അഡ്വാണിയുടെ ആദ്യ രഥയാത്ര

ഇംഗ്ലീഷ് വിലാസം

https://ml.wikipedia.org/wiki/Advani%27s_First_Rath_Yathra

Ram Rath Yatra

The planned route of Advani's Rath Yatra, beginning in Somnath on 25 September 1990 and ending in Ayodhya on 30 October
തിയതി	25 September 1990 - 30 October 1990
സ്ഥലം	Across the country
അനന്തരഫലം	Advani arrested

അയോദ്ധ്യയിൽ ബാബറി മസ്ജിദിന്റെ സ്ഥാനത്ത് രാമക്ഷേത്രം നിർമ്മിക്കണമെന്ന ആവശ്യവുമായി എൽ.കെ. അഡ്വാണി 1990-ൽ നടത്തിയ രഥയാത്രയാണ് ഇദ്ദേഹത്തിന്റെ രാഷ്ട്രീയജീവിതത്തിൽ ആദ്യത്തെത്. ഇതുകൂടാതെ 2011 വരെ അഞ്ച് ദേശീയ യാത്രകൾ കൂടി ഇദ്ദേഹം നടത്തുകയുണ്ടായി.രാമരഥയാത്ര എന്നാണ് ഇദ്ദേഹത്തിന്റെ ആദ്യത്തെ രഥയാത്ര അറിയപ്പെടുന്നത്.^[1]

1990 സെപ്തംബർ 25ന് തുടങ്ങി ഒക്ടോബർ 30ന് അയോധ്യയിൽ അവസാനിക്കുക എന്ന ലക്ഷ്യവുമായാണ് ഈ യാത്ര ആസൂത്രണം ചെയ്യപ്പെട്ടത്.^[2] സോമനാഥക്ഷേത്രത്തിൽ നിന്നായിരുന്നു ഈ യാത്ര തുടങ്ങിയത്.^[3] ഒക്റ്റോബർ 23-ന് ബിഹാറിൽ സമസ്തിപൂർ എന്ന സ്ഥലത്തുവച്ച് വച്ച് എൽ.കെ. അഡ്വാണി അറസ്റ്റ് ചെയ്യപ്പെട്ടതോടെയാണ് യാത്ര അവസാനിച്ചത്.^[4][5] ആദ്യം അഡ്വാണി പദയാത്രനടത്താനാണ് ഉദ്ദേശിച്ചിരുന്നതെങ്കിലും പ്രമോദ് മഹാജനാണ് ഇതിനുപകരം രഥയാത്ര നടത്താനുള്ള ആശയം നൽകിയത്.^[5]

1992 സെപ്റ്റംബർ 6-ന് അയോദ്ധ്യയിലെ തർക്കഭൂമിയിലുണ്ടായിരുന്ന ബാബറി മസ്ജിദ് പൊളിക്കപ്പെട്ടത് ഈ യാത്രയുടെ അനന്തരഫലങ്ങളിലൊന്നായിരുന്നു.^[6] യാത്രയോടൊപ്പം രാജ്യത്തിന്റെ പല ഭാഗത്തും വർഗീയകലാപങ്ങളുണ്ടായി. ഗുജറാത്ത്, കർണാടക, ഉത്തർ പ്രദേശ്, ആന്ധ്രാപ്രദേശ് എന്നിവിടങ്ങളിൽ യാത്രയോടനുബന്ധിച്ച് വർഗ്ഗീയകലാപങ്ങൾ നടന്നിരുന്നു.^[5] 564 ആൾക്കാരെങ്കിലും ഇതോടനുബന്ധിച്ചുനടന്ന വർഗ്ഗീയകലാപങ്ങളിൽ മരിക്കുകയുണ്ടായി.^[7]

ഇതുൾപ്പെടെ 2011 വരെ അദ്ദേഹം ആറ് ദേശീയ യാത്രകൾക്ക് നേതൃത്വം നൽകി.^[4][5]

1. രാംരഥയാത്ര - 1990 സെപ്തംബർ 25 - ഒക്റ്റോബർ 23 ^[8]
2. ജനാദേശ് യാത്ര - 1993 സെപ്റ്റംബർ 11 - 25 ^[9]
3. സ്വർണ്ണജയന്തി രഥയാത്ര - 1997 മെയ് 18 - ജൂലൈ 15 ^[10]
4. ഭാരത് ഉദയ് യാത്ര - 2004 മാർച്ച് 10 - 25 ^[11]
5. ഭാരത് സുരക്ഷാ യാത്ര - 2006 ഏപ്രിൽ 6 - മെയ് 10 ^[12]
6. ജന ചേതനാ യാത്ര - 2011 ഒക്ടോബർ 11 - നവംബർ 20 ^[13]