ഖാവോ ഫനം ബെഞ്ച ദേശീയോദ്യാനം

ഇംഗ്ലീഷ് വിലാസം

https://ml.wikipedia.org/wiki/Khao_Phanom_Bencha_National_Park

Khao Phanom Bencha National Park
อุทยานแห่งชาติเขาพนมเบญจา
ഐ.യു.സി.എൻ. ഗണം II (ദേശീയോദ്യാനം)
Park location in Thailand
Location	Krabi Province, Thailand
Nearest city	Krabi
Coordinates	8°14′31″N 98°54′55″E / 8.24194°N 98.91528°E / 8.24194; 98.91528
Area	50 കി.m2 (540,000,000 sq ft)
Governing body	Department of National Parks, Wildlife and Plant Conservation

തായ്ലൻഡിലെ ക്രാബി പ്രവിശ്യയിലെ ഒരു ദേശീയ ഉദ്യാനമാണ് ഖാവോ ഫനം ബെഞ്ച ദേശീയോദ്യാനം ( തായ് : อุทยานแห่งชาติ เขาพนม เบีจา ). വിർജിൻ മഴക്കാടുകളും അപൂർവ്വ ജീവജാലങ്ങളെ സംരക്ഷിക്കുന്നതു കൊണ്ടും ഖാവോ ഫനം ബെഞ്ച പർവ്വതം എന്ന പേരിലാണ് ഈ പാർക്ക് അറിയപ്പെടുന്നത്.

തേക്ക് , ടാകിയാൻ , ഡിപ്റ്റെറോകാർപസ് അലാറ്റസ് , ലാഗർസ്ട്രൊമിയ , മഗ്നോലിയ ചംബക , പാർക്കിയ സ്പേഷ്യോസ എന്നിവയാണ് പാർക്കിലെ വനങ്ങളിൽ ഉൾപ്പെടുന്നത്. നിമ്നോന്നതഭാഗങ്ങളിൽ കലാമസ് പാമും മുളയും കാണപ്പെടുന്നു.^[1]

ക്ലൗഡെഡ് പുള്ളിപ്പുലി , സുമാത്രൻ സെരോവ് , ടേപിർ , കറുത്ത കരടി , മൗസ് ഡീർ എന്നിവയെല്ലാം മൃഗങ്ങളിൽ ഉൾപ്പെടുന്നു. ലംഗൂർ , ലാർ ഗിബ്ബൺ , സ്റ്റംപ് വാൽഡ് മകാക് തുടങ്ങി ഇനങ്ങളിലുള്ള നിരവധി കുരങ്ങുകൾ ഈ പാർക്കിൽ കാണപ്പെടുന്നു.^[1]

പ്രധാനപ്പെട്ട ഒരു പക്ഷി നിരീക്ഷണ പ്രദേശമായ ഖാവോ ഫനം ബെഞ്ച 200 ലധികം പക്ഷിയിനങ്ങൾ ഉൾക്കൊള്ളുന്നു. വൈറ്റ് ക്രൗൺഡ്, ഹെൽമെറ്റ്ഡ് ഹോൺബിൽ , വൈറ്റ്-റംപെഡ് ഷാമ , ആർഗസ് ഫീസന്റ് എന്നിവയും ഇവിടെയുണ്ട്. വംശനാശം നേരിടുന്നതും അപൂർവ്വ പക്ഷികളിലൊന്നായ ഗർണീസ് പിറ്റ ഇവിടെ സംരക്ഷിക്കപ്പെടുന്നു.^[2][1]

ഖാവോ ഫനം ബെഞ്ച ക്രാബി പട്ടണത്തിൽ നിന്ന് 20 കിലോമീറ്റർ (12 മൈൽ) അകലെ ക്രാബി , ഖാവോ ഫനം , എഒ ല്യൂക് ജില്ലകളിലായി സ്ഥിതിചെയ്യുന്നു.^[3]ഈ പാർക്ക് 50 ചതുരശ്ര കിലോമീറ്റർ വിസ്തീർണ്ണത്തിൽ വ്യാപിച്ചു കിടക്കുന്നു. വടക്കു നിന്ന് തെക്കോട്ട് മലനിരകളുടെ ഒരു ഭാഗമായ ഖാവോ ഫനം ബെഞ്ചയുടെ ഏറ്റവും കൂടിയ ഉയരം 1,397 മീറ്റർ (4,580 അടി) ആണ്.^[1]

ഹ്വായ് ടു ഫാൾസ്, 80 മീറ്റർ (260 അടി) ഉയരമുള്ള അഞ്ച് നീരുറവകളുള്ള വെള്ളച്ചാട്ടം, തുടങ്ങിയ നിരവധി വെള്ളച്ചാട്ടങ്ങളും ഈ പാർക്കിലുണ്ട്. മൂന്ന് നീരുറവകളുള്ള ഒരു വെള്ളച്ചാട്ടമാണ് ഹ്വായ് സാഖെ വെള്ളച്ചാട്ടം.^[3][4]

സ്റ്റാളാക്റ്റൈറ്റുകളും സ്റ്റാലേഗ്മൈറ്റും ഖാവോ ഫ്യൂങ് ഗുഹകളുടെ സവിശേഷതയാണ്. ^[5] ഖാവോ ഫനം ബെഞ്ച പർവ്വതം കനത്ത വനമാണ്. ഒരു ദിവസത്തെ മൾട്ടി ട്രെക്കിൽ മാത്രമേ കയറാൻ കഴിയൂ.^[3]