അരുൾമിഗു ചോലമലൈ മുരുകൻ ക്ഷേത്രം, പഴമുതിർച്ചോലൈ

ഇംഗ്ലീഷ് വിലാസം

https://ml.wikipedia.org/wiki/Arulmigu_Solaimalai_Murugan_Temple,_Pazhamudircholai

Arulmigu Solaimalai Murugan Temple
அருள்மிகு சோலைமலை முருகன் திருக்கோயில்
View of the entrance
Location in Tamil Nadu
അടിസ്ഥാന വിവരങ്ങൾ
സ്ഥലം	Dindigul 624401
നിർദ്ദേശാങ്കം	10°05′39″N 78°13′24″E / 10.094069°N 78.223445°E / 10.094069; 78.223445
മതവിഭാഗം	ഹിന്ദുയിസം
ആരാധനാമൂർത്തി	Murugan
ജില്ല	Madurai District
സംസ്ഥാനം	Tamil Nadu
രാജ്യം	India
വാസ്തുവിദ്യാ വിവരങ്ങൾ
സ്ഥാപകൻ	unknown
പൂർത്തിയാക്കിയ വർഷം	unknown

ഇന്ത്യയിലെ തമിഴ് നാട്ടിൽ മധുരയിൽ നിന്ന് 25 കിലോമീറ്റർ വടക്കായി ഇടതൂർന്ന വനങ്ങളാൽ മൂടപ്പെട്ട ഒരു കുന്നിൻ മുകളിൽ സ്ഥിതിചെയ്യുന്ന ഒരു ഹിന്ദു ക്ഷേത്രമാണ് അരുൾമിഗു ചോലമലൈ മുരുകൻ ക്ഷേത്രം. മുരുകന്റെ ആറ് പ്രധാന വാസസ്ഥലങ്ങളിൽ (ആറുപടൈവീടുകൾ) ഒന്നാണ് ഈ ക്ഷേത്രം. അഴകാർകോവിൽ വിഷ്ണു ക്ഷേത്രം ഇതിന് അടുത്താണ്.

കാർ, വാൻ, ഇരുചക്ര വാഹനം, ബസ് എന്നിവയിലൂടെ പഴമുതിർ ചോലൈയിൽ എത്തിച്ചേരാം. ^[1] മധുരയിൽ നിന്ന് 44-ാം നമ്പർ റൂട്ട് ബസ്സിൽ ഇവിടെ എത്തിച്ചേരാം. കുന്നിൻ ചുവട്ടിൽ നിന്ന് ക്ഷേത്രത്തിലേക്ക് ഓരോ 20 മിനിറ്റിലും ഒരു ഷട്ടിൽ ബസ് ഉണ്ട്. ഏകദേശം 15 മിനിറ്റ് എടുക്കും (3.4 കിലോമീറ്റർ) ക്ഷേത്രത്തിലെത്താൻ.

അസംഖ്യം ഫലവൃക്ഷങ്ങൾ, പച്ചക്കറികൾ, പ്രകൃതിദത്ത ഉറവകൾ എന്നിവയാൽ അനുഗ്രഹീതമായ ഫലഭൂയിഷ്ഠമായ ഒരു കുന്നാണ് പഴമുതിർചോല. വള്ളി താമസിച്ചിരുന്ന ഇടതൂർന്ന വനമാണിത്. വള്ളി, ദേവായനായി, മുരുകൻ എന്നിവർക്ക് പ്രത്യേകം കോവിലുകൾ ഉള്ള ഈ ക്ഷേത്രം താരതമ്യേന ചെറുതാണ്. ഗണപതിക്കായും ഒരു പ്രത്യേക ശ്രീകോവിലിലുണ്ട്. പഴമുതിർചോലക്ക് മുകളിൽ മറ്റൊരു ചെറിയ ക്ഷേത്രമുണ്ട്, അവിടെ പ്രാദേശിക ഗോത്രവർഗക്കാർ ജീവിതം നയിക്കുന്നു.

നൂറുകണക്കിന് മുരുക ക്ഷേത്രങ്ങൾ തമിഴ്നാട്ടിൽ ഉണ്ടെങ്കിലും അവയിൽ ഏറ്റവും പ്രധാനപ്പെട്ട ആറ് ക്ഷേത്രങ്ങളാണ് മുരുകന്റെ വാസസ്ഥലങ്ങളായ ആറുപടൈവീടുകൾ. മുരുകന്റെ ജീവിത ചരിത്രത്തിലെ സുപ്രധാന സംഭവങ്ങൾ ഈ സ്ഥലങ്ങളിൽ സംഭവിച്ചതായാണ് വിശ്വാസം. ^[2]

ആറുപടൈവീടുകളിൽ അവസാനത്തേത് ആണ് പഴമുതിർചോലൈ. ചിലപ്പതികാരം, എട്ടുത്തൊകൈ, പത്തുപാട്ട് തുടങ്ങിയ പഴയകാല തമിഴ് സാഹിത്യങ്ങളിൽ പഴമുതിച്ചോലൈ മുരുകനെ പരാമർശിച്ചിട്ടുണ്ട്.

