ചിൽഡ്രൻ ഈറ്റിംഗ് ഗ്രേപ്സ് ആന്റ് വാട്ടർമെലൻ 1645-1650നും ഇടയിൽ ബാർട്ടലോം എസ്റ്റെബാൻ മുറില്ലോ വരച്ച ഓയിൽ ഓൺ ക്യാൻവാസ് പെയിന്റിംഗ് ആണ് ചിൽഡ്രൻ ഈറ്റിംഗ് ഗ്രേപ്സ് ആന്റ് വാട്ടർമെലൻ. [1]ഇപ്പോൾ മ്യൂണിക്കിലെ ആൾട്ടെ പിനാകോതെക്കിലെ XIII മുറിയിലാണ് ഈ ചിത്രം പ്രദർശിപ്പിച്ചിരിക്കുന്നത്. മതപരമായ സൃഷ്ടികൾക്കൊപ്പം, ഇതുപോലുള്ള യാഥാർത്ഥ്യവും പ്രകൃതിദത്തവുമായ രംഗങ്ങൾ കലാകാരന്മാരുടെ ചിത്രങ്ങളിൽ ഏറ്റവും കൂടുതൽ ആവർത്തിക്കപ്പെടുന്ന പലപ്പോഴും കുട്ടികളെ കേന്ദ്രീകരിച്ചുള്ള തീമുകളിൽ ഒന്നാണ്. ഇത് ചിൽഡ്രൻ പ്ളേയിങ്ങ് ഡൈസ് ആൻഡ് ദി യംഗ് ബെഗ്ഗർ പോലുള്ള ചിത്രങ്ങളിലും കാണാം.[2][3] മുറില്ലോയുടെ ഈ വിഭാഗത്തിലെ മിക്കവാറും എല്ലാ സൃഷ്ടികളും ഇപ്പോൾ സ്പെയിനിന് പുറത്ത് ശേഖരത്തിലുണ്ട്. ഒരുപക്ഷേ അവ സെവില്ലെ ആസ്ഥാനമായുള്ള അനേകം ഫ്ലെമിഷ് വ്യാപാരികൾക്ക് വേണ്ടി കമ്മീഷൻ ചെയ്തതാണെന്നും മുറില്ലോയുടെ ഒരു പ്രധാന കളക്ടറും ക്ലയന്റുമായ നിക്കോളാസ് ഡി ഒമാസുറിനെപ്പോലുള്ള വടക്കൻ യൂറോപ്യൻ ആർട്ട് ഡീലർമാർക്ക് വേണ്ടിയുള്ളതാണെന്നും ഇത് സൂചിപ്പിക്കുന്നു. [4] 17-ആം നൂറ്റാണ്ടിന്റെ അവസാനത്തിലും 18-ആം നൂറ്റാണ്ടിന്റെ തുടക്കത്തിലും സ്പാനിഷ് നെതർലാൻഡ്‌സിന്റെ ഗവർണറായിരുന്ന മാക്‌സിമിലിയൻ II ഇമ്മാനുവൽ ഈ ചിത്രവും ചിൽഡ്രൻ പ്ലേയിംഗ് ഡൈസും സ്വന്തമാക്കി. ആൾട്ടെ പിനാകോതെക്കിൽ പ്രവേശിച്ച കലാകാരന്റെ ആദ്യ രണ്ട് ചിത്രങ്ങളായി അവ മാറി. ആർട്ടിസ്റ്റിന്റെ സ്ലീപ്പിംഗ് ക്രിസ്റ്റ് ചൈൽഡ് വിത് ഏഞ്ചൽസ്, ദ യങ് ഫ്രൂട്ട്‌സെല്ലേഴ്സ്, സെന്റ് തോമസ് ഓഫ് വില്ലാന്യൂവ ഹീലിങ് എ ലേം മാൻ , ലാഭിങ് ഷെപ്പേർഡ് ബോയ് ആന്റ് നിറ്റ്-പിക്കിംഗ് എന്നിവയും ഇവിടെയുണ്ട്.[5] സ്പെയിനിലെയും പോർച്ചുഗലിലെയും ഏറ്റവും പ്രധാനപ്പെട്ടതും വാണിജ്യപരവുമായ നഗരങ്ങളിലൊന്നായ സെവില്ലെയിലെ ഭിക്ഷാടകരും ദാരിദ്ര്യവും ചിത്രകാരൻ കാണിച്ചിരിക്കുന്നു. പ്ലേഗിന്റെ നാശനഷ്ടങ്ങളും, ഹൗസ് ഓഫ് ഓസ്ട്രിയയുടെ സമ്പൂർണ്ണ രാജവാഴ്ച വരുത്തിയ ആഴത്തിലുള്ള സാമ്പത്തികവും സാമൂഹികവുമായ പ്രതിസന്ധിയും കൂടിച്ചേർന്ന ധാരാളം ഭവനരഹിതരായ ആളുകളെയും വരച്ചിരിയ്ക്കുന്നു. അതിന്റെ പ്രാകൃതവും ദൈനംദിന വ്യാഖ്യാനവും മുറില്ലോയുടെ ഇറ്റാലിയൻ സ്കൂളിനെയും പ്രത്യേകിച്ച് കാരവാജിയോയുടെ ബാച്ചസിനെയും കുറിച്ചുള്ള അറിവ് കാണിക്കുന്നു.[6] അവലംബം
|
Portal di Ensiklopedia Dunia
