എലൻ ജോൺസൺ സർലീഫ്
എലൻ ജോൺസൺ സർലീഫ് (ജനനം 29 ഒക്ടോബർ 1938) ലൈബീരിയയുടെ പ്രസിഡണ്ടാണു്. ലൈബീരിയയുടെ ഇരുപത്തി നാലാമത്തെ രാഷ്ട്രപതിയാണു് സർലീഫ്. 1979ൽ പ്രസിഡണ്ട് വില്യം ടോൾബെർട്ടിന്റെ മന്ത്രിസഭയിൽ ധനകാര്യമന്ത്രിയായി ചുമതലയേറ്റിരുന്നെങ്കിലും 1980ലെ അട്ടിമറി ഭരണമാറ്റത്തെത്തുടർന്നു് ലൈബീരിയയിൽ നിന്നു് നാടുവിടുകയും പല അന്താരാഷ്‌ട്രധനകാര്യസ്ഥാപനങ്ങളിലും ഉയർന്ന പദവിയിൽ ഉദ്യോഗസ്ഥയായി തുടരുകയും ചെയ്തു. 1997ലെ ലൈബീരിയൻ രാഷ്‌ട്രപതിസ്ഥാനത്തേക്കുള്ള തെരഞ്ഞെടുപ്പിൽ വളരെ പിന്നിൽ രണ്ടാംസ്ഥാനത്തെത്തി പരാജയപ്പെട്ടു. എങ്കിലും 2005ലെ തെരഞ്ഞെടുപ്പിൽ വിജയിക്കുകയും 2006 ജനുവരി 16നു് പ്രസിഡണ്ടായി അധികാരമേറ്റെടുക്കുകയും ചെയ്തു. [[[ആഫ്രിക്ക]]ൻ ഭൂഖണ്ഡത്തിലെ ആദ്യവനിതാഭരണാധികാരിയാണു് സർലീഫ്. സമാധാനത്തിനുള്ള 2011ലെ നോബൽ സമ്മാനം എലൻ ജോൺസൺ സർലീഫ് ലൈബീരിയയിലെത്തന്നെ ലെയ്മാ ഗ്ബോവീയും യെമനിലെ തവക്കുൽ കർമാനുമായി പങ്കിട്ടു നേടി. “സ്ത്രീകളുടെ സുരക്ഷയ്ക്കും സമാധാനപാലനത്തിനുള്ള പൂർണ്ണപങ്കാളിത്തം ഉറപ്പാക്കാനുള്ള അവരുടെ അവകാശത്തിനും വേണ്ടിയുള്ള അഹിംസാത്മകമായ സമരങ്ങൾ” മുൻ‌നിർത്തിയാണു് അവർക്കു മൂവർക്കും നോബൽ സമ്മാനം നൽകപ്പെട്ടതു്.[1] പുരസ്കാരങ്ങൾ
അവലംബം
 എലൻ ജോൺസൺ സർലീഫ് എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്. ബാഹ്യ ലിങ്കുകൾ
Speeches
Profiles and interviews
|
|||||||||||||||||||||||||||||||||||||||||||||||||
Portal di Ensiklopedia Dunia
