കോയമ്പത്തൂർ മെഡിക്കൽ കോളേജ്

ഇംഗ്ലീഷ് വിലാസം

https://ml.wikipedia.org/wiki/Coimbatore_Medical_College

ഇന്ത്യയിലെ തമിഴ്നാട്ടിലെ കോയമ്പത്തൂർ നഗരത്തിൽ സ്ഥിതി ചെയ്യുന്ന, മെഡിക്കൽ കൗൺസിൽ ഓഫ് ഇന്ത്യയുടെ അംഗീകാരമുള്ള സംസ്ഥാന സർക്കാർ നിയന്ത്രണത്തിലുള്ള മെഡിക്കൽ കോളേജാണ് കോയമ്പത്തൂർ മെഡിക്കൽ കോളേജ്. കോളേജിനോട് ചേർന്നുള്ള ആശുപത്രി റെയിൽവേ സ്റ്റേഷന് സമീപം സ്ഥിതി ചെയ്യുന്നു, ഗ്യാസ്ട്രോഎൻട്രോളജി, മൈക്രോബയോളജി, അനാട്ടമി, ബയോകെമിസ്ട്രി, ഫാർമക്കോളജി, പാത്തോളജി, ഫിസിയോളജി, ഒഫ്താൽമോളജി, ഇഎൻടി, എസ്പിഎം, ഒബ്സ്ട്രറ്റിക്സ് ആൻഡ് ഗൈനക്കോളജി, ഓർത്തോപീഡിക്സ്, പീഡിയാട്രിക്സ്, റെസ്പിറേറ്ററി മെഡിസിൻ, റേഡിയോളജി, ഡയബറ്റോളജി, ഡയബറ്റോളജി, സർജറി, മെഡിസിൻ, ഡെർമറ്റോളജി, സൈക്യാട്രി, എന്നീ വിഭാഗങ്ങൾ ഇവിടെ പ്രവർത്തിക്കുന്നു.

ചരിത്രം

നഗരത്തിലെ ഒരു വ്യവസായ കുടുംബത്തിലെ ശാസ്ത്രജ്ഞനായ ജി ഡി നായിഡു മുഖ്യമന്ത്രി കെ. കാമരാജിന്റെ കീഴിലുള്ള തമിഴ്‌നാട് സംസ്ഥാന സർക്കാരിന് 153 ഏക്കർ ഭൂമി സംഭാവന ചെയ്തതോടെയാണ് ശേഷമാണ് 1966 ൽ കോളേജ് സ്ഥാപിതമായത്.

കോയമ്പത്തൂർ മെഡിക്കൽ കോളേജ് ആശുപത്രിയുടെ ടൈംലൈൻ:

1908 - മദ്രാസ് ഗവർണറായിരുന്ന ആംപ്തിൽ പ്രഭു തറക്കല്ലിട്ടു
1909 ജൂലൈ 14 - മദ്രാസ് ഗവർണർ ആശുപത്രി ഉദ്ഘാടനം ചെയ്തു
1912 ഏപ്രിൽ 1 - കോയമ്പത്തൂർ മുനിസിപ്പാലിറ്റിയിൽ നിന്ന് ആശുപത്രി ഭരണം മദ്രാസ് പ്രവിശ്യ സർക്കാർ ഏറ്റെടുത്തു.
1959 ഓഗസ്റ്റ് 13 - കോയമ്പത്തൂരിലെ ജില്ലാ ആസ്ഥാന ആശുപത്രിയുടെ സുവർണ ജൂബിലി ആഘോഷങ്ങൾ മദ്രാസ് ഗവർണറായ ശ്രീ ബിഷ്ണുറാം മേധി ഉദ്ഘാടനം ചെയ്തു, മദ്രാസ് സംസ്ഥാന ആരോഗ്യ റവന്യൂ മന്ത്രി ബഹുമാനപ്പെട്ട ശ്രീ മാണിക്കവേലുവിന്റെ അധ്യക്ഷത വഹിച്ചു.
1966 - കോയമ്പത്തൂർ മെഡിക്കൽ കോളേജ് ആരംഭിച്ചു
1969 നവംബർ 24 - മെഡിക്കൽ വിദ്യാഭ്യാസ ഡയറക്ടറേറ്റ് ആശുപത്രിയുടെ ഭരണം ഏറ്റെടുത്ത് കോയമ്പത്തൂർ മെഡിക്കൽ കോളേജ് ആശുപത്രി എന്ന് പുനർനാമകരണം ചെയ്തു.
ജൂലൈ 2009 - ജൂൺ 2010 - കോയമ്പത്തൂർ മെഡിക്കൽ കോളേജ് ആശുപത്രിയുടെ ശതാബ്ദി വർഷം

സ്ഥാനം

കോയമ്പത്തൂർ നഗരത്തിലെ പ്രധാന റോഡുകളിലൊന്നായ അവിനാശി റോഡിൽ, കോയമ്പത്തൂർ അന്താരാഷ്ട്ര വിമാനത്താവളത്തിൽ നിന്ന് ഏകദേശം 2 കിലോമീറ്റർ (6,561 അടി 8 ഇഞ്ച്) മാറിയാണ് ആണ് കോളേജ് സ്ഥിതി ചെയ്യുന്നത്.. കോയമ്പത്തൂർ ഇൻസ്റ്റിറ്റ്യൂട്ട് ഓഫ് ടെക്നോളജിക്ക് എതിർവശത്തും ജെന്നി ക്ലബ്ബിന് സമീപവുമാണ് കോളേജ്. നഗരത്തിന്റെ ഈ ഭാഗത്ത് കോളേജുകളും ആശുപത്രികളും കേന്ദ്രീകരിച്ചിരിക്കുന്നു.

കോയമ്പത്തൂർ മെഡിക്കൽ കോളേജ് ഹോസ്പിറ്റൽ, ട്രിച്ചി റോഡിൽ ലങ്ക കോർണറിനടുത്ത്, കോയമ്പത്തൂർ ജംഗ്ഷനിൽ നിന്ന് ഏകദേശം മാറിസ്ഥിതി ചെയ്യുന്നു, 1909-ൽ ബ്രിട്ടീഷ് ഭരണകാലത്ത് സ്ഥാപിതമായതാണ്.

അക്രഡിറ്റേഷനും അനുബന്ധ സ്ഥാപനങ്ങളും

കോയമ്പത്തൂർ റെയിൽവേ ജംക്‌ഷനു സമീപമുള്ള സർക്കാർ ഹെഡ്ക്വാർട്ടേഴ്‌സ് ആശുപത്രി കോളേജിനോട് ചേർന്ന് ടീച്ചിംഗ് മെഡിക്കൽ സ്ഥാപനമാക്കി മാറ്റി. കോളേജ് മദ്രാസ് യൂണിവേഴ്സിറ്റിയുമായി അഫിലിയേറ്റ് ചെയ്യുകയും പിന്നീട് ഭാരതിയാർ യൂണിവേഴ്സിറ്റിയിലേക്ക് മാറ്റുകയും ചെയ്തു. തുടർന്ന്, ഇത് തമിഴ്‌നാട് ഡോ. എംജിആർ മെഡിക്കൽ യൂണിവേഴ്‌സിറ്റിയുമായി അഫിലിയേറ്റ് ചെയ്തു.