ഗമ്മെൽസ്റ്റാഡ് ചർച്ച് ടൗൺ
സ്വീഡനിൽ ലുലിയ നഗരത്തിനടുത്ത് ഗമ്മെൽസ്റ്റാഡെനിൽ സ്ഥിതിചെയ്യുന്ന യുനെസ്കോ ഒരു ലോക പൈതൃക സ്ഥാനമാണ് ഗമ്മെൽസ്റ്റാഡ് ചർച്ച് ടൗൺ (Swedish: Gammelstads kyrkstad). ഇത് ബൊത്നിയ മുനമ്പിന്റെ വടക്കേഅറ്റത്തായി സ്ഥിതിചെയ്യുന്നു. ഒരുകാലത്ത് വടക്കേ സ്കാന്റിനേവിയയിലുടനീളം സർവ്വസാധാരണമായിരുന്ന നഗരരൂപങ്ങളുടെ ഏറ്റവും സംരക്ഷിക്കപ്പെട്ട പതിപ്പാണ് ഈ നഗരം. 1996 ൽ ഈ സ്ഥലം ലോകപൈതൃക സ്ഥാനങ്ങളുടെ പട്ടികയിൽ ഇടം പിടിച്ചു. ഗമ്മെൽസ്റ്റാഡിൽ സ്ഥിതിചെയ്യുന്ന ഒരു ചർച്ച് നഗരമാണിത് ലുലേ നദിയുടെ പത്ത് കിലോമീറ്റർ മുകളിലായാണ് ഈ നഗരം സ്ഥിതിചെയ്യുന്നത്. ഈ വില്ലേജിന്റെ മദ്ധ്യത്തിൽ 15-ാം നൂറ്റാണ്ടിലെ നെഡെർലുലിയെ പള്ളി സ്ഥിതിചെയ്യുന്നു. ചുറ്റിനും 424 മരവീടുകളും ഉണ്ട്. ചുറ്റുപാടുമുള്ള ഗ്രാമങ്ങളിൽനിന്ന് ഞായറാഴ്ചകളിലും ഉത്സവദിനങ്ങളിലും പള്ളിയിൽ എത്തിച്ചേരുന്ന പ്രാർത്ഥനാർത്ഥികൾക്ക് താമസിക്കാനാണ് ഈ വീടുകൾ ഉപയോഗിക്കുന്നത്. ദൂരക്കൂടുതൽകൊണ്ടും യാത്രാക്ലേശം കൊണ്ടും അന്നുതന്നെ വീടുകളിലേക്ക് തിരിച്ചുപോകാൻപറ്റാത്തവർ ഈ വീടുകളിൽ തങ്ങുന്നു.[4] തടികൊണ്ട് നിർമ്മിച്ചതായതുകൊണ്ട് ഈ വീടുകൾക്ക് സ്ഥിരമായ അറ്റകുറ്റപ്പണികൾ ആവശ്യമായി വരുന്നു. മഞ്ഞുകാലത്ത് സ്ഥിരമായി മഞ്ഞ് നീക്കം ചെയ്യാനുള്ള ക്രമീകരണങ്ങളും ഏർപ്പെടുത്തിയിട്ടുണ്ട്. എത്രമാത്രം നാശം ഉണ്ടാവുന്നുണ്ട് എന്നറിയാനായി സ്ഥിരമായ സർവ്വേകളും നടത്തുന്നു.[5] ചിത്രശാല
അവലംബങ്ങൾ
പുറത്തേക്കുള്ള കണ്ണികൾ Wikimedia Commons has media related to Gammelstads kyrkstad. Wikimedia Commons has media related to Gammelstads kyrkstad.
|
||||||||||||||||||||||||||||||||||||||||||
Portal di Ensiklopedia Dunia
