കീട-ദംശന മസ്തിഷ്കവീക്ക പ്രതിരോധ വാക്സിൻ
ഒരുതരം ചെള്ളിന്റെ (കീടം) ദംശനത്തിൽ നിന്നും ഉളവാകുന്ന മസ്ത്ക്ഷവീക്കത്തിൽ നിന്നും സംരക്ഷിക്കുന്ന പ്രതിരോധമരുന്നാണു TBE വാക്സിൻ. മധ്യ-കിഴക്കൻ യൂറോപ്പിലും, വടക്കേഷ്യൻ രാജ്യങ്ങളിലും സാധാരണയായി ഈ ജ്വരം കണ്ടുവരുന്നു. ഈ പ്രതിരോധകുത്തിവെപ്പ് എടുത്തിട്ടുള്ള 87% പേർക്കും രോഗപ്രതിരോധശക്തി കൈവന്നിട്ടുണ്ട്.[1] കീടത്തിന്റെ ദംശനം ഏറ്റതിനു ശേഷം ഈ വാക്സിൻ എടുക്കന്നതു കൊണ്ട് പ്രയോജനമില്ല. പേശിയിലാണു ഈ കുത്തിവെപ്പ് എടുക്കുന്നത്.[2] ഈ ജ്വരം പിടിപ്പെടാൻ സാദധ്യതയുള്ള പ്രദേശങ്ങളിൽ എല്ലാവരും തന്നെ പ്രതിരോധകുത്തിവെപ്പ് എടുക്കുവാൻ WHO ശിപാർശ ചെയ്യുന്നു. അസുഖത്തെ പ്രതിരോധിക്കാൻ കഴിവില്ലാത്തവർക്കും ഈ പ്രതിരോധകുത്തിവെപ്പ് നിർദ്ദേശിക്കപെടുന്നു. പൊതുവെ മൂന്ന് ഡോസ് ആണു നൽകുന്നതു. പിന്നീടുള്ള മൂന്ന് മുതൽ അഞ്ച് വർഷം വരെ കൂടുതലായ ഡോസുകൾ നൽകുന്നത് ഏറെ ഫലം ചെയ്യും. വാസിന്റെ സ്വഭാവം അനുസരിച്ച് ഒരു വയസ്സ് കഴിഞ്ഞവർക്കും, മൂന്ന വയസ്സ് കഴിഞ്ഞവർക്കും ഈ പ്രതിരോധകുത്തിവെപ്പ് നൽകാവുന്നതാണു. ആപത്കരമായ പാർശ്വഫലങ്ങളില്ലാത്ത പ്രതിരോധമരുന്നാണിത്. ലഘുവായ പാർശ്വഫലമായി പനിയും, കുത്തിവെപ്പ് എടുക്കുന്ന ഭാഗത്ത് ചുവന്ന തടിപ്പും, വേദനയും വിരളമായി കാണാറുണ്ട്. ഗർബ്ഭാവസ്ഥയിലും ഈ പ്രതിരോധമരുന്ന് സ്വീകരിക്കാവുന്നതാണു. അവലംബം
പുറത്തേക്കുള്ള കണ്ണികൾ |
||||||||||||||||
Portal di Ensiklopedia Dunia
