എല്ല കാംബെൽ സ്കാർലറ്റ്

ഇംഗ്ലീഷ് വിലാസം

https://ml.wikipedia.org/wiki/Ella_Campbell_Scarlett

എല്ല കാംബെൽ സ്കാർലറ്റ്
എല്ല സ്കാർലറ്റ് 1916 ൽ
ജനനം	(1864-11-22)22 നവംബർ 1864 സർറേ, ഇംഗ്ലണ്ട്
മരണം	30 ഒക്ടോബർ 1937(1937-10-30) (പ്രായം 72) London, England
കലാലയം	London School of Medicine for Women and the Royal Free Hospital
തൊഴിൽ	Physician
ജീവിതപങ്കാളി	Percy Hamilton Synge (m. 14 December 1901-1921; divorced)
മാതാപിതാക്കൾ	William Scarlett, 3rd Baron Abinger
ബന്ധുക്കൾ	James Scarlett, 4th Baron Abinger (brother) Evelina Haverfield (sister) Robert Scarlett (grandfather) James Scarlett (great-grandfather)

എല്ല കാംബെൽ സ്കാർലറ്റ് (ജീവിതകാലം: 22 നവംബർ 1864 - 30 ഒക്ടോബർ 1937) ഒരു ഇംഗ്ലീഷ് ഫിസിഷ്യൻ ആയിരുന്നു. ദക്ഷിണാഫ്രിക്കയിലെ ബ്ലൂംഫോണ്ടൈനിലെ ആദ്യത്തെ വനിതാ മെഡിക്കൽ പ്രാക്ടീഷണറും കാനഡയിലെ റോയൽ കൊളംബിയൻ ഹോസ്പിറ്റലിലെ ആദ്യത്തെ വനിതാ ഡോക്ടറും ആയിരുന്നു അവർ.

1864 നവംബർ 22-ന് ഇംഗ്ലണ്ടിലെ സറേയിലെ അബിംഗർ ഹാളിലാണ് സ്കാർലറ്റ് ജനിച്ചത്. അവളുടെ മാതാപിതാക്കൾ തേർഡ് ബാരൺ അബിംഗർ വില്യം സ്കാർലറ്റും, ഹെലൻ (മുമ്പ്, മഗ്രൂഡർ) സ്കാർലറ്റും (ജോൺ ബി. മാഗ്രൂഡറിന്റെ മരുമകൾ) എന്നിവരായിരുന്നു.^[1][2] 1897-ൽ, ലണ്ടൻ സ്‌കൂൾ ഓഫ് മെഡിസിൻ ഫോർ വുമണിലും റോയൽ ഫ്രീ ഹോസ്പിറ്റലിലും അഞ്ച് വർഷം മെഡിസിൻ പഠിച്ച സ്കാർലറ്റ്, കൊറിയയിൽ രാജസഭയിൽ കുറച്ചുകാലം ചിലവഴിച്ചു.^[3] 1901 ഡിസംബർ 14-ന് പെർസി ഹാമിൽട്ടൺ സിൻജിനെ വിവാഹം കഴിച്ചു. വിവാഹസമയത്ത് സിൻജിന് 29 വയസ്സും സ്കാർലറ്റിന് 37 വയസ്സുമായിരുന്നു.

