ഇൻഡിക്കേഷൻ (വൈദ്യശാസ്ത്രം)വൈദ്യശാസ്ത്രത്തിൽ, ഒരു നിശ്ചിത മെഡിക്കൽ പരിശോധന, മരുന്ന്, മെഡിക്കൽ നടപടിക്രമം അല്ലെങ്കിൽ ശസ്ത്രക്രിയ എന്നിവ ഉപയോഗിക്കുന്നതിനുള്ള സാധുവായ കാരണമാണ് ഇൻഡിക്കേഷൻ (സൂചന എന്ന് മലയാളം) എന്ന് അറിയപ്പെടുന്നത്. [1] ഒരു നടപടിക്രമം അല്ലെങ്കിൽ മരുന്ന് ഉപയോഗിക്കുന്നതിന് ഒന്നിലധികം ഇൻഡിക്കേഷനുകൾ ഉണ്ടാകാം. ഇൻഡിക്കേഷൻ എന്ന പദം, രോഗനിർണയം അഥവാ ഡയഗ്നോസിസ് എന്ന പദവുമായി ആശയക്കുഴപ്പത്തിലാകാം. ഒരു രോഗനിർണയം എന്നത് ഒരു പ്രത്യേക [മെഡിക്കൽ] അവസ്ഥ ഉണ്ടെന്ന് വിലയിരുത്തലാണ്, അതേസമയം ഒരു ഇൻഡിക്കേഷൻ ചികിത്സക്കുള്ള കാരണമാണ്. [2] ഒരു ഇൻഡിക്കേഷന്റെ വിപരീതം കോൺട്രാഇൻഡിക്കേഷൻ അഥവാ വിപരീതഫലമാണ്.[3] ചികിത്സയുടെ അപകടസാധ്യതകൾ ആനുകൂല്യങ്ങളെക്കാൾ കൂടുതലായതിനാൽ ഒരു നിശ്ചിത വൈദ്യചികിത്സ തടഞ്ഞുവയ്ക്കാനുള്ള ഒരു കാരണമാണ് കോൺട്രാഇൻഡിക്കേഷൻ. യുണൈറ്റഡ് സ്റ്റേറ്റ്സിൽ, കുറിപ്പടി മരുന്നുകൾക്കുള്ള ഇൻഡിക്കേഷനുകൾ എഫ്ഡിഎ അംഗീകരിച്ചിരിക്കണം. നിർദേശിക്കുന്ന വിവരങ്ങളുടെ സൂചനകളും ഉപയോഗവും എന്ന വിഭാഗത്തിൽ ഇൻഡിക്കേഷനുകൾ ഉൾപ്പെടുത്തിയിട്ടുണ്ട്. മരുന്നിന്റെ അംഗീകൃത ഇൻഡിക്കേഷനുകൾ വഴി രോഗികൾക്ക് ഉചിതമായ ചികിത്സകൾ എളുപ്പത്തിൽ തിരിച്ചറിയാൻ ആരോഗ്യപരിചരണക്കാരെ പ്രാപ്തരാക്കുക എന്നതാണ് ലേബലിംഗിന്റെ ഈ വിഭാഗത്തിന്റെ പ്രാഥമിക പങ്ക്. രോഗം അല്ലെങ്കിൽ അവസ്ഥയുടെ നിർണയം, അതുപോലെ തന്നെ ആ രോഗത്തിന്റെ ചികിത്സ, പ്രതിരോധം, ലഘൂകരണം, രോഗശമനം, ആശ്വാസം എന്നിവയ്ക്കായി പ്രസ്തുത മരുന്ന് നിർദ്ദേശിക്കപ്പെട്ടിട്ടുണ്ടോ എന്ന് ഇൻഡിക്കേഷൻസ് ആൻഡ് യൂസേജ് വിഭാഗം സൂചിപ്പിക്കുന്നു. അവസ്ഥ. കൂടാതെ, ഇൻഡിക്കേഷൻസ് ആൻഡ് യൂസേജ് (സൂചനകളും ഉപയോഗവും) വിഭാഗത്തിൽ മരുന്ന് ഉപയോഗിക്കാനുള്ള അംഗീകൃത പ്രായ വിഭാഗങ്ങളും ഉചിതമായ ഉപയോഗം വിവരിക്കാൻ ആവശ്യമായ മറ്റ് വിവരങ്ങളും അടങ്ങിയിരിക്കണം (ഉദാഹരണത്തിന്, സൂചിപ്പിച്ചിരിക്കുന്ന രോഗി/രോഗ ഉപഗ്രൂപ്പുകളെ തിരിച്ചറിയൽ, അനുബന്ധ തെറാപ്പി ആവശ്യമാണെങ്കിൽ പ്രസ്താവിക്കുക എന്നിവ). മരുന്ന്മിക്ക രാജ്യങ്ങളിലും അധികാരപരിധിയിലും, മരുന്നിന്റെ ആപേക്ഷിക സുരക്ഷയും പ്രത്യേക ഉപയോഗത്തിനായുള്ള അതിന്റെ ഫലപ്രാപ്തിയും അടിസ്ഥാനമാക്കി, ഒരു നിർദ്ദിഷ്ട സൂചനയ്ക്കായി (ഇൻഡിക്കേഷൻ) ഒരു മരുന്നിന് അംഗീകാരം നൽകണമോ എന്ന് നിർണ്ണയിക്കുന്നതിനുള്ള ഒരു ലൈസൻസിംഗ് ബോഡി ഉണ്ട്. യുണൈറ്റഡ് സ്റ്റേറ്റ്സിൽ, മരുന്നുകൾക്കുള്ള ഇൻഡിക്കേഷൻ അംഗീകരിക്കുന്നത് ഫുഡ് ആൻഡ് ഡ്രഗ് അഡ്മിനിസ്ട്രേഷൻ (എഫ്ഡിഎ) ആണ്, ഇവ ഇൻഡിക്കേഷൻസ് ആൻഡ് യൂസേജ് (സൂചനകളും ഉപയോഗവും) വിഭാഗത്തിൽ ഉൾപ്പെടുത്തിയിട്ടുണ്ട്. യൂറോപ്യൻ യൂണിയനിലെ കേന്ദ്ര അംഗീകൃത മരുന്നുകളുടെ ഈ ഉത്തരവാദിത്തം യൂറോപ്യൻ മെഡിസിൻസ് ഏജൻസി (ഇ എം എ) നിർവ്വഹിക്കുന്നു . മെഡിക്കൽ പരിശോധനകൾമരുന്നുകൾക്കെന്നപോലെ ഓരോ ടെസ്റ്റിനും അതിന്റേതായ സൂചനകളും (ഇൻഡിക്കേഷൻസ്) വിപരീതഫലങ്ങളുമുണ്ട് (കോൺട്രാഇൻഡിക്കേഷൻസ്), എന്നാൽ ലളിതമായ രീതിയിൽ, ഒരു വ്യക്തിക്ക് ഒരു ടെസ്റ്റ് എത്രമാത്രം സൂചിപ്പിച്ചിരിക്കുന്നു എന്നത് പ്രധാനമായും ആ വ്യക്തിക്കുള്ള അതിന്റെ മൊത്തം നേട്ടത്തെ ആശ്രയിച്ചിരിക്കുന്നു. ഒരു മെഡിക്കൽ ടെസ്റ്റ് നടത്തണമോ വേണ്ടയോ എന്ന തീരുമാനത്തെ സ്വാധീനിക്കുന്ന അധിക ഘടകങ്ങളിൽ പരിശോധനയുടെ ചിലവ്, ടെസ്റ്റിനായി എടുത്ത സമയം അല്ലെങ്കിൽ മറ്റ് പ്രായോഗിക അല്ലെങ്കിൽ ഭരണപരമായ വശങ്ങൾ എന്നിവയും ഉൾപ്പെടുന്നു. ഒരു ഡയഗ്‌നോസ്റ്റിക് ടെസ്റ്റിന്റെ സാധ്യമായ നേട്ടങ്ങൾ വലുതാണ്. [4] കൂടാതെ, പരിശോധിക്കപ്പെടുന്ന വ്യക്തിക്ക് പ്രയോജനകരമല്ലെങ്കിൽപ്പോലും, മറ്റ് വ്യക്തികൾക്ക് ആരോഗ്യ സംരക്ഷണം മെച്ചപ്പെടുത്തുന്നതിനായി സ്ഥിതിവിവരക്കണക്കുകൾ സ്ഥാപിക്കുന്നതിന് ഡയഗ്‌നോസ്റ്റിക് ടെസ്റ്റിന്റെ ഫലങ്ങൾ ഉപയോഗപ്രദമാകും. അവലംബം
|
Portal di Ensiklopedia Dunia
