കീഴ്ത്താടിയെല്ല്

ഈ താൾ മനുഷ്യന്റെ താടിയെല്ലിനെക്കുറിച്ചാണ്. മറ്റു താടിയെല്ലുകളെപ്പറ്റി വായിക്കാൻ മാൻഡിബിൾ കാണുക.

Bone: മാൻഡിബിൾ
മാൻഡിബിൾ, വെളിയിലെ പ്രതലത്തിന്റെ പുറത്തുനിന്നുള്ള കാഴ്ച്ച.
മാൻഡിബിൾ, ഉള്ളിലെ പ്രതലത്തിന്റെ അകത്തുനിന്നുള്ള കാഴ്ച്ച
Gray's	subject #44 172
Precursor	ഒന്നാമത്തെ ബ്രാങ്കിയൽ ആർച്ച്[1]
MeSH	Mandible

മാൻഡിബിൾ ^[2] ഉച്ചാരണം (ലാറ്റിൻ ഭാഷയിലെ മാൻഡിബുള എന്ന വാക്കിൽ നിന്ന് ഉത്പത്തി, "താടിയെല്ല്") അല്ലെങ്കിൽ ഇൻഫീരിയർ മാക്സില്ലറി അസ്ഥി കീഴ്ത്താടിക്ക് രൂപം നൽകുകയും കീഴ്ത്താടിയിലെ പല്ലുകളെ ഉറപ്പിച്ചു നിർത്തുകയും ചെയ്യുന്നു.

മാൻഡിബിളിന്റെ ഭാഗങ്ങൾ ഇവയാണ്:

• ബോഡി(ശരീരം) എന്നു വിളിക്കുന്ന വളഞ്ഞ തിരശ്ചീനമായുള്ള ഒരു ഭാഗം.
• റാമസുകൾ എന്നു വിളിക്കുന്ന ലംബമായുള്ള രണ്ടു ഭാഗങ്ങൾ. ഇവ ഏകദേശം ലംബകോണിലാണ് ബോഡിയോഡ് ചേരുന്നത്.
• ആൽവിയോളാർ പ്രോസസ്സുകളിലാണ് കീഴ്ത്താടിയിലെ പല്ലുകൾ കാണപ്പെടുന്നത്. ഇത് ബോഡിയുടെ മുകൾ ഭാഗത്തായാണ് കാണുക.
• കോൺഡൈലോയ്ഡ് പ്രോസസ്സ് റാമസിന്റെ മുകൾഭാഗത്തിന്റെ പിൻ പകുതിയിൽ നിന്ന് തള്ളിനിൽക്കുന്ന ഭാഗം. ടെമ്പറോമാൻഡിബുലാർ സന്ധി വഴി ടെമ്പറൽ അസ്ഥിയിലേക്ക് മാൻഡിബിൾ യോജിക്കുന്നത് റാമസിലൂടെയാണ്.
• കോറനോയ്ഡ് പ്രോസസ്സ് റാമസിന്റെ മുകൾഭാഗത്തിന്റെ മുൻ പകുതിയിൽ നിന്ന് തള്ളിനിൽക്കുന്ന ഭാഗമാണ്. ടെമ്പറാലിസ് പേശി മാൻഡിബിളിനോട് യോജിച്ചിരിക്കുന്നത് ഇവിടെയാണ്.

• മാൻഡിബുളാർ ഫൊറാമൻ എന്ന് പേരുള്ള രണ്ട് ദ്വാരങ്ങൾ താടിയെല്ലിലുണ്ട്. മാൻഡിബിളിന്റെ റാമസ് എന്ന ഭാഗത്തിന്റെ ഉൾ (മീഡിയൽ) പ്രതലത്തിലായി കാണപ്പെടുന്നു. റാമസ് ബോഡിയോട് ചേരുന്ന കോണിന്റെ മുകളിലായാണ് ഇതിന്റെ സ്ഥാനം.
• മെന്റൽ ഫൊറാമൻ എന്നുപേരുള്ള രണ്ടു ദ്വാരങ്ങളുമുണ്ട്. ബോഡിയുടെ പിൻ വശത്തായി മെന്റൽ പ്രൊട്രൂബറൻസ് എന്ന തള്ളിച്ചയിൽ നിന്ന് ഇരുവശത്തേയ്ക്കും മാറിയാണ് ഇവയുടെ സ്ഥാനം.

ഇൻഫീരിയർ ആൽവിയോളാർ നാഡി, ട്രൈജമിനൽ നാഡിയുടെ (അഞ്ചാമത് കപാല നാഡി) ശാഘയാണ്. ഇത് മാൻഡിബുളാർ ഫൊറാമനിലൂടെ പ്രവേശിച്ച് പല്ലുകളിലെത്തുന്നു. പല്ലുകൾക്ക് സംവേദനശേഷി നൽകുന്നത് ഇവയാണ്. മെന്റൽ ഫൊറാമനിൽ വച്ച് ഈ നാഡി ഇൻസിസീവ് നാഡി, മെന്റൽ നാഡി എന്നിങ്ങനെ രണ്ടായി വിഭജിക്കുന്നു. ഇൻസിസീവ് നാഡി മുന്നിലുള്ള പല്ലുകളിലെത്തുന്നു. മെന്റൽ നാഡി ഫൊറാമൻ മാഗ്നത്തിലൂടെ പുറത്തുകടന്ന് കീഴ്ച്ചുണ്ടിന് ഇന്ദ്രിയ സംവേദനം പ്രദാനം ചെയ്യുന്നു.

മാൻഡിബിൾ ഇരുവശത്തെയും ടെമ്പറൽ അസ്ഥികളുമായി ടെമ്പറോ മാൻഡിബുലാർ സന്ധി വഴി യോജിക്കുന്നു.

മുഖത്തിനേൽക്കുന്ന അഞ്ചിലൊന്ന് പരിക്കുകളും മാൻഡിബിളിന് ഒടിവുണ്ടാക്കും.^[3] മാൻഡിബിളിന്റെ ഒടിവുകൾ സാധാരണയായി ഇരുവശത്തുമായി ഇരട്ടപ്പൊട്ടലായാണ് കാണപ്പെടുന്നത്.

• വാഹനാപകടങ്ങൾ – 40%
• ആക്രമണം – 40%
• വീഴ്ച്ച – 10%
• കായിക വിനോദങ്ങൾ – 5%
• മറ്റുള്ളവ – 5%

• കോണ്ടൈൽ – 30%
• കോൺ – 25%
• ബോഡി – 25%
• ബോഡിയുടെ മദ്ധ്യത്തുള്ള സിംഫൈസിസ് – 15%
• റാമസ് – 3%
• കോറനോയ്ഡ് പ്രോസസ് – 2%

സന്ധിയിലെ ഡിസ്-ലൊക്കേഷൻ മൂലം മുന്നിലേക്കോ താഴേയ്ക്കോ മാൻഡിബിളിന് സ്ഥാനചലനം സംഭവിക്കാം. പക്ഷേ പിന്നിലേക്ക് സ്ഥാനചലനം അപൂർവ്വമായേ സംഭവിക്കാറുള്ളൂ.

• Bone terminology
• Terms for anatomical location
• Changes produced in the mandible by age
• Ossification of the mandible
• Oral and maxillofacial surgery
• Simian shelf

Human anatomy, mandible എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.

• Anatomy photo:34:st-0203 at the SUNY Downstate Medical Center – "Oral Cavity: Bones"
• Diagram at uni-mainz.de Archived 2009-02-20 at the Wayback Machine

This article was originally based on an entry from a public domain edition of Gray's Anatomy. As such, some of the information contained within it may be outdated.