ഗ്രാന്റ് ഏലിയറ്റ്

Grant Elliott
വ്യക്തിഗത വിവരങ്ങൾ
മുഴുവൻ പേര്	ഗ്രാന്റ് ഡേവിഡ് ഏലിയറ്റ്
ജനനം	21 മാർച്ച് 1979 (age 46) വയസ്സ്); Johannesburg, South Africa
ഉയരം	6 അടി (1.83 മീ)*
ബാറ്റിംഗ് രീതി	വലം കൈ
ബൗളിംഗ് രീതി	വലം കൈ മീഡിയം/ഓഫ് സ്പിൻ
റോൾ	ഓൾ റൗണ്ടർ
അന്താരാഷ്ട്ര തലത്തിൽ
ദേശീയ ടീം	ന്യൂസിലൻഡ്;
ആദ്യ ടെസ്റ്റ് (ക്യാപ് 236)	22 മാർച്ച് 2008 v ഇംഗ്ലണ്ട്
അവസാന ടെസ്റ്റ്	3 ഡിസംബർ 2009 v പാകിസ്താൻ
ആദ്യ ഏകദിനം (ക്യാപ് 150)	18 ജൂൺ 2008 v ഇംഗ്ലണ്ട്
അവസാന ഏകദിനം	29 മാർച്ച് 2015 v ഓസ്ട്രേലിയ
ഏകദിന ജെഴ്സി നം.	88
പ്രാദേശിക തലത്തിൽ
2009	സറി
2005–present	വെല്ലിംഗ്ടൺ (സ്ക്വാഡ് നം. 44)
2001–2003	ഗൗട്ടെങ്
1999–2001	ഗ്രിക്ക്വലന്റ് വെസ്റ്റ്
കരിയർ സ്ഥിതിവിവരങ്ങൾ
	ഉറവിടം: CricketArchive, 28 March 2015

ഇംഗ്ലീഷ് വിലാസം

https://ml.wikipedia.org/wiki/Grant_Elliott

ന്യൂസിലൻഡിനുവേണ്ടി അന്താരാഷ്ട്ര ക്രിക്കറ്റ് മൽസരങ്ങൾ കളിക്കുന്ന താരമാണ് ഗ്രാന്റ് ഡേവിഡ് ഏലിയറ്റ് എന്ന ഗ്രാന്റ് ഏലിയറ്റ്(ജനനം മാർച്ച് 21,1979) .ദക്ഷിണാഫ്രിക്കയിൽ ജനിച്ച് ന്യൂസിലൻഡിലേക്ക് കുടിയേറിയ ഏലിയറ്റ് 2008ൽ ഇംഗ്ലണ്ടിനെതിരെ നേപ്പിയറിൽ നടന്ന ടെസ്റ്റ് മൽസരത്തിലൂടെയാണ് അന്താരാഷ്ട്ര ക്രിക്കറ്റിൽ അരങ്ങേറുന്നത്^[1].2009 ലെ ഐ.സി.സി. ചാമ്പ്യൻസ് ട്രോഫിയിൽ ഇംഗ്ലണ്ടിനെതിരായ മൽസരത്തിൽ 31 റൺസ് വഴങ്ങി 4 വിക്കറ്റ് വീഴ്ത്തിയ ഏലിയറ്റിന്റെ ബൗളിംഗ് മികവിൽ ന്യൂസിലൻഡ് സെമിഫൈനലിൽ എത്തി. 2015ൽ ശ്രീലങ്കയ്ക്കെതിരെ ഡുനെഡിനിൽ നടന്ന ഏകദിന മൽസരത്തിൽ ലൂക്ക് റോഞ്ചിയോടൊപ്പം ചേർന്ന് ഏകദിനക്രിക്കറ്റിലെ ആറാം വിക്കറ്റിലെ ഏറ്റവും ഉയർന്ന സഖ്യത്തിൽ ഏലിയറ്റ് പങ്കാളിയായി.267* റൺസാണ് റെക്കോർഡ് സഖ്യത്തിൽ ഇരുവരും അടിച്ചുകൂട്ടിയത്^[2].2015 ക്രിക്കറ്റ് ലോകകപ്പിന്റെ സെമിഫൈനലിൽ 84 റൺസെടുത്ത ഏലിയറ്റിന്റെ മികവിൽ ദക്ഷിണാഫ്രിക്കയെ മറികടന്ന് ന്യൂസിലൻഡ് ആദ്യമായി ലോകകപ്പ് ക്രിക്കറ്റ് ഫൈനലിൽ എത്തി^[3].മെൽബണിൽ നടന്ന ഫൈനലിലും 83 റൺസെടുത്ത് അദ്ദേഹം തിളങ്ങി^[4]. ആഭ്യന്തര ക്രിക്കറ്റിൽ വെല്ലിംഗ്ടൺ ടീമിനുവേണ്ടിയാണദ്ദേഹം കളിക്കുന്നത്.2016ൽ അദ്ദേഹം രാജ്യാന്തര ഏകദിന ക്രിക്കറ്റിൽ നിന്നും വിരമിച്ചു.