എം. സി. കമറുദ്ദീൻ, ഇന്ത്യൻ യൂണിയൻ മുസ്ലിം ലീഗിന്റെ നേതാവാണ്. 2019 ഒക്ടോബർ 24 ന് ഉപതിരഞ്ഞെടുപ്പിൽ മഞ്ജേശ്വരത്ത് നിന്ന് കേരള നിയമസഭാംഗമായി തിരഞ്ഞെടുക്കപ്പെട്ടു.[1][2][3][4]
എ.പി. മുഹമ്മദ് കുഞ്ഞിയുടെ മകനാണ്. 1978 ൽ തളിപ്പറമ്പ് സർ സയ്യിദ് കോളേജിൽ നിന്ന് പ്രീ ഡിഗ്രി വിദ്യഭ്യാസം പൂർത്തിയാക്കി.[5]
രാഷ്ട്രീയ ചരിത്രം
പി. ബി. അബ്ദുൾ റസാക്കിന്റെ മരണത്തെത്തുടർന്ന് ഒഴിവ് വന്ന മഞ്ജേശ്വരം നിയമസഭാ മണ്ഡലത്തിൽ, കാസർകോഡ് മുസ്ലിം ലീഗ് ജില്ലാ അദ്യക്ഷനായ എം. സി. കമറുദ്ദീൻ, ഉപതിരഞ്ഞെടുപ്പിൽ യുഡിഫ് സ്ഥാനാർത്ഥിയായി മത്സരിച്ചു.[6] 2,14,779 രജിസ്റ്റർ ചെയ്ത വോട്ടർമാരുണ്ടായിരുന്നു മണ്ഡലത്തിൽ, 2019 ഒക്ടോബർ 21 ന് എം സി കമറുദ്ദീൻ 7923 വോട്ടുകൾക്ക് വിജയിച്ചു.[6]
വിവാദങ്ങൾ
സാമ്പത്തിക തട്ടിപ്
130 കോടി രൂപയുടെ സാമ്പത്തിക തട്ടിപ്പുമായി ബന്ധപെട്ടു വിവിധ പോലീസ് സ്റ്റേഷനുകളിൽ എംസി കമറുദ്ദീനെതിരെ നൂറിലധികം പരാതികൾ രജിസ്റ്റർ ചെയ്തിട്ടുണ്ട്.[7][8][9][10]
മുസ്ലിം ലീഗ് ജില്ലാതല നേതാവ് ടി കെ പൂക്കോയ താങ്ങളോടൊപ്പം 700 ഓളം നിക്ഷേപകരുമായി 2017 ൽ കാസറഗോഡിൽ ഫാഷൻ ഗോൾഡ് എന്ന പേരിൽ ഒരു കമ്പനി ആരംഭിച്ചു.[11] എം. സി. കമറുദ്ദീൻ ചെയർമാനും മുസ്ലിം ലീഗ് ജില്ലാ വർക്കിംഗ് കമ്മിറ്റി അംഗം ടി കെ പൂക്കോ തനഗലും കമ്പനിയുടെ മാനേജിംഗ് ഡയറക്ടറായിരുന്നു.[12] 2019 സെപ്റ്റംബറിൽ കമ്പനി അടച്ചുപൂട്ടി, പക്ഷേ വാഗ്ദാനം ചെയ്ത സാമ്പത്തിക വിഹിതം നിക്ഷേപകർക്ക് നലകിയില്ല.[11] കേരള പോലീസിന്റെ ക്രൈം ബ്രാച്ച് ക്രൈം ഇൻവെസ്റ്റിഗേഷൻ ഡിപ്പാർട്ട്‌മെന്റ് (സിബിസിഐഡി) 130 കോടിയുടെ സാമ്പത്തിക തട്ടിപ്പ് കേസ് ഇപ്പോൾ അന്വേഷിക്കുന്നത്.[13][11][7] കള്ളപ്പണം വെളുപ്പിച്ചതിന് എൻഫോഴ്‌സ്‌മെന്റ് ഡയറക്ടറേറ്റും (ഇഡി) കേസെടുത്തു.[14] സാമ്പത്തിക അഴിമതിയിൽ ഏർപ്പെടുന്നത് നിയമസഭാംഗങ്ങളുടെ പെരുമാറ്റച്ചട്ടത്തിന്റെ ലംഘനമായതിനാൽ, കേരള നിയമസഭയിലെ പ്രിവിലേജുകളും എത്തിക്സും സംബന്ധിച്ച കമ്മിറ്റി ഇക്കാര്യത്തിൽ അന്വേഷണം ആരംഭിച്ചു.[7]
എം.സി. കമറുദ്ദീനും കസാർകോഡ് ജില്ലാ പഞ്ചായത്ത് പ്രസിഡന്റ് എ.ജി.സി. ബഷീറും തൃക്കരിപ്പൂർ ആർട്സ് ആൻഡ് സയൻസ് കോളേജിന് ആവശ്യമായ അനുമതി വാഗ്ദാനം ചെയ്ത് 85 പേരിൽ നിന്ന് 5 ലക്ഷം വീതം പിരിച്ചെടുത്ത തട്ടിപ്പ് കേസും നിലനിൽക്കുന്നുണ്ട്. [16][17] ഇന്നുവരെ കോളേജിന് കണ്ണൂർ സർവകലാശാലയിൽ നിന്ന് അഫിലിയേഷൻ ലഭിച്ചിട്ടില്ല.[16]
