കെ.എസ്. ഹെഗ്ഡെ മെഡിക്കൽ അക്കാദമി

കെ എസ് ഹെഗ്ഡെ മെഡിക്കൽ അക്കാദമി
	കെ എസ് ഹെഗ്ഡെ മെഡിക്കൽ അക്കാദമിയുടെ മുൻ കാഴ്ച
ആദർശസൂക്തം	Long life ahead
തരം	പ്രൈവറ്റ് മെഡിക്കൽ കോളേജ് & ആശുപത്രി
സ്ഥാപിതം	1999
ബന്ധപ്പെടൽ	Nitte University
ഡീൻ	പി. എസ്. പ്രകാശ്
സ്ഥലം	മംഗളൂരു, കർണാടക, ഇന്ത്യ; 12°52′10.1″N 74°50′33.4″E / 12.869472°N 74.842611°E
വെബ്‌സൈറ്റ്	kshema.nitte.edu.in

ഇംഗ്ലീഷ് വിലാസം

https://ml.wikipedia.org/wiki/K.S._Hegde_Medical_Academy

മംഗലാപുരം നഗരത്തിനടുത്തുള്ള ദേരളകട്ടെയിലെ ഒരു മെഡിക്കൽ കോളേജാണ് കെ എസ് ഹെഗ്ഡെ മെഡിക്കൽ അക്കാദമി (KSHEMA). കർണാടക സംസ്ഥാനത്ത് നിരവധി പ്രൊഫഷണൽ കോളേജുകൾ നടത്തുന്ന എൻഐടിടിഇ എഡ്യൂക്കേഷൻ ട്രസ്റ്റാണ് ഇത് നിയന്ത്രിക്കുന്നത്. ബിരുദാനന്തര കോഴ്‌സുകൾക്കൊപ്പം എംബിബിഎസ് കോഴ്‌സും കോളേജ് വാഗ്ദാനം ചെയ്യുന്നു. 2009 വരെ ആർജിയുഎച്ച്എസുമായി (രാജീവ് ഗാന്ധി യൂണിവേഴ്സിറ്റി ഓഫ് ഹെൽത്ത് സയൻസസ്) അക്കാദമി അഫിലിയേറ്റ് ചെയ്തിരുന്നു. ഇപ്പോൾ ഇത് എൻഐടിടിഇ (ഡീംഡ് ടു ബി) യൂണിവേഴ്സിറ്റിയുമായി അഫിലിയേറ്റ് ചെയ്തിട്ടുണ്ട്.

കാമ്പസ്

കെഎസ് ഹെഗ്‌ഡെ മെഡിക്കൽ അക്കാദമി സ്ഥിതി ചെയ്യുന്നത് മംഗലാപുരത്ത് നിന്ന് 13 കി.മീ. അകലെ ദേരളകട്ടെ പട്ടണത്തിലാണ്, ഇത് ഏകദേശം 2.5 ഏക്കർ (10,000 m²) വ്യാപിച്ചുകിടക്കുന്ന സമ്പൂർണ അക്കാദമിയാണ്.

ചരിത്രം

എൻഐടിടിഇ എജ്യുക്കേഷൻ ട്രസ്റ്റ് 1999ലാണ് കെ എസ് ഹെഗ്ഡെ മെഡിക്കൽ അക്കാദമി സ്ഥാപിച്ചത്. ദീർഘദർശിയും, സാമൂഹ്യ പ്രവർത്തകനും മുൻ ലോക്സഭാംഗവും ഇന്ത്യൻസുപ്രീം കോടതി ജഡ്ജിയും ഒക്കെ ആയിരുന്ന സ്ഥാപകൻ കെ.എസ്. ഹെഗ്ഡെയുടെ പേരാണ് കോളേജിന് നൽകിയിരിക്കുന്നത്.

