ഇന്ദിര ചക്രവർത്തി

ഇംഗ്ലീഷ് വിലാസം

https://ml.wikipedia.org/wiki/Indira_Chakravarty

ഒരു പൊതുജനാരോഗ്യ വിദഗ്ദ്ധയും പണ്ഡിതയും പരിസ്ഥിതി പ്രവർത്തകയുമാണ് ഇന്ദിര ചക്രവർത്തി' ^[1]. 2014 ൽ അവർക്ക് പൊതുജനാരോഗ്യ, പരിസ്ഥിതി മേഖലകളിലെ സംഭാവനകൾക്ക് ഇന്ത്യാ ഗവൺമെന്റിന്റെ നാലാമത്തെ പരമോന്നത സിവിലിയൻ അവാർഡ് ആയ പത്മശ്രീ ലഭിച്ചു.^[2]

പശ്ചിമ ബംഗാളിൽ നിന്നുള്ള ചക്രവർത്തി കൊൽക്കത്ത സർവകലാശാലയിൽ നിന്ന് ബയോകെമിസ്ട്രിയിൽ ഡോക്ടറൽ ബിരുദം (പിഎച്ച്ഡി) നേടി. ^[3]തുടർന്ന് രണ്ടാം ഡോക്ടറൽ ബിരുദവും (ഡിഎസ്‌സി) നേടി. ^[1][4] ഇന്ത്യയിലെയും ആഗോളതലത്തിലെയും ഭക്ഷ്യ സുരക്ഷ, ശുചിത്വ വ്യവസായം എന്നിവയിൽ സജീവമായ അവർ 30 ഗവേഷണ പദ്ധതികളിൽ പങ്കെടുത്തിട്ടുണ്ട്. ^[5]ലോകാരോഗ്യ സംഘടനയുടെ (ഡബ്ല്യുഎച്ച്ഒ) രണ്ട് പദ്ധതികൾ, കുട്ടികൾക്കായുള്ള ലോക ഉച്ചകോടി, വിശപ്പ് പദ്ധതി എന്നിവയിലും അവർ പങ്കാളിയായി. ^[1]

ചക്രവർത്തി നടത്തിയ ചില പഠനങ്ങളിൽ കൊൽക്കത്തയിലെ തെരുവ് കച്ചവടക്കാരിൽ നടത്തിയ പഠനം നയപരമായ മാറ്റങ്ങൾക്കും ഇന്ത്യൻ ഗവൺമെന്റിന്റെ പുതിയ സംരംഭങ്ങൾക്കും കാരണമായി.^[1]ഇന്റർനാഷണൽ മ്യൂസിയം ഓഫ് വിമൻ (IMOW) ഗ്ലോബൽ കൗൺസിൽ അംഗമായ ചക്രവർത്തി നിരവധി പ്രാധാന്യമുള്ള പദവികൾ വഹിച്ചിട്ടുണ്ട്:

• മുഖ്യ ഉപദേഷ്ടാവ് - പബ്ലിക് ഹെൽത്ത് എഞ്ചിനീയറിംഗ് വകുപ്പ്, പശ്ചിമ ബംഗാൾ സർക്കാർ^[4][6][7]
• അംഗം - ദേശീയ കുടിവെള്ള-ശുചിത്വ കൗൺസിൽ, ഇന്ത്യാ ഗവൺമെന്റ്^[4]
• ബോർഡ് അംഗം - ഇന്റർനാഷണൽ ഇൻസ്റ്റിറ്റ്യൂട്ട് ഓഫ് ഗ്ലോബൽ ഹെൽത്ത്, യുണൈറ്റഡ് നേഷൻസ് യൂണിവേഴ്സിറ്റി^[1][4][5]
• മുൻ അംഗം - ഫുഡ് സേഫ്റ്റി ആൻഡ് സ്റ്റാൻഡേർഡ് അതോറിറ്റി ഓഫ് ഇന്ത്യ, ഇന്ത്യാ ഗവൺമെന്റ് ^[1][4]
• മുൻ റീജിയണൽ ഡയറക്ടർ, ദക്ഷിണേഷ്യ - മൈക്രോ ന്യൂട്രിയന്റ് ഇനിഷ്യേറ്റീവ് - അന്താരാഷ്ട്ര വികസന ഗവേഷണ കേന്ദ്രം (IDRC)^[1][4]
• മുൻ ഡയറക്ടറും ഡീനും - All India Institute of Hygiene and Public Health, ഇന്ത്യാ ഗവൺമെന്റ്^[1][4]
• മുൻ ഡയറക്ടർ - ചിത്തരഞ്ജൻ നാഷണൽ കാൻസർ ഇൻസ്റ്റിറ്റ്യൂട്ട്, ഇന്ത്യാ ഗവൺമെന്റ്^[1][4]
• Former Regional Advisor Nutrition(Act) - സൗത്ത് ഈസ്റ്റ് ഏഷ്യയ്ക്കുള്ള പ്രാദേശിക ഓഫീസ്, ലോകാരോഗ്യ സംഘടന^[1][4]
• റീജിയണൽ കോർഡിനേറ്റർ - Asian Regional Centre on Street Foods - Food and Agriculture Organization^[1]
• ഓണററി സയന്റിഫിക് അഡ്വൈസർ - Foundation for Community Support and Development (FCSD)^[1][3]
• കൺസൾട്ടന്റ്- കുട്ടികൾക്കായുള്ള ലോക ഉച്ചകോടി - ലോകാരോഗ്യ സംഘടന^[1]

ഒരു പുസ്തകത്തിന്റെയും^[8] 250 ലധികം ലേഖനങ്ങളുടെയും രചയിതാവെന്ന നിലയിൽ ചക്രവർത്തിയെ പ്രശംസിക്കുകയും ദേശീയ ഫോറങ്ങളിലും അന്താരാഷ്ട്ര ജേണലുകളിലും പ്രസിദ്ധീകരിക്കുകയും ചെയ്തു.^{[1][9][10][6][7][7]}

• Indira Chakravarty (1972). Saga of Indian Food A Historical and Cultural Survey. Sterling Publishers. p. 183. ASIN B0000CQ98Q.
• Indira Chakravarty, R K Sinha (2002). "Prevalence of micronutrient deficiency based on results obtained from the national pilot program on control of micronutrient malnutrition". Nutr. Rev. 6 (5): 553–558.