മുരുക ഭക്തയായ പ്രശക്ത തമിഴ് കവയിത്രി അവ്വയാറിനെ മുരുകൻ ഇവിടെ വെച്ച് പരീക്ഷിച്ചതായി ഒരു ഐതീഹ്യമുണ്ട്. ^[3] ആ കഥ ഇങ്ങനെയാണ്. വെയിലുള്ള ഒരു ദിവസം യാത്ര ചെയ്യുമ്പോൾ ക്ഷീണിതനായി അവ്വയാർ, ഒരു ഫലവൃക്ഷത്തിന്റെ നിഴലിൽ അഭയം തേടി, മരത്തിൽ ഇരിക്കുന്ന ഒരു ആൺകുട്ടി മരത്തിൽ നിന്ന് മുത്തശ്ശീ, പഴം വേണോ? എന്ന്ചോദിച്ചു. വേണമെന്ന് പറഞ്ഞപ്പോൾ ബാലൻ ചുട്ട പഴം വേണോ, ചുടാത്ത പഴം വേണോ? എന്ന് വീണ്ടും ചോദിച്ചു.^[4] അവിശ്വസനീയമാംവിധം അറിവുള്ള സാഹിത്യകാരനുമായ അവ്വയാർ ഒരു "ചുട്ട പഴത്തിന്റെ" അസ്തിത്വത്തെക്കുറിച്ച് നിശബ്ദമായി പരിഹസിക്കുകയും ആൺകുട്ടിക്ക് ഒരു പഴത്തെക്കുറിച്ച് പോലും അറിവില്ലെന്ന് തീരുമാനിക്കുകയും ചെയ്തു. കുസൃതിചോദ്യം അത്ര ഇഷ്ടപ്പെടാത്ത അവ്വയാർ, ക്ഷീണിതയായതിനാൽ കുട്ടിയുമായി തർക്കിക്കാൻ ആഗ്രഹിക്കുന്നില്ലെന്ന് തീരുമാനിക്കുകയും ചുടാത്ത പഴങ്ങൾ എടുക്കാൻ ആവശ്യപ്പെടുകയും ചെയ്തു. കൊമ്പ് കുലുക്കി മരത്തിൽ നിന്ന് നിരവധി പഴങ്ങൾ വീഴുകയും അവ്വയാർ അവയെ എടുത്ത് ഊതി മണൽ നീക്കം ചെയ്യുമ്പോൾ പുഞ്ചിരിച്ചുകൊണ്ട് ആ കുട്ടി അവ്വയാറിനോട് "മുത്തശ്ശീ, പഴങ്ങൾക്ക് ചൂടുള്ളതു കൊണ്ടാണോ ഊതുന്നത്?" എന്ന് ചോദിച്ചു. വിദുഷിയായ അവ്വയാർ ചോദ്യത്തിന്റെ ആന്തരാർഥം മനസ്സിലാക്കി "കുഞ്ഞെ, ഞാൻ ഇനിയുമേറേ പഠിക്കാനുണ്ടെന്ന് നീ തെളിയിച്ചു" എന്ന് ബാലനോട് പറയുകയും ചെയ്തു.^[4]

കുട്ടിയുടെ അപാരമായ കാവ്യാത്മക പരിജ്ഞാനവും സമർത്ഥമായ പദപ്രയോഗവും കൊണ്ട് വിനയാന്വിതനായ അവ്വയാർ കുട്ടിയോട് അവന്റെ യഥാർത്ഥ വ്യക്തിത്വം വെളിപ്പെടുത്താൻ അപേക്ഷിച്ചു. ആ കുട്ടി അപ്രത്യക്ഷനായി, പകരം അവ്വയാറിനു മുന്നിൽ മുരുകൻ പ്രത്യക്ഷപ്പെട്ടു. തന്നെ അനുഗ്രഹിക്കണമെന്നും അറിവിനായുള്ള അനന്തമായ അന്വേഷണത്തിൽ തന്നെ സഹായിക്കണമെന്നും അവ്വയാർ മുരുകനോട് പ്രാർത്ഥിച്ചു. ഇതാണ് ഐതീഹ്യം.

• 
  പഴമുതിർചോലക്ക് സമീപമുള്ള ഒരു മരം
• 
  ക്ഷേത്രത്തിന്റെ പ്രധാന ഗോപുരം അകലെ നിന്നുള്ള കാഴ്ച

1. ↑ "ആർക്കൈവ് പകർപ്പ്". Archived from the original on 2017-05-08. Retrieved 2021-06-23.
2. ↑ Anantharaman, Ambjuam (2006). Temples of South India (second ed.). East West. p. 127. ISBN 978-81-88661-42-8.
3. ↑ "ആർക്കൈവ് പകർപ്പ്". Archived from the original on 2016-04-04. Retrieved 2021-06-23.
4. ↑ ^{4.0 4.1} Madhuraj, R. L. Harilal, Photos:. "ആറുപടൈ വീടുകൾ". Mathrubhumi (in ഇംഗ്ലീഷ്). Archived from the original on 2021-06-24. Retrieved 2021-06-23.{{cite news}}: CS1 maint: extra punctuation (link) CS1 maint: multiple names: authors list (link)