കണ്ണൂരിലെ രാഷ്ട്രീയ കൊലപാതകങ്ങൾ

ഇംഗ്ലീഷ് വിലാസം

https://ml.wikipedia.org/wiki/Political_Murders_in_Kannur

കേരളത്തിൽ മലബാർ മേഖലയിലെ ഒരു ജില്ലയായ കണ്ണൂരിൽ, ബി.ജെ.പി., ആർ.എസ്.എസ്., സി.പി.എം, മുസ്ലീം ലീഗ്, കോൺഗ്രസ്, മുതലായ രാഷ്ട്രീയകക്ഷി പ്രവർത്തകർക്കിടയിലുള്ള സ്പർദ്ധ മൂലം നടക്കുന്ന അക്രമവും കൊലപാതകങ്ങളും പൊതുവെ കണ്ണൂരിലെ കൊലപാതകരാഷ്ട്രീയം എന്ന പേരിൽ അറിയപ്പെടുന്നു. കേരളത്തിലെ രാഷ്ട്രീയ കൊലപാതകങ്ങൾ പ്രത്യേകിച്ച് കണ്ണൂരിലെ രാഷ്ട്രീയകൊലപാതകങ്ങൾ സമൂഹത്തിന്റെ മൊത്തത്തിലുള്ള സമാധാനന്തരീക്ഷത്തെ പ്രതികൂലമായി ബാധിക്കുകയും ചെയ്യുന്നുണ്ട്.

പ്രതിയോഗികൾക്കെതിരെ  പ്രയോഗിക്കാനുള്ള  ബോംബ് നിര്മാണത്തിനിടയിൽ സ്വയം പൊട്ടി  മരിക്കുകയോ പരിക്കേൽക്കുകയോ ചെയ്ത  നിരവധി സംഭവങ്ങളും റിപ്പോർട്ട്  ചെയ്യപ്പെട്ടിട്ടുണ്ട് 

ഇതിൽ  സി.പി.എം ബി.ജെ.പി., ആർ.എസ്.എസ്  പ്രവർത്തകരാണ്  മരിച്ചവരിൽ ഭൂരിഭാഗവും.

കണ്ണൂരിലെ രാഷ്ട്രീയകൊലപാതകങ്ങൾക്ക് ഏകദേശം 65 വർഷത്തിലേറെ ചരിത്രമുണ്ട്. സ്വാതന്ത്ര്യ സമരസേനാനിയായിരുന്ന മൊയാരത്ത് ശങ്കരനെ ^[1] 1948 മെയ് 11ന് മൊയാരത്തെ ദേശരക്ഷാസമിതി എന്ന പേരിൽ പ്രവർത്തിച്ചിരുന്ന കോൺഗ്രസ്സ് പ്രവർത്തകർ പിടികൂടി തല്ലിച്ചതച്ചു. മൃതപ്രായനായ അദ്ദേഹത്തെ കണ്ണൂർ സെൻട്രൽ ജയിലിലടച്ചു. 1948 മെയ്‌ 12നു കണ്ണൂർ സബ് ജയിലിൽ പോലീസ് മർദ്ദനത്തെ തുടർന്ന് മരണമടഞ്ഞു. ബന്ധുക്കൾക്ക് മൊയാരത്തിനെ അവസാനമായി കാണാനുള്ള അവകാശംപോലും നൽകിയില്ല. മൃതദേഹം ജയിൽവളപ്പിൽ എവിടെയോ മറവുചെയ്തു. 1968 ൽ - പി.പി. സുലൈമാൻ. മാവൂർ ഗ്വാളിയോർ റയോൺസിലെ ജീവനക്കാരനായിരുന്ന സുലൈമാൻ ഡ്യൂട്ടികഴിഞ്ഞ്‌ വീട്ടിലേക്ക്‌ മടങ്ങുമ്പോൾ 1968 ഏപ്രിൽ 29-ന്‌ ആർ.എസ്‌.എസുകാർ അതിധാരുണമായി വെട്ടിക്കൊലപ്പെടുത്തുകയായിരുന്നു. റയോൺസ്‌ വർക്കേഴ്‌സ്‌ യൂണിയൻ നേതാവും പാർടി ലോക്കൽ കമ്മിറ്റി അംഗവുമായിരുന്നു.

1969 ഏപ്രിൽ 21-ന് ഇന്നത്തെ ബി.ജെ.പിയുടെ പഴയ രൂപമായിരുന്ന ജനസംഘത്തിന്റെ പ്രവർത്തകനായിരുന്ന വാടിക്കൽ രാമകൃഷ്ണൻ കണ്ണൂരിൽ രാഷ്ട്രീയ വൈരാഗ്യം മൂലം കൊല്ലപ്പെട്ടു .^{[2][അവലംബം ആവശ്യമാണ്]} കണ്ണൂർ അക്രമങ്ങളിൽ ജീവഹാനി സംഭവിക്കുന്നവരുടേയും പരിക്കേൽക്കുന്നവരുടെയും ചരിത്രം പരിശോധിച്ചാൽ അവരിൽ അധികവും സാധാരണക്കാരായ പ്രവർത്തകരാണെന്ന് കാണാനാവും ജില്ലയിലെ ചില ബി.ജെ.പി , സി.പി.ഐ.എം നേതാക്കളും അക്രമത്തിനു ഇരയായിട്ടുണ്ട്.^[3].

ഈ ലേഖനം അപൂർണ്ണമാണ്‌. ഇതു പൂർത്തിയാക്കുവാൻ സഹകരിക്കുക.