ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്, ദേവ്ഘർ

ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്, ദേവ്ഘർ (എയിംസ് ദേവ്ഘർ) ഇന്ത്യയിലെ ഝാർഖണ്ഡ് സംസ്ഥാനത്ത് ദേവ്ഘർ ആസ്ഥാനമായി പ്രവർത്തിക്കുന്ന ഒരു പൊതുമേഖാല മെഡിക്കൽ സ്കൂളും ആശുപത്രിയുമാണ്. 2019 ൽ പ്രവർത്തനം ആരംഭിച്ച ആറ് എയിംസുകളിൽ ഒന്നാണിത്.

എയിംസ് ദില്ലി പോലുള്ള സ്ഥാപനങ്ങൾ സ്ഥാപിക്കുന്നതിലൂടെയും സർക്കാർ മെഡിക്കൽ കോളേജുകൾ നവീകരിക്കുന്നതിലൂടെയും താങ്ങാനാവുന്നതും വിശ്വസനീയവുമായ തൃതീയ ആരോഗ്യ സേവനങ്ങളുടെ ലഭ്യതയിലെ പ്രാദേശിക അസന്തുലിതാവസ്ഥ പരിഹരിക്കുക എന്ന ഉദ്ദേശ്യത്തിനായി 2003 ൽ ഇന്ത്യാ ഗവൺമെന്റ് പ്രഖ്യാപിക്കുകയും 2006 മാർച്ചിൽ ഔദ്യോഗികമായി പ്രവർത്തനമാരംഭിക്കുകയും ചെയ്ത പ്രധാൻ മന്ത്രി സ്വസ്ത്യ സുരക്ഷാ യോജന (PMSSY) സംരംഭത്തിന്റെ ഭാഗമായാണ് എയിംസ് ദേവ്ഘർ സഥാപിക്കപ്പെട്ടത്.^[1]

ഝാർഖണ്ഡിൽ ഒരു എയിംസ് സ്ഥാപിക്കുന്നതിനുള്ള നിർദ്ദേശം പ്രാദേശിക ഭരണകൂടം 2016 ജൂണിൽ ആദ്യമായി അവതരിപ്പിച്ചു.^[2] ഓഗസ്റ്റിൽ, കേന്ദ്രസർക്കാർ ഈ സ്ഥാപനത്തിന് അനുയോജ്യമായ ഇതര സ്ഥലങ്ങൾക്കൂടി പരിഗണിക്കുവാനുള്ള അഭ്യർത്ഥനയ്ക്ക് മറുപടിയായി, റാഞ്ചിയും ഉൾപ്പെടുത്തിക്കൊണ്ട് കൂടുതൾ അനുയോജ്യമായ ഇടം ദേവ്ഘർ ആണെന്ന് പ്രാദേശിക സർക്കാർ പ്രഖ്യാപിച്ചു. 2017 ഫെബ്രുവരി 1 ന്, 2017–2018 ലെ തന്റെ ബജറ്റ് അവതരണത്തിൽ അന്നത്തെ ധനമന്ത്രി അരുൺ ജെയ്റ്റ്‌ലി ഝാർഖണ്ഡിലും ഗുജറാത്തിലും എയിംസ് സ്ഥാപിക്കാനുള്ള ഉദ്ദേശ്യം ഔദ്യോഗികമായി പ്രഖ്യാപിച്ചു.^[3]

PMSSY യുടെ^[4] "ഫെയ്സ് -VI" എന്ന് സൂചിപ്പിക്കപ്പെട്ട ഇതിന്റെ വിശദമായ ഒരു പ്രോജക്റ്റ് റിപ്പോർട്ട് ജൂലൈ^[5] മാസത്തിൽ തയ്യാറാക്കുകയും ദേവ്ഘറിലെ സ്ഥലം ഡിസംബറിൽ അന്തിമമായി തീരുമാനിക്കുകയും ചെയ്തു.^[6] എയിംസ് സ്ഥാപിക്കുന്നതിന് ആവശ്യമായ 236.92 ഏക്കർ (95.88 ഹെക്ടർ) സ്ഥലം 2018 ഏപ്രിലിൽ പ്രാദേശിക സർക്കാർ കൈമാറുകയും^[7] ഒടുവിൽ 2018 മെയ് മാസത്തിൽ കേന്ദ്ര മന്ത്രിസഭ 1,103 കോടി രൂപയുടെ (150 മില്യൺ യുഎസ് ഡോളർ) ബജറ്റിൽ എയിംസിന് അംഗീകാരം നൽകുകയും ചെയ്തു.^[8] ആ മാസം അവസാനത്തോടെ പ്രധാനമന്ത്രി നരേന്ദ്ര മോദി സ്ഥാപനത്തിന് തറക്കല്ലിട്ടു.^[9] ഇൻസ്റ്റിറ്റ്യൂട്ട് പണിയുന്നതിനായി 9.02 ബില്യൺ രൂപ (130 മില്യൺ യുഎസ് ഡോളർ) കരാർ ഒക്ടോബറിൽ NBCC ഇന്ത്യ പ്രൈവറ്റ് ലിമിറ്റഡിന് കൈമാറി.^[10]

