ജോർജ് ലോറൻസ്
ബ്രിട്ടീഷ് ഈസ്റ്റ് ഇന്ത്യ കമ്പനിക്കുവേണ്ടി ഇന്ത്യയിൽ ജോലിയെടുത്തിരുന്ന സൈനികനും ഭരണകർത്താവുമായിരുന്നു ജോർജ് ലോറൻസ് (ഇംഗ്ലീഷ്: George Lawrence) എന്ന ജോർജ് സെയിന്റ് പാട്രിക് ലോറൻസ്. കമ്പനിക്കുവേണ്ടി ഒന്നാം ആംഗ്ലോ-അഫ്ഗാൻ യുദ്ധം, ആംഗ്ലോ-സിഖ് യുദ്ധങ്ങൾ എന്നിവയിൽ പങ്കെടുത്തിട്ടുണ്ട്. ഇരുയുദ്ധങ്ങളിലും തടവുകാരനായി പിടിക്കപ്പെട്ടിരുന്നു.[1] 1840-കളുടെ ആരംഭത്തിൽ കാബൂളിലെ ബ്രിട്ടീഷ് നയതന്ത്രപ്രതിനിധിയായിരുന്ന വില്യം മക്നാട്ടന്റെ സൈനിക സെക്രട്ടറിയായിരുന്നു.[2] ബ്രിട്ടീഷ് ഇന്ത്യയിലെ പ്രമുഖ ഭരണകർത്താക്കളായിരുന്ന ജോൺ ലോറൻസ്, ഹെൻറി ലോറൻസ് എന്നിവർ ജോർജിന്റെ ഇളയ സഹോദരന്മാരാണ്. ഹെൻറി പഞ്ചാബിന്റെ റെസിഡന്റായിരുന്ന അവസരത്തിൽ അദ്ദേഹത്തിന്റെ സഹായിയായി പെഷവാറിന്റെ ഭരണകർത്താവായും ജോർജ് ജോലിയെടുത്തിരുന്നു. രണ്ടാം ആംഗ്ലോ-സിഖ് യുദ്ധസമയത്ത്, സിഖുകാരെ സഹായിച്ചിരുന്ന ദോസ്ത് മുഹമ്മദ് ഖാന്റെ സഹോദരനായിരുന്ന സുൽത്താൻ മുഹമ്മദ് ഖാനാണ് ജോർജിനെ തടവിലാക്കിയത്. പിന്നീടദ്ദേഹത്തെ ഷേർ സിങ് അട്ടാരിവാലക്ക് കൈമാറുകയുമായിരുന്നു. ഇക്കാലത്ത് സന്ധിവ്യവസ്ഥകളറിയിക്കാൻ ദൂതനായി ഷേർ സിങ്, ജോർജിനെയായിരുന്നു നിയോഗിച്ചിരുന്നത്.[1] ഇന്ത്യയിലെ തന്റെ 43 വർഷത്തെ ഔദ്യോഗികജീവിതത്തെപ്പറ്റി, റെമിനിസെൻസ് ഓഫ് 43 യേഴ്സ് ഇൻ ഇന്ത്യ (ഇംഗ്ലീഷ്: Reminiscences of forty-three years in India) എന്ന ഒരു പുസ്തകം 1874-ൽ അദ്ദേഹം പുറത്തിറക്കിയിരുന്നു. അവലംബം
പുറത്തേക്കുള്ള കണ്ണികൾ
|
||||||||||||||||||||||||||
,_by_A._Murano.jpg)
.svg){kind=small}
.svg){kind=small}
Portal di Ensiklopedia Dunia