വകുപ്പ്

സിസ്റ്റർ ഇൻസ്റ്റിറ്റ്യൂട്ട്

എബി ഷെട്ടി കോളേജ് ഓഫ് ഡെന്റൽ സയൻസസ് (എൻഐടിടിഇ എജ്യുക്കേഷൻ ട്രസ്റ്റ് നിയന്ത്രിക്കുന്നു)
എൻഐടിടിഇ ഉഷ ഇൻസ്റ്റിറ്റ്യൂട്ട് ഓഫ് നഴ്സിംഗ് സയൻസസ്

പ്രവേശനം

ബിരുദ കോഴ്സ്

2019 മുതൽ ജനറൽ മെറിറ്റ് വിഭാഗത്തിന് കീഴിലുള്ള അഡ്മിഷനുകൾ എൻടിഎ നടത്തുന്ന അഖിലേന്ത്യാ പ്രവേശന പരീക്ഷ, നാഷണൽ എലിജിബിലിറ്റി കം എൻട്രൻസ് ടെസ്റ്റ് (നീറ്റ്) എന്നിവയിൽ നേടിയ മെറിറ്റ് (റാങ്ക്) അടിസ്ഥാനമാക്കി കേന്ദ്രീകൃത ഏകജാലക കൗൺസിലിംഗിലൂടെയാണ് നടത്തുന്നത്.

വാഗ്ദാനം ചെയ്യുന്ന കോഴ്സുകൾ

യുജി കോഴ്സ്

എം.ബി.ബി.എസ്. (4½ വർഷത്തെ കോഴ്സ് + 1 വർഷത്തെ മെഡിക്കൽ ഇന്റേൺഷിപ്പ്)

പിജി കോഴ്സുകൾ

എം.ഡി

എംഎസ്

അന്താരാഷ്ട്ര സഹകരണം

മലേറിയ, ക്ഷയം തുടങ്ങിയ രോഗങ്ങളിൽ ഗവേഷണത്തിൽ സഹകരിക്കുന്നതിനായി യുഎസിലെ ഹൂസ്റ്റണിലുള്ള യൂണിവേഴ്സിറ്റി ഓഫ് ടെക്സസ് ഹെൽത്ത് സയൻസ് സെന്ററുമായി സഹകരിച്ച് പ്രവർത്തിക്കാനുള്ള കരാറിൽ KSHEMA ഒപ്പുവച്ചു. യൂണിവേഴ്‌സിറ്റി ഓഫ് ടെക്‌സസ് ഹെൽത്ത് സയൻസസിന്റെ സഹകരണത്തോടെ സാംക്രമിക രോഗങ്ങളെക്കുറിച്ചുള്ള അത്യാധുനിക റീജിയണൽ റിസർച്ച് സെന്റർ കോളേജ് കാമ്പസിൽ സ്ഥാപിച്ചിട്ടുണ്ട്. ഇൻസ്റ്റിറ്റിയൂട്ടിന് മൈമോനിഡെസ് മെഡിക്കൽ സെന്റർ, ബ്രൂക്ക്ലിൻ, യു.എസ്.എ.യുമായി ഒരു സ്റ്റാഫ് എക്സ്ചേഞ്ചും പരിശീലന പരിപാടിയും ഉണ്ട്.

സമീപകാല സംഭവവികാസങ്ങൾ

കോളേജ് ആശുപത്രിയിൽ അടുത്തിടെ ന്യൂക്ലിയർ മെഡിസിൻ കാർഡിയോളജി, ന്യൂറോളജി, ന്യൂറോ സർജറി, കാർഡിയോതൊറാസിക് സർജറി, പീഡിയാട്രിക് സർജറി, യൂറോളജി, നെഫ്രോളജി, പ്ലാസ്റ്റിക് സർജറി, ഗ്യാസ്ട്രോഎൻട്രോളജി, ഓങ്കോളജി എന്നിവയ്ക്കായി ഒരു സൂപ്പർ സ്പെഷ്യാലിറ്റി ബ്ലോക്ക് തുറന്നു.