ക്രോസ് റിവർ ദേശീയോദ്യാനം

ഇംഗ്ലീഷ് വിലാസം

https://ml.wikipedia.org/wiki/Cross_River_National_Park

ക്രോസ് റിവർ ദേശീയോദ്യാനം
ഐ.യു.സി.എൻ. ഗണം II (ദേശീയോദ്യാനം)
Kwa Falls, Cross River National Park
Location	Cross River State,  Nigeria
Coordinates	5°34′50″N 8°44′54″E / 5.580451°N 8.748379°E / 5.580451; 8.748379
Area	4,000 km²
Established	1991

ക്രോസ് റിവർ ദേശീയോദ്യാനം നൈജീരിയയിലെ ക്രോസ് റിവർ സംസ്ഥാനത്തു സ്ഥിതിചെയ്യുന്ന ഒരു ദേശീയോദ്യാനമാണ്. ഈ ദേശീയോദ്യാനത്തിന് ഓക്വാങ്കോ (1991-ൽ സ്ഥാപിതമായത്), ഒബൻ (1988-ൽ സ്ഥാപിതമായി) എന്നിങ്ങനെ രണ്ട് പ്രത്യേക വിഭാഗങ്ങളുണ്ട്. ഏകദേശം 4,000 ചതുരശ്ര കിലോമീറ്റർ വിസ്തീർണ്ണമുള്ള ക്രോസ് റിവർ ദേശീയോദ്യാനത്തിൻറെ വടക്ക്, മദ്ധ്യഭാഗങ്ങളിലധികവും പ്രാഥമികമായി ഈർപ്പമുള്ള ഉഷ്ണമേഖലാ മഴക്കാടുകളാണുളളത്. തീരപ്രദേശങ്ങളിൽ കണ്ടൽക്കാടുകളെ പിന്തുണയ്ക്കുന്ന ചതുപ്പുനിലങ്ങളാണ്. ദേശീയോദ്യാനത്തിൻറെ ചില ഭാഗങ്ങൾ ഗിനിയ-കോംഗോളിയൻ മേഖലയിൽ ഉൾപ്പെട്ടിരിക്കുന്നു. 40 മുതൽ 50 മീറ്റർ വരെ ഉയരത്തിൽ ഇടതൂർന്ന് വളരുന്ന മരങ്ങൾ ആകാശം മൂടിക്കെട്ടിയതുപോലെ വളർന്നുനിൽക്കുന്നു.^[1] ആഫ്രിക്കയിലെ ഏറ്റവും പഴക്കമുള്ള മഴക്കാടുകളിലൊന്നാണ് ഈ ദേശീയോദ്യാനം. ഒരു ജൈവവൈവിധ്യ കേന്ദ്രമായാണ് ഈ ഉദ്യാനം അറിയപ്പെടുന്നത്.