കൊറമാണ്ടൽ എക്സ്പ്രസ്സ്‌

ഇംഗ്ലീഷ് വിലാസം

https://ml.wikipedia.org/wiki/Coromandel_Express

കൊറമാണ്ടൽ എക്സ്പ്രസ്സ്‌
കൊറമാണ്ടൽ എക്സ്പ്രസ്സ്‌
പൊതുവിവരങ്ങൾ
തരം	സൂപ്പർഫാസ്റ്റ് ട്രെയിൻ
സഞ്ചരിക്കുന്ന സ്ഥലങ്ങൾ	പശ്ചിമ ബംഗാൾ, ഒഡിഷ, ആന്ധ്രാപ്രദേശ്‌, തമിഴ്‌നാട്
ആദ്യമായി ഓടിയത്	6 മാർച്ച് 1977; 48 years ago (1977-03-06)
നിലവിൽ നിയന്ത്രിക്കുന്നത്	ദക്ഷിണ പൂർവ റെയിൽ‌വേ
യാത്രയുടെ വിവരങ്ങൾ
യാത്ര ആരംഭിക്കുന്ന സ്റ്റേഷൻ	ഹൗറ
യാത്ര അവസാനിക്കുന്ന സ്റ്റേഷൻ	ചെന്നൈ സെൻട്രൽ
സഞ്ചരിക്കുന്ന ദൂരം	1,661 കി.മീ (5,449,475 അടി)
ശരാശരി യാത്രാ ദൈർഘ്യം	26 മണിക്കൂർ 25 മിനിറ്റ്
സർവ്വീസ് നടത്തുന്ന രീതി	ദിവസവും
സൗകര്യങ്ങൾ
ലഭ്യമായ ക്ലാസ്സുകൾ	AC first, AC 2 tier, AC 3 tier, Sleeper Class, General Unreserved. 24 coaches in all.
സീറ്റ് ക്രമീകരിക്കുന്നതിനുള്ള സൗകര്യം	ലഭ്യമാണ്.
ഉറങ്ങാനുള്ള സൗകര്യം	ലഭ്യമാണ്.
ആട്ടോ-റാക്ക് സൗകര്യം	ലഭ്യമല്ല.
ഭക്ഷണ സൗകര്യം	ലഭ്യമാണ്.
സ്ഥല നിരീക്ഷണ സൗകര്യം	CBC Coaches
വിനോദ പരിപാടികൾക്കുള്ള സൗകര്യം	ലഭ്യമല്ല.
യാത്രാസാധനങ്ങൾ സൂക്ഷിക്കുന്നതിനുള്ള സൗകര്യം	ലഭ്യമാണ്.
സാങ്കേതികം
റോളിംഗ് സ്റ്റോക്ക്	Standard Indian Railway coaches
ട്രാക്ക് ഗ്വേജ്	1676 മി.മീ.(5 അടി 6 ഇഞ്ച്)
വേഗത	പരമാവധി വേഗത: മണിക്കൂറിൽ 120 കി.മീ (68 മീറ്റർ പ്രതി മണിക്കൂർ) ശരാശരി വേഗത: മണിക്കൂറിൽ 62 കി.മീ (39 മീറ്റർ പ്രതി മണിക്കൂർ)

കൊൽക്കത്തയിലെ ഹൗറ മുതൽ തമിഴ്‌നാട്ടിലെ ചെന്നൈ വരെ സർവീസ് നടത്തുന്ന ഇന്ത്യൻ റെയിൽവേയുടെ ഒരു സൂപ്പർഫാസ്റ്റ് ട്രെയിനാണ് കൊറമാണ്ടൽ എക്സ്പ്രസ്സ്‌ (ട്രെയിൻ നമ്പർ 12841 / 12842).^[1][2] ഇന്ത്യൻ റെയിൽവേയുടെ ചരിത്രത്തിലെത്തന്നെ ആദ്യത്തെ സൂപ്പർഫാസ്റ്റ് എക്സ്പ്രസ്സ്‌ ട്രെയിനുകളിൽ ഒന്നാണ് ഇത്. ഇന്ത്യയുടെ കിഴക്ക് തീരമേഖലയിൽ ബംഗാൾ ഉൾക്കടലിന് സമാന്തരമായുള്ള തീരമേഖല കൊറമാണ്ടൽ തീരമേഖല എന്നാണു അറിയപ്പെടുന്നത്. ഈ മേഖലയിലൂടെ സഞ്ചരിക്കുന്നതുകൊണ്ടാണ് ഈ ട്രെയിനിനു കൊറമാണ്ടൽ എക്സ്പ്രസ്സ്‌ എന്ന് പേര് നൽകിയത്. സൗത്ത് ഈസ്റ്റേൻ റെയിൽവേ സോണിൻറെ ഉടമസ്ഥതയിലാണ് ഈ ട്രെയിൻ. ചെന്നൈയിലേക്കുള്ള അധികം യാത്രക്കാരും ഈ ട്രെയിൻ തിരഞ്ഞെടുക്കുന്നു. ഹൌറ ചെന്നൈ മെയിലിനെക്കാൾ മുൻപ് ഈ ട്രെയിൻ ചെന്നൈയിൽ എത്തിച്ചേരുന്നു എന്നതിനാലാണിത്. വർഷം മുഴുവൻ ട്രെയിനിൽ നല്ല തിരക്കാണ്.

