ഒന്നാം പിണറായി വിജയൻ മന്ത്രിസഭ

ഒന്നാം പിണറായി വിജയൻ മന്ത്രിസഭ
കേരള സംസ്ഥാനത്തിന്റെ 14-ആം മന്ത്രിസഭ
രൂപീകരിച്ചത്	25 മേയ് 2016
പിരിച്ചുവിട്ടത്	03 മേയ് 2021
വ്യക്തികളും സംഘടനകളും
സ്റ്റേറ്റിന്റെ തലവൻ	പി. സദാശിവം (5 സെപ്റ്റംബർ 2019-വരെ) ആരിഫ് മുഹമ്മദ് ഖാൻ (6 സെപ്റ്റംബർ 2019 മുതൽ)
സർക്കാരിന്റെ തലവൻ	പിണറായി വിജയൻ
ഭരണകക്ഷികൾ	എൽഡിഎഫ്
നിയമസഭയുടെ നില	ഭൂരിപക്ഷം
പ്രതിപക്ഷ കക്ഷി	കോൺഗ്രസ്
പ്രതിപക്ഷ നേതാവ്	രമേശ്‌ ചെന്നിത്തല
ചരിത്രം
തിരഞ്ഞെടുപ്പു(കൾ)	2016
നിയമസഭാ കാലാവധി	5 വർഷം
മുൻഗാമി	ഉമ്മൻചാണ്ടി മന്ത്രിസഭ
പിൻഗാമി	രണ്ടാം പിണറായി മന്ത്രിസഭ

2016ലെ കേരള നിയമസഭാ തെരഞ്ഞെടുപ്പിൽ ഇടതുപക്ഷ ജനാധിപത്യ മുന്നണി ഫ്രണ്ട്വിജയിച്ചതിന് ശേഷം രൂപീകരിച്ച പിണറായി വിജയന്റെ നേതൃത്വത്തിലുള്ള മന്ത്രിസഭയാണ് ഒന്നാം പിണറായി വിജയൻ മന്ത്രിസഭ. 2016 മെയ് 25 ന് സത്യപ്രതിജ്ഞ ചെയ്ത് അധികാരമേറ്റ സമയത്ത് മന്ത്രിസഭയിൽ മൊത്തം 19 മന്ത്രിമാരുണ്ടായിരുന്നു. കഴിഞ്ഞ സർക്കാരിൽ 21 മന്ത്രിമാരാണുണ്ടായിരുന്നത്. കേരളത്തിന്റെ 22-ാമത് മുഖ്യമന്ത്രിയായി പിണറായി വിജയൻ സത്യപ്രതിജ്ഞ ചെയ്തു, ഈ സ്ഥാനം വഹിക്കുന്ന പന്ത്രണ്ടാമത്തെ വ്യക്തിയാണദ്ദേഹം. പതിനഞ്ചാം നിയമസഭയിലേക്കുള്ള തെരഞ്ഞെടുപ്പിൽ 140-ൽ 99 സീറ്റുകളോടെ ചരിത്രപരമായ വിജയം നേടിയതിന് ശേഷം 2021 മെയ് 03 ന് മുഖ്യമന്ത്രി പിണറായി വിജയൻ ഗവർണർ ആരിഫ് മുഹമ്മദ് ഖാന് രാജി സമർപ്പിച്ചു.^[1]

നം.	പേര്		വകുപ്പുകൾ	കാലഘട്ടം	മണ്ഡലം	ജില്ല	പാർട്ടി
1	പിണറായി വിജയൻ		മുഖ്യമന്ത്രി, പൊതുഭരണം, ആഭ്യന്തരം, വിജിലൻസ്, വിവരസാങ്കേതികവിദ്യ, ആസൂത്രണം, ശാസ്ത്രസാങ്കേതികം, പരിസ്ഥിതി, ജയിൽ	2016 മേയ് 25 മുതൽ	ധർമ്മടം	കണ്ണൂർ	സി.പി.എം.
