ഇന്ത്യയിലെ വൈകല്യമുള്ളവർക്കുള്ള യാത്രാസൗജന്യങ്ങൾ

ഇംഗ്ലീഷ് വിലാസം

https://ml.wikipedia.org/wiki/Travel_concessions_for_disabled

ശാരീരിക-മാനസിക വൈകല്യമുള്ളവർക്ക് ബസ്, തീവണ്ടി, വിമാനം തുടങ്ങിയ യാത്രാ മാധ്യമങ്ങളിൽ സൗജന്യങ്ങൾ അനുവദിച്ചിട്ടുണ്ട്. ^[1]

അംഗവൈകല്യം സംഭവിച്ചവർക്ക് ബസ്സുകളിൽ യാത്രാ സൗജന്യം ലഭ്യമാണ്. ഓരോ സംസ്ഥാനത്തും ഓരോ നയങ്ങളാണ് ഉള്ളത്.

റെയിൽവേ മന്ത്രാലയത്തിന്റെ ഉത്തരവ് പ്രകാരം, ഒറ്റയ്ക്കോ അല്ലെങ്കിൽ മറ്റൊരാളുടെ സഹായത്തോടുകൂടിയോ യാത്രചെയ്യുന്ന അന്ധർക്ക് യാത്രാസൗജന്യം ലഭിക്കുന്നതാണ്. ഈ സൗജന്യം ലഭിക്കുന്നതിനായി സർക്കാർ വൈദ്യന്റെയോ, രജിസ്റ്റർ ചെയ്ത വൈദ്യന്റെയോ യോഗ്യതാപത്രം സമർപ്പിക്കേണ്ടതാണ്.

യാത്രാസൗജന്യത്തിനുള്ള യോഗ്യതാപത്രം സ്റ്റേഷൻ മാസ്റ്റർ ടിക്കറ്റ് നൽകുന്ന വേളയിൽ നൽകുന്നതാണ്. ഇതിനായി അന്ധതതെളിയിക്കുന്നതിനുള്ള യോഗ്യതാപത്രത്തിന്റെ സാക്ഷ്യപ്പെടുത്തിയ പകർപ്പ് സമർപ്പിക്കേണ്ടതാണ്. ഈ സൗജന്യം ലഭിക്കുന്നതിനായി അന്ധനായ യാത്രക്കാരൻ ഹാജരാകണമെന്നില്ല.

ചലനാംഗങ്ങൾക്ക് വൈകല്യം സംഭവിച്ചവർക്ക് മറ്റൊരാളുടെ സഹായത്തോടുകൂടി സൗജന്യയാത്ര നടത്താവുന്നതാണ്. ഇതിനായി വൈകല്യം സംഭവിച്ച വ്യക്തിക്ക് പരസഹായമില്ലാതെ യാത്ര ചെയ്യുവാൻ സാധിക്കുകയില്ലെന്ന യോഗ്യതാപത്രം സർക്കാർ വൈദ്യന്റെയോ, രജിസ്റ്റർ ചെയ്ത വൈദ്യന്റെയോ പക്കൽനിന്നും വാങ്ങി സമർപ്പിക്കേണ്ടതാണ്.

ബധിരതയും മൂകതയും(രണ്ടും) ബാധിച്ച യാത്രക്കാർക്കാണ് ഈ സൗജന്യം ലഭിക്കുക. എന്നാൽ കൂടെവരുന്ന സഹായിക്ക് ഈ സൗജന്യം ലഭ്യമാകുകയില്ല.

മാനസികവളർച്ച കൈവരിക്കാത്തവർക്ക് മറ്റൊരാളുടെ സഹായത്തോടുകൂടി സൗജന്യയാത്ര നടത്താവുന്നതാണ്. ഇതിനായി സർക്കാർ തയ്യാറാക്കിയ പ്രത്യേക ഫോമിൽ അപേക്ഷസമർപ്പിക്കേണ്ടതാണ്.

ഈ ലേഖനം അപൂർണ്ണമാണ്‌. ഇതു പൂർത്തിയാക്കുവാൻ സഹകരിക്കുക.