമില്ലായ്മ എന്നിവയ്ക്കും മഞ്ചട്ടി ഫലപ്രദമാണ്. എന്നാൽ മഞ്ചട്ടി അമിതമായി കഴിച്ചാൽ അത് സിരാവ്യൂഹത്തെ ബാധിക്കുകയും ബോധക്ഷയത്തെ ഉണ്ടാക്കുകയും ചെയും. കഷായരൂപത്തിൽ മഞ്ചട്ടി കഴിച്ചാൽ ഹീമോഗ്ലോബിൻ വർദ്ധിക്കും.

മഞ്ചട്ടിവേര് ഉണക്കിപ്പൊടിച്ച് പനിനീരിൽ ലേപനം ചെയ്താൽ ചർമ്മത്തിന്റെ ചുളിവ് നീങ്ങുന്നതാണ്. പ്രത്യേകിച്ച് പ്രസവം കഴിഞ്ഞ സ്ത്രീകളുടെ വയറ്റിലെ ചുളിവുകൾ തീരുന്നതിനും ഈ പ്രയോഗം നല്ലതാണ്.

1. ↑ ഡോ.കെ.ആർ.രാമൻ നമ്പൂതിരിയുടെ അത്ഭുത ഔഷധച്ചെടികൾ എന്ന പുസ്തകത്തിൽ നിന്നും താൾ 114 & 115.എച്ച് & സി. പബ്ലീഷേർസ്, തൃശൂർ.
2. ↑ ^{2.0 2.1} "ആർക്കൈവ് പകർപ്പ്". Archived from the original on 2008-01-25. Retrieved 2007-11-29.
3. ↑ ^{3.0 3.1} ഔഷധ സസ്യങ്ങൾ, ഡോ. നേശമണി, കേരള ഭാഷ ഇൻസ്റ്റിറ്റ്യൂട്ട്

1. മഞ്ചട്ടിയെക്കുറിച്ച് അല്പം വിവരങ്ങൾ Archived 2008-01-25 at the Wayback Machine