അനന്തശയനഗ്രന്ഥാവലി

ഇംഗ്ലീഷ് വിലാസം

https://ml.wikipedia.org/wiki/Trivandrum_Sanskrit_Series

ഇരുപതാം നൂറ്റാണ്ടിന്റെ തുടക്കത്തിൽ ശ്രീമൂലം തിരുനാൾ രാമവർമ്മ രാജാവിന്റെ നിർദ്ദേശപ്രകാരം തിരുവിതാംകൂർ സർക്കാർ അച്ചുകൂടത്തിൽ നിന്നും പ്രസിദ്ധീകരിച്ച ഗ്രന്ഥങ്ങളുടെ പരമ്പരയായിരുന്നു അനന്തശയന ഗ്രന്ഥാവലി. തിരുവിതാംകൂർ സംസ്‌കൃതഗ്രന്ഥ സീരീസ് എന്ന പേരിൽ പിൽക്കാലത്തു് പ്രസിദ്ധമായി. രാജകൊട്ടാരം വക താളിയോല ഗ്രന്ഥശേഖരത്തിന്റെ സൂക്ഷിപ്പുകാരനായിരുന്ന ടി. ഗണപതി ശാസ്ത്രി എന്ന സംസ്‌കൃതപണ്ഡിതനായിരുന്നു ‘അനന്തശയനഗ്രന്ഥാവലി’യുടെ ക്യൂറേറ്റർ. നൂറിലധികം ഗ്രന്ഥങ്ങൾ ഈ പരമ്പരയുടെ ഭാഗമായി പ്രസിദ്ധീകരിക്കപ്പെട്ടിട്ടുണ്ട്.

കൊട്ടാരം കൈയെഴുത്തുപ്രതികൾ സംഘടിപ്പിക്കാനുള്ള പദ്ധതി, ഏഴു വോള്യങ്ങളിലായി കൈയെഴുത്തുപ്രതികളുടെ ഒരു കാറ്റലോഗ് തയ്യാറാക്കൽ (സംസ്കൃത ഗ്രന്ഥസൂചി )എന്നിവ ഈ പദ്ധതി പ്രകാരം നടന്നു.^[1] 1409 കൈയെഴുത്തുപ്രതികൾ ശേഖരിച്ചു. സംസ്‌കൃത സാഹിത്യത്തിലെ അമൂല്യമായ രചനകാളായിരുന്നു ഇവയിൽ മിക്കതും. സാഹിത്യവിഷയങ്ങൾ, കവിതകൾ, നാടകം, വാചാടോപം, വ്യാകരണം; ദാർശനിക വിഷയങ്ങൾ, നൈല്യ, വേദാന്ത, മീമാംസ, രാഷ്ട്രീയം, നിയമം, വാസ്തുവിദ്യ മുതലായവയെല്ലാം ഇതിലുൾപ്പെട്ടിരുന്നു.

എട്ടു നൂറ്റാണ്ടുകളോളം ലഭ്യമല്ലാതിരുന്ന ഭാസകൃതികൾ, ശാസ്ത്രികളുടെ ശ്രമ ഫലമായാണ് വീണ്ടെടുത്തത്. 1910ൽ, തെക്കൻ തിരുവിതാംകൂറിലെ പത്മനാഭപുരത്തിനടുത്തുള്ള മണലിക്കര കല്പകമംഗലത്തുമഠത്തിൽ നിന്ന് ഗണപതി ശാസ്ത്രികൾ അവ കണ്ടെടുത്തു. കൂടിയാട്ടത്തിൽ ഉപയോഗിച്ചിരുന്ന പത്തു സംസ്‌കൃത രൂപകങ്ങളുടെ താളിയോലഗ്രന്ഥങ്ങളായിരുന്നു ഇവ. 20 അക്ഷരങ്ങളുടെ പതിപ്പത്തു വരികളുള്ള 105 ഓലകളിലായിരുന്നു ഈ രചനകൾ. പഴയ മലയാളം ഗ്രന്ഥലിപിയിൽ എഴുതിയിരുന്ന സംസ്‌കൃതകൃതികളായ ഈ കൃതികൾ ഭാസനാടകചക്രം എന്ന പേരിൽ 1912ൽ ശാസ്ത്രികൾ പ്രസിദ്ധീകരിച്ചു. സ്വപ്നവാസവദത്തം, പ്രതിജ്ഞായൗഗന്ധരായണം, പഞ്ചരാത്രം, ചാരുദത്തം, ദൂതഘടോൽക്കചം, അവിമാരകം, ബാലചരിതം, കർണഭാരം, ഊരുഭംഗം, മധ്യമവ്യായോഗം, ദൂതവാക്യം, അഭിഷേകനാടകം, പ്രതിമാനാടകം എന്നിവ ഉൾപ്പെട്ടതായിരുന്നു ‘ഭാസനാടകചക്രം. ^[2]