1902-ൽ, ബോയർ യുദ്ധത്തിന്റെ ഭാഗമായി തടങ്കൽപ്പാളയത്തിൽ സർക്കാർ നിയമനം വഴി സേവനം ചെയ്യാൻ സ്കാർലറ്റ് ദക്ഷിണാഫ്രിക്കയിലെ നോർവൽസ്‌പോണ്ടിലേക്ക് പോയി.^[4] സ്കാർലറ്റ് പിന്നീട് ബ്ലൂംഫോണ്ടെയ്നിലേക്ക് മാറുകയും അവിടെ തടങ്കൽപ്പാളയങ്ങളിലെ അവസ്ഥയെക്കുറിച്ച് അന്വേഷിക്കാൻ ബ്രിട്ടീഷ് യുദ്ധകാര്യ മന്ത്രി നിയോഗിച്ച ആറംഗ കമ്മിറ്റിയുടെ ഭാഗമായിരുന്നു അവർ (കമ്മിറ്റിയിലെ മറ്റ് അംഗങ്ങളിൽ മില്ലിസെന്റ് ഫോസെറ്റും ജെയ്ൻ എലിസബത്ത് വാട്ടർസ്റ്റണും ഉൾപ്പെടുന്നു).^[5] 1903-ൽ സ്കാർലറ്റിന് നോർമൽ കോളേജ് ആൻറെ ദ ഡേംസ് ഇൻസ്റ്റിറ്റ്യൂട്ടിൽ ഡോക്ടറായി നിയമനം ലഭിച്ചു.

1907-ൽ, ന്യൂ വെസ്റ്റ്മിൻസ്റ്ററിലേക്ക് മാറുന്നതിന് മുമ്പ് സ്കാർലറ്റ് അഞ്ച് വർഷത്തേക്ക് കാനഡയിലെ എഡ്മണ്ടനിലേക്ക് താമസം മാറി. 1915-ൽ സ്കാർലറ്റ് കനേഡിയൻ റെഡ് ക്രോസിൽ പ്രഥമശുശ്രൂഷയും ഹോം നഴ്സിങ്ങും പഠിപ്പിക്കുകയും കാനഡയിലെ ആദ്യത്തെ വനിതാ വോളണ്ടിയർ റിസർവ് കോർപ്സ്^[6] സംഘടിപ്പിക്കുകയും റോയൽ കൊളംബിയൻ ഹോസ്പിറ്റലിലെ ആദ്യത്തെ വനിതാ ഡോക്ടറെന്ന നേട്ടം കൈവരിക്കുകയും ചെയ്തു.^[7] 1915 ഓഗസ്റ്റിൽ, സ്കാർലറ്റ് മെഡിക്കൽ സാധനങ്ങൾ വിതരണം ചെയ്യുന്നതിനായി സെർബിയയിലേക്ക് പോകുകയും ജർമ്മനിയിലെ ബ്രിട്ടീഷ് തടവുകാരെ സന്ദർശിക്കുകയും ചെയ്തു.^[8] അവൾ 1937-ൽ ലണ്ടനിൽ മരിച്ചു.^[9]

1. ↑ England, Select Births and Christenings, 1538–1975
2. ↑ Mosley, Charles, ed. (2003). Burke's Peerage, Baronetage & Knighthood (107 ed.). Burke's Peerage & Gentry. p. 25. ISBN 0-9711966-2-1.
3. ↑ Says, Richard Merchant (26 July 2012). "Royal Columbian Hospital's First Woman Doctor". RCH150 (in ഇംഗ്ലീഷ്).
4. ↑ "One of the Great Women of the West - Maclean's - SEPTEMBER 1916". Maclean's, The Complete Archive. Archived from the original on 2019-07-18. Retrieved 2023-01-21.
5. ↑ Potgieter, S V (1998). "History of Medicine: Medicine in Bloemfontein - anecdotes from the turn of the century". South African Medical Journal. 3 (88): 272–274.
6. ↑ Hacker, Barton; Vining, Margaret (2012). A companion to women's military history (Volume 74 ed.). Brill. p. 195. ISBN 9789004212176.
7. ↑ Says, Richard Merchant (26 July 2012). "Royal Columbian Hospital's First Woman Doctor". RCH150 (in ഇംഗ്ലീഷ്).
8. ↑ Hacker, Barton; Vining, Margaret (2012). A companion to women's military history (Volume 74 ed.). Brill. p. 195. ISBN 9789004212176.
9. ↑ England & Wales, National Probate Calendar (Index of Wills and Administrations), 1858–1995