എ.പി. ഷൗക്കത്തലി

ഇംഗ്ലീഷ് വിലാസം

https://ml.wikipedia.org/wiki/A.P._Shoukath_Ali

കേന്ദ്ര ആഭ്യന്തര മന്ത്രാലയത്തിന്റെ അന്വേഷണ മികവിനുള്ള പുരസ്‌കാരം നേടിയ ഒരു പോലീസുദ്യോഗസ്ഥനാണ് എ.പി. ഷൗക്കത്തലി.^[1]

1995-ൽ ഒന്നാം റാങ്കോടെ കേരളാ പൊലീസിൽ എസ്.ഐ. ആയി നിയമിതനായ ഷൗക്കത്തലി 2014-ൽ ദേശീയ അന്വേഷണ ഏജൻസിയിലെത്തി.^[2] ടി.പി. ചന്ദ്രശേഖരൻ വധക്കേസ്‌, കേരളത്തിലെ സ്വർണ്ണക്കടത്തു കേസ് 2020 എന്നീ പ്രമാദമായ കേസന്വേഷണങ്ങളിൽ ഇദ്ദേഹം പ്രധാനിയായിരുന്നു. കനകമല കേസ്, തമിഴ്‌നാട്ടിലെ ഭീകരവാദ കേസുകൾ, പാരീസ് ഭീകരാക്രമണ കേസിൽ ഫ്രഞ്ച് ഏജൻസികളുമായി ചേർന്നുള്ള അന്വേഷണം എന്നിവയിലൊക്കെ ഇദ്ദേഹം പങ്കാളി ആയിരുന്നു. ദേശീയ അന്വേഷണ ഏജൻസിയുടെ തീവ്രവാദ വിരുദ്ധ ഓപ്പറേഷൻ സ്പെഷലിസ്റ്റായി ഇദ്ദേഹം അറിയപ്പെടുന്നു.^[2] 2020-ലെ സ്വർണ്ണക്കടത്ത് കേസിൽ ചുമതലയേറ്റെടുത്ത് 24 മണിക്കൂറിനുള്ളിൽ മുഖ്യപ്രതികളായ സ്വപ്‌നാ സുരേഷിനേയും സന്ദീപിനേയും അറസ്റ്റ് ചെയ്യാൻ അദ്ദേഹത്തിനു കഴിഞ്ഞു. തലശ്ശേരി ഡിവൈഎസ്പിയായിരുന്ന സമയത്താണ് ടി.പി. ചന്ദ്രശേഖരൻ വധക്കേസിൽ കൊടിസുനി, ഷാഫി, കിർമാണി മനോജ് എന്നിവരെയും സി.പി.ഐ.എം. നേതാക്കളായ പി.കെ. കുഞ്ഞനന്തനെയും പി.മോഹനനേയും അറസ്റ്റു ചെയ്തത്.^[3]