ലൂയിസ് കരോൾ രചിച്ച ആലീസെസ് അഡ്വെഞ്ചേഴ്സ് ഇൻ വണ്ടർലാൻറ്, ത്രൂ ദ് ലുക്കിംഗ് ഗ്ലാസ് എന്നീ നോവലുകളെ ആസ്പദമാക്കി നിർമ്മിച്ചാ് പുറത്തിറങ്ങിയ അമേരിക്കൻ ഫാൻറസി സാഹസിക ചലച്ചിത്രമാണ് ആലീസ് ഇൻ വണ്ടർലാൻഡ്. ടിം ബർട്ടൻ സംവിധാനം ചെയ്ത് 2010 ൽ പുറത്തിറങ്ങിയ ഈ ചിത്രത്തിന് തിരക്കഥ എഴുതിയത് ലിൻഡ വൂൾവേർട്ടൺ ആണ്. ജോണി ഡെപ്പ്, ആനി ഹത്താവേ, ഹെലെന ബൊൺഹാം കാർട്ടർ, ക്രിസ്പിൻ ഗ്ലോവർ, മാറ്റ് ലൂക്കാസ്, മിയ വാഷകിവ്സ്ക എന്നിവരാണ് ചിത്രത്തിൽ അഭിനയിച്ചിട്ടുള്ളത്. അലൻ റിക്ക്മാൻ, സ്റ്റീഫൻ ഫ്രൈ, മൈക്കിൾ ഷീൻ, തിമോത്തി സ്പാൽ എന്നിവർ കഥാപാത്രങ്ങൾക്ക് ശബ്ദം പകർന്നിരിക്കുന്നു. പത്തൊമ്പതു വയസ്സുള്ള ആലിസ് കിങ്സ്ലിയുടെ കഥയാണ് ചിത്രം പറയുന്നത്.
ഇതിവൃത്തം
അകാലത്തിൽ അച്ഛനെ നഷ്ടമായ ആലിസ് കിങ്സ്ലിയാണ് ചിത്രത്തിലെ നായിക. വിചിത്രമായ ഒരു സ്വപ്നത്താൽ വേട്ടയാടപ്പെടുന്ന അവൾ ഒരു ദിവസം അസ്കോട്ട് പ്രഭുവിൻറെ വീട്ടിൽ വിരുന്നു പോവുകയാണ്.