2	സി. രവീന്ദ്രനാഥ്		പൊതു വിദ്യാഭ്യാസം, കോളേജ് വിദ്യാഭ്യാസം, പ്രവേശന പരീക്ഷ	2016 മേയ് 25 മുതൽ	പുതുക്കാട്	തൃശ്ശൂർ
3	എ.കെ. ബാലൻ		നിയമം, സാംസ്കാരികം, പിന്നോക്ക ക്ഷേമം, പാർലമെന്ററി കാര്യം	2016 മേയ് 25 മുതൽ	തരൂർ	പാലക്കാട്
4	കടകംപള്ളി സുരേന്ദ്രൻ		സഹകരണം, ടൂറിസം, ദേവസ്വം	2016 മേയ് 25 മുതൽ	കഴക്കൂട്ടം	തിരുവനന്തപുരം
5.	ടി.പി. രാമകൃഷ്ണൻ		എക്സൈസ്, തൊഴിൽ	2016 മേയ് 25 മുതൽ	പേരാമ്പ്ര	കോഴിക്കോട്
6	ജെ. മെഴ്സിക്കുട്ടി അമ്മ		ഫിഷറീസ്, പരമ്പരാഗത വ്യവസായം, കശുവണ്ടി	2016 മേയ് 25 മുതൽ	കുണ്ടറ	കൊല്ലം
7	ഇ.പി. ജയരാജൻ		ഫിഷറീസ്, പരമ്പരാഗത വ്യവസായം, കശുവണ്ടി	2016 മേയ് 25 - 2016 ഒക്ടോബർ 14, 2018 ഓഗസ്റ്റ് 14 മുതൽ	മട്ടന്നൂർ	കണ്ണൂർ
8	ജി. സുധാകരൻ		പൊതുമരാമത്ത്, രജിസ്ട്രേഷൻ	2016 മേയ് 25 മുതൽ	അമ്പലപ്പുഴ	ആലപ്പുഴ
9	കെ.കെ. ശൈലജ		ആരോഗ്യം, സാമൂഹ്യക്ഷേമം, കുടുംബക്ഷേമം	2016 മേയ് 25 മുതൽ	കൂത്തുപറമ്പ്	കണ്ണൂർ
10	എ.സി. മൊയ്തീൻ		വ്യവസായം	2016 മേയ് 25 മുതൽ	കുന്ദംകുളം	തൃശ്ശൂർ
11	ടി.എം. തോമസ് ഐസക്ക്		ധനകാര്യം, കയർ, ലോട്ടറി, ടാക്സ്	2016 മേയ് 25 മുതൽ	ആലപ്പുഴ	ആലപ്പുഴ
12	കെ.ടി. ജലീൽ		തദ്ദേശസ്വയംഭരണം, ഗ്രാമവികസനം	2016 മേയ് 25 - 2021 ഏപ്രിൽ 13	തവനൂർ	മലപ്പുറം	സ്വതന്ത്രൻ
13	ഇ. ചന്ദ്രശേഖരൻ		റവന്യു, ഭവന നിർമ്മാണം, സർവ്വേ ഓഫ് ലാൻഡ് റെക്കോർഡ്സ്, സർവ്വേ ഓഫ് ലാൻഡ് റിഫോംസ്	2016 മേയ് 25 മുതൽ	കാഞ്ഞങ്ങാട്	കാസർഗോഡ്	സി.പി.ഐ.
14	വി.എസ്. സുനിൽ കുമാർ		കൃഷി, വെറ്റിനറി സർവകലാശാല	2016 മേയ് 25 മുതൽ	തൃശ്ശൂർ	തൃശ്ശൂർ
15	പി. തിലോത്തമൻ		ഭക്ഷ്യം, പൊതുവിതരണം, ലീഗൽ മെട്രോളജി	2016 മേയ് 25 മുതൽ	ചേർത്തല	ആലപ്പുഴ
16	കെ. രാജു		വനം, വന്യജീവി, മൃഗശാല അനിമൽ ഹസ്ബന്ററി, ഡയറി ഡെവലപ്മെന്റ്, ഡയറി കോർപ്പറേഷൻ	2016 മേയ് 25 മുതൽ	പുനലൂർ	കൊല്ലം
17	കെ. കൃഷ്ണൻകുട്ടി		ജലവിഭവം, ശുദ്ധജല വിതരണം	2018 നവംബർ 27 മുതൽ	ചിറ്റൂർ	പാലക്കാട്	ജനതാദൾ (എസ്.)