• മണലിക്കര കല്പകമംഗലത്തുമഠം - സ്വപ്നനാടകം, പ്രതിജ്ഞായൗഗന്ധരായണം, പഞ്ചരാത്രം, ചാരുദത്തം, ദൂതഘടോൽക്കചം, അവിമാരകം, ബാലചരിതം, മദ്ധ്യമവ്യായോഗം, കർണഭാരം, ഊരുഭംഗം

• കടുത്തുരുത്തിക്കടുത്ത് കൈലാസപുരത്തുള്ള ജ്യോത്സനായിരുന്ന ഗോവിന്ദ പിഷാരോടി - അഭിഷേകനാടകം, പ്രതിമാനാടകം
• മൈസൂർ എ. അനന്താചാര്യ - അവിമാരകം
• ഹരിപ്പാട് സുബ്രഹ്മണ്യ മൂസ്സതിന്റെ പക്കൽ നിന്നും സ്വപ്നവാസവദത്തം, പ്രതിജ്ഞായൗഗന്ധരായണം, അഭിഷേകനാടകം.
• ചെങ്ങന്നൂർ താഴമൺ മഠം കൃഷ്ണൻ തന്ത്രി - കൂടുതൽ കയ്യെഴുത്തു പ്രതികൾ. ഇവയെല്ലാം പരസ്പരം ഒത്തുനോക്കി പരിശോധിച്ച് ക്രമത്തിലാക്കി ടിപ്പണി സഹിതം തിരുവിതാംകൂർ സർക്കാർ അച്ചുകൂടത്തിൽനിന്നും 1912 ഏപ്രിൽ 11 ന് അനന്തശയനഗ്രന്ഥാവലിയുടെ പതിനഞ്ചാം ഭാഗമായി പ്രകാശനം ചെയ്തു. ഈ ‘ഭാസ’കൃതികൾ പിന്നീടു് ട്രിവാൻഡ്രം സംസ്‌കൃത സീരീസ് (പതിനഞ്ചാം ശേഖരം) എന്ന പേരിൽ ഭാരതത്തിലും പുറത്തുമുള്ള സംസ്‌കൃത, ഭാഷാ പണ്ഡിതന്മാർക്കിടയിൽ പ്രസിദ്ധമായി.

1907-ൽ മൂന്നാം പുസ്തകം പ്രസിദ്ധീകരിക്കപ്പെട്ടു. വാമനഭട്ടബാണന്റെ നളാഭ്യുദയം കാവ്യമാണ് അത്. തുടർന്ന് ഈ ഗ്രന്ഥാവലിയിൽ മഹായാന ബുദ്ധമതത്തെക്കുറിച്ചുള്ള കൃതിയായ മജ്ഞുശ്രീമൂലകൽപ്പയുടെ പ്രസിദ്ധീകരണമുൾപ്പെടെ ആകെ 266 പുസ്തകങ്ങൾ ഇതിനകം പ്രസിദ്ധീകരിച്ചു. അവയുടെ പട്ടിക.^[3]

1. ↑ "Trivandrum sanskrit series" (PDF). Indian-Historical-Quarterly.
2. ↑ "മറവിയിൽ ഒരു മഠം". മലയാള മനോരമ. Archived from the original on 2014-05-04. Retrieved 4 മെയ് 2014. {{cite web}}: Check date values in: |accessdate= (help)
3. ↑ "Trivandrum Sanskrit Series – Anantasayana Samskrita Granthavali". sanskritebooks.