ചോള രാജവംശം ഭരിച്ചിരുന്ന നാടുകളെ തമിഴിൽ ചോളമണ്ഡലം എന്നാണു വിളിച്ചിരുന്നത്, ഇതിൽ നിന്നാണ് കൊറമാണ്ടൽ എന്ന പേര് വന്നത്.

കൊറമാണ്ടൽ എക്സ്പ്രസ്സ്‌ 1661 കിലോമീറ്റർ ദൂരം സഞ്ചരിക്കുന്നു.^[3] ഹൗറയിൽ നിന്നും പുറപ്പെടുന്ന 12841-ആം നമ്പർ ട്രെയിൻ, ചെന്നൈയിൽ നിന്നും പുറപ്പെടുന്ന 12842-ആം നമ്പർ ട്രെയിൻ എന്നിങ്ങനെ രണ്ട് ട്രെയിനുകളാണ് സർവ്വീസ് നടത്തുന്നത്. ഒന്നാമത്തെ ട്രെയിൻ (ട്രെയിൻ നമ്പർ-12841) ഹൗറയിൽനിന്നും ദിവസവും ഇന്ത്യൻ സമയം 14:50 പുറപ്പെട്ട് അടുത്ത ദിവസം 17:15 ന് ചെന്നൈയിൽ എത്തിച്ചേരുന്നു.^[4] അതിന്റെ സമയക്രമപട്ടിക തഴെപ്പറയും പ്രകാരമാണ്

രണ്ടാമത്തെ ട്രെയിൻ (ട്രെയിൻ നമ്പർ-12842) ചെന്നൈയിൽനിന്നും ദിവസവും 8:45 പുറപ്പെട്ട് അടുത്ത ദിവസം 12:00 ഹൌറയിൽ എത്തിച്ചേരുന്നു.^[5]

ഹൌറ ജങ്ഷൻ മുതൽ ചെന്നൈ സെൻട്രൽ വരെയുള്ള ദൂരമായ 1661.1 കിലോമീറ്റർ ദൂരം 26 മണിക്കൂർ 25 മിനിറ്റുകൾക്കൊണ്ട് സഞ്ചരിക്കുന്നു. യാത്രയിലെ പരമാവധി വേഗം മണിക്കൂറിൽ 120 കിലോമീറ്ററാണ്.

Loco	1	2	3	4	5	6	7	8	9	10	11	12	13	14	15	16	17	18	19	20	21	22	23	24
	SLR	UR	S1	S2	S3	S4	S5	S6	S7	S8	S9	S10	S11	PC	S12	B1	B2	B3	A1	A2	HA1	UR	UR	SLR

ആകെ 24 കോച്ചുകളാണ് ഈ ട്രെയിനിലുള്ളത്. അത് 12 സ്ലീപ്പർ കോച്ചുകൾ, 6 എ.സി. കോച്ചുകൾ(1AC, 2AC, 3AC), ഒരു ഭക്ഷണശാല കോച്ച്, 3 ജനറൽ കമ്പാർട്ട്മെന്റുകൾ, 2 എസ്.എൽ.ആർ(സീറ്റിംഗ് കം ലഗ്ഗേജ് വാൻ) എന്നിങ്ങനെ ക്രമീകരിച്ചിരിക്കുന്നു.^[6]

1. ↑ "12841/Coromandel Express". indiarailinfo.com. Retrieved 14 October 2015.
2. ↑ "12842/Coromandel Express". indiarailinfo.com. Retrieved 14 October 2015.
3. ↑ "Coromandal Express Services". cleartrip.com. Archived from the original on 2015-11-22. Retrieved 14 October 2015.
4. ↑ "Coromandal Express (12841) Running Train Status". runningstatus.in. Retrieved 14 October 2015.
5. ↑ "COROMANDEL EXP (12842) Time Table". train.info. Retrieved 14 October 2015.
6. ↑ "കൊറൊമണ്ടൽ എക്സ്പ്രെസ്സ് റെയിൽ ഇൻഫോയിൽ". http://indiarailinfo.com. ഇന്ത്യൻ റെയിൽവേ. Retrieved 18 ഒക്ടോബർ 2015. {{cite web}}: External link in |website= (help)