18	എ.കെ. ശശീന്ദ്രൻ		ഗതാഗതം, ജലഗതാഗതം	2016 മേയ് 25 - 2017 മാർച്ച് 3, 2018 ഫെബ്രുവരി 2 മുതൽ	എലത്തൂർ	കോഴിക്കോട്	എൻ.സി.പി.
19	രാമചന്ദ്രൻ കടന്നപ്പള്ളി		തുറമുഖം, പുരാവസ്തു വകുപ്പ്	2016 മേയ് 25 മുതൽ	കണ്ണൂർ	കണ്ണൂർ	കോൺഗ്രസ് (എസ്.)
20	എം.എം. മണി		വൈദ്യുത വകുപ്പ്	2016 നവംബർ 22 മുതൽ	ഉടുമ്പഞ്ചോല	ഇടുക്കി	സി.പി.എം.
21	മാത്യു ടി. തോമസ്		ജലസേചന വകുപ്പ്	2016 മേയ് 20 - 2018 നവംബർ 26[2]	തിരുവല്ല	പത്തനംതിട്ട	ജനതാദൾ
22	തോമസ് ചാണ്ടി		ഗതാഗത വകുപ്പ്	2017 ഏപ്രിൽ 1 - 2017 നവംബർ 15	കുട്ടനാട്	ആലപ്പുഴ	എൻ.സി.പി.

വ്യവസായ മന്ത്രിയായിരുന്ന ഇ.പി. ജയരാജൻ വകുപ്പിന്റെ പൊതുമേഖലാസ്ഥാപനങ്ങളുടെ തലപ്പത്ത് ബന്ധുക്കളേ നിയമച്ചിതിനെ തുടർന്നുണ്ടായ ആരോപണത്തെ തുടർന്ന് 2016 ഒക്ടോബർ 14ന് രാജിവച്ചു, പിന്നീട് വിജിലൻസ് കുറ്റവിമുക്തനാക്കുകയും കോടതി ഈ നിലപാട് ശരിവയ്ക്കുകയും ചെയ്തു. ഗതാഗതമന്ത്രിയായിരുന്ന എ.കെ. ശശീന്ദ്രൻ ഒരു ചാനൽ ഒരുക്കിയ പെൺകെണിയിൽപ്പെടുകയും ആ സംഭാഷണം ചാനൽ 2017 മാർച്ച് 26ന് പുറത്തുവിട്ടതിനെ തുടർന്ന് ആന്ന് തന്നെ രാജിവച്ചു, തുടർന്ന് തോമസ് ചാണ്ടി മന്ത്രിയായി. എന്നാൽ 2017 നവംബർ 15ന് അദ്ദേഹവും രാജിവച്ചു. 2018 നവംബർ 26ന് ജലവിഭവവകുപ്പ് മന്ത്രിയായിരുന്ന മാത്യൂ ടി. തോമസ് ജെഡിഎസിലെ ധാരണ പ്രകാരം രാജിവച്ചു പകരം ചിറ്റൂർ എംഎൽഎ കെ. കൃഷ്ണൻ കുട്ടി മന്ത്രിയായി. ബന്ധുനിയമന വിവാദത്തെ തുടർന്ന് മന്ത്രി സ്ഥാനത്ത് തുടരാൻ കെ.ടി. ജലീൽ യോഗ്യനല്ലന്ന ലോകായുക്താ ഉത്തരവിനെതുടർന്ന് ഉന്നത വിദ്യാഭ്യാസ വകുപ്പ് മന്ത്രിയായിരുന്ന കെ.ടി. ജലീൽ 2021 ഏപ്രിൽ 13ന് രാജിവച്ചു^[3].