2019 ഡിസംബർ മാസത്തിൽ നിർമ്മാണം ആരംഭിച്ച സ്ഥിരം കാമ്പസിന്റെ നിർമ്മാണം 12 ശതമാനത്തോളം പൂർത്തിയായതായി PMSSY റിപ്പോർട്ട് ചെയ്തു.^[11] കാമ്പസ് 2022 ഫെബ്രുവരിയിൽ പൂർണ്ണമായി പൂർത്തിയാകുമെന്ന് പ്രതീക്ഷിക്കുന്നു.^[12] താൽക്കാലികമായി, ഇൻസ്റ്റിറ്റ്യൂട്ട് ദേവ്ഘറിലെ പഞ്ചായത്ത് ട്രെയിനിംഗ് ഇൻസ്റ്റിറ്റ്യൂട്ടിന്റെ (പിടിഐ) കാമ്പസിൽ പ്രവർത്തിക്കുന്ന ഇൻസ്റ്റിറ്റ്യൂട്ടിൽ ഹോസ്റ്റലുകളും ക്ലാസുകളും ക്രമീകരിച്ചിരിക്കുന്നു.^[13]

1. ↑ "History About PMSSY". pmssy-mohfw.nic.in. PMSSY. Archived from the original on 14 February 2019. Retrieved 4 December 2019.
2. ↑ Porecha, Maitri (17 December 2016). "Govt lackadaisical in establishing AIIMS: Report". DNA India (in ഇംഗ്ലീഷ്). Retrieved 4 December 2019.
3. ↑ "New AIIMS for Jharkhand and Gujarat: Arun Jaitley". The Times of India. Indo-Asian News Service. 1 February 2017. Retrieved 4 August 2017.
4. ↑ "Pradhan Mantri Swasthya Suraksha Yojana (PMSSY)". Ministry of Health and Family Welfare. Retrieved 2 December 2019.
5. ↑ "Detailed project report for Jharkhand AIIMS prepared". The Financial Express. 3 July 2017. Retrieved 4 December 2019.
6. ↑ "Guj govt has offered four sites for new AIIMS: Centre". The New Indian Express. 19 December 2017. Retrieved 4 December 2019.
7. ↑ Ray, Dhritiman (19 April 2018). "AIIMS: Jharkhand govt hands over 236.92 acre land to Center for building AIIMS in Deoghar | Ranchi News - Times of India". The Times of India (in ഇംഗ്ലീഷ്). Retrieved 4 December 2019.
8. ↑ Market (16 May 2018). "Cabinet approves setting up of a new AIIMS in Deoghar, Jharkhand". Business Standard India. Retrieved 4 December 2019.
9. ↑ "PM thanks land of kala heera". www.telegraphindia.com (in ഇംഗ്ലീഷ്). 26 May 2018. Retrieved 4 December 2019.
10. ↑ "NBCC bags Rs 9.02-billion contract to build AIIMS in Jharkhand's Deoghar". Business Standard India. 25 October 2018. Retrieved 4 December 2019.
11. ↑ "Establishment and Upgradation of Hospitals under PMSSY". pib.gov.in (Press release). Press Information Bureau. 3 December 2019. Retrieved 4 December 2019.
12. ↑ Kumar, Dhirendra (29 November 2019). "All 22 new AIIMS to be functional by 2025: Govt". www.millenniumpost.in (in ഇംഗ്ലീഷ്). Retrieved 6 December 2019.
13. ↑ Kumar, Satyajit (17 September 2019). "झारखंड: शुरू हुआ देवघर AIIMS का पहला शैक्षणिक सत्र" [Jharkhand: First academic session of Deoghar AIIMS begins]. Aaj Tak (in ഹിന്ദി). Archived from the original on 4 December 2019. Retrieved 4 December 2019.