സുഗീത്

ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക. അപാകതകൾ പരിഹരിച്ചശേഷം, {{Needs Image}} എന്ന ഫലകം താളിൽ നിന്ന് നീക്കം ചെയ്യാവുന്നതാണ്.

മലയാള ചലച്ചിത്ര മേഖലയിലെ പ്രശസ്തനായ ഒരു സംവിധായകനാണ് സുഗീത് (ജനനം:1978 നവംബർ 14). കമലിന്റെ സംവിധാന സഹായിയായി ചലച്ചിത്ര രംഗത്ത് എത്തിയ ഇദ്ദേഹം സംവിധാനം ചെയ്ത ആദ്യ ചലച്ചിത്രം 2012ൽ പുറത്തിറങ്ങിയ ഓർഡിനറിയാണ്. കുഞ്ചാക്കോ ബോബൻ, ബിജു മേനോൻ തുടങ്ങിയവർ അഭിനയിച്ച ഈ ചിത്രം ബോക്സ് ഓഫീസിൽ വൻ വിജയമായിരുന്നു.^[1]

കമൽ സംവിധാനം ചെയ്ത മഞ്ഞു പോലൊരു പെൺകുട്ടി, കറുത്ത പക്ഷികൾ, ഗോൾ തുടങ്ങിയ ചിത്രങ്ങളിൽ സംവിധാന സഹായിയായി ആണ് സുഗീത് കരിയർ ആരംഭിച്ചത്. 2012ൽ കുഞ്ചാക്കോ ബോബൻ, ബിജു മേനോൻ, ആൻ അഗസ്റ്റിൻ, ആസിഫ് അലി തുടങ്ങിയവരെ കേന്ദ്ര കഥാപാത്രങ്ങളാക്കി ഓർഡിനറി എന്ന ചിത്രം സ്വതന്ത്രമായ് സംവിധാനം ചെയ്തു. ഈ ചിത്രം വാണിജ്യപരമായും, കലാപരമായും വിജയിച്ചു. 2013ൽ ത്രീ ഡോട്ട്സ് എന്ന ചിത്രം സംവിധാനം ചെയ്യുകയും, നിർമ്മിക്കുകയും ചെയ്തു. 2014-ൽ പുറത്തിറങ്ങിയ സുഗീതിന്റെ ഒന്നും മിണ്ടാതെ എന്ന ചിത്രം ബോക്സ് ഓഫീസിൽ വലിയ ചലനം സൃഷ്ടിക്കാൻ കഴിഞ്ഞില്ല. പിന്നീട് മധുര നാരങ്ങ, ശിക്കാരി ശംഭു, കിനാവള്ളി, മൈ സാന്റാ തുടങ്ങിയ ചിത്രങ്ങൾ സംവിധാനം ചെയ്തു.

• 2012 - ഓർഡിനറി
• 2013 - ത്രീ ഡോട്ട്സ്
• 2014 - ഒന്നും മിണ്ടാതെ
• 2015 - മധുര നാരങ്ങ
• 2018 - ശിക്കാരി ശംഭു കിനാവള്ളി
• 2019- മൈ സാന്റാ

• മഞ്ഞുപോലൊരു പെൺകുട്ടി (2004)
• കറുത്ത പക്ഷികൾ (2006)
• ഗോൾ (2007)
• മിന്നാമിന്നിക്കൂട്ടം (2008)

1. https://malayalam.filmibeat.com/celebs/sugeeth/biography.html
2. https://malayalam.filmibeat.com/celebs/sugeeth.html

• ഇന്റർനെറ്റ് മൂവി ഡാറ്റാബേസിൽ നിന്ന് സുഗീത്