ജോർഹട്ട് മെഡിക്കൽ കോളേജ് ആൻഡ് ഹോസ്പിറ്റൽ

ജോർഹട്ട് മെഡിക്കൽ കോളേജ് ആൻഡ് ഹോസ്പിറ്റൽ
	പ്രമാണം:Jorhat Medical College Logo.jpeg Official Seal of Jorhat Medical College & Hospital
തരം	Public
സ്ഥാപിതം	12 ഒക്ടോബർ 2009; (15 years ago)
ബന്ധപ്പെടൽ	Srimanta Sankaradeva University of Health Sciences, ; Medical Council of India
സൂപ്രണ്ട്	Purnima Barua
പ്രധാനാദ്ധ്യാപക(ൻ)	Ratna Kanta Talukdar
ബിരുദവിദ്യാർത്ഥികൾ	125 per year
ബിരുദാനന്തരബിരുദ; വിദ്യാർത്ഥികൾ	45 per year
സ്ഥലം	Jorhat, Assam, India
വെബ്‌സൈറ്റ്	www.jorhatmedicalcollege.in

ഇംഗ്ലീഷ് വിലാസം

https://ml.wikipedia.org/wiki/Jorhat_Medical_College_and_Hospital

ജോർഹട്ട് മെഡിക്കൽ കോളേജ് & ഹോസ്പിറ്റൽ (ജെഎംസിഎച്ച്) ഇന്ത്യയിലെ അസമിലെ ജോർഹട്ട് ആസ്ഥാനമായുള്ള ഒരു മെഡിക്കൽ കോളേജും ഹോസ്പിറ്റലുമാണ്. സംസ്ഥാനത്തെ നാലാമത്തെ മെഡിക്കൽ കോളേജാണിത്, ഇത് ജോർഹട്ട് ജില്ലയിലെ 1.2 ദശലക്ഷത്തിലധികം ആളുകൾക്കും അയൽ ജില്ലകളായ ഗോലാഘട്ട്, ശിവസാഗർ, മജുലിയുടെയും അയൽ സംസ്ഥാനങ്ങളായ നാഗാലാൻഡ്, അരുണാചൽ പ്രദേശ് എന്നിവിടങ്ങളിലെ രോഗികൾക്കും ആരോഗ്യ സംരക്ഷണം നൽകുന്നു. ^[1] അസമിലെ ആരോഗ്യ കുടുംബക്ഷേമ മന്ത്രാലയത്തിന് കീഴിലാണ് കോളേജ് പ്രവർത്തിക്കുന്നത്.

ചരിത്രം

2008 ഓഗസ്റ്റ് 25-ന് അന്നത്തെ പ്രധാനമന്ത്രി ഡോ. മൻമോഹൻ സിംഗ് അസമിലെ നാലാമത്തെ മെഡിക്കൽ കോളേജിന് തറക്കല്ലിട്ടു. 2009 ഒക്ടോബർ 12-ന് അന്നത്തെ ബഹുമാനപ്പെട്ട അസം മുഖ്യമന്ത്രി തരുൺ ഗൊഗോയ് ജോർഹത്ത് മെഡിക്കൽ കോളേജിന്റെ ആശുപത്രി വിഭാഗം ഉദ്ഘാടനം ചെയ്തു. 2009-ൽ ഉദ്‌ഘാടനം ചെയ്‌തതിന് ശേഷം ഇൻഫ്രാസ്ട്രക്ചറിന്റെയും രോഗികളുടെ ഭാരത്തിന്റെയും കാര്യത്തിൽ ഇത് അസമിലെ ഏറ്റവും മികച്ചതാണെന്ന് പറയപ്പെടുന്നു.

സ്ഥലവും ഗതാഗതവും

ജോർഹട്ട് മെഡിക്കൽ കോളേജ് സ്ഥിതി ചെയ്യുന്നത്ജോർഹട്ട് നഗരത്തിന്റെ ഹൃദയഭാഗത്ത് നിന്ന് പടിഞ്ഞാറ് എകദേശം 3 കി.മീ. മാറിയാണ്.കോളേജ് ബസുകളും ഓട്ടോറിക്ഷകളും കോളേജിലേക്ക് ലഭ്യമാണ്. റോഡ്, റെയിൽ, എയർവേ എന്നിവ വഴി ജോർഹട്ട് മറ്റു പ്രദേശങ്ങളുമായി നന്നായി ബന്ധിപ്പിച്ചിരിക്കുന്നു. തലസ്ഥാന നഗരമായ ഗുവാഹത്തിയിൽ നിന്ന് ജോർഹട്ടിലേക്ക് ലക്ഷ്വറി (എസി/നോൺ എസി) പകലും രാത്രിയും ബസ് സർവീസുകൾ ലഭ്യമാണ്, ഇതിന് 6 മണിക്കൂർ എടുക്കും. ഗുവാഹത്തി, കൊൽക്കത്ത, ഡൽഹി എന്നിവിടങ്ങളിലേക്ക് ദിവസേന നേരിട്ട് വിമാന സർവീസുകളുള്ള ജോർഹട്ട് എയർപോർട്ട് കോളേജിന് സമീപമാണ്. കോളേജിന് സമീപമുള്ള രണ്ട് പ്രധാന റെയിൽവേ സ്റ്റേഷനുകൾ ഉണ്ട് ജോർഹട്ട് ടൗൺ റെയിൽവേ സ്റ്റേഷനും മരിയാനി ജംഗ്ഷനും.

വകുപ്പുകൾ

കോഴ്സുകൾ

ബാച്ചിലർ ഓഫ് മെഡിസിൻ, ബാച്ചിലർ ഓഫ് സർജറി
ബിരുദാനന്തര കോഴ്സുകൾ

ജനറൽ മെഡിസിൻ 10 സീറ്റ്, ജനറൽ സർജറി 10 സീറ്റ്, ഒർത്തോപീഡിക്‌സ് 8 സീറ്റ്, പീഡിയാട്രിക്സ് 8 സീറ്റ്, റേഡിയോളജി 5 സീറ്റ്, അനസ്‌തേഷ്യ 10 സീറ്റ്, ഇ എൻ ടി 5 സീറ്റ്. ഒഫ്താൽമോളജി 5 സീറ്റ്.

നോൺ ക്ലിനിക്കൽ വിഭാഗങ്ങളിലാണ് മറ്റ് പിജി സീറ്റുകൾ.

പുസ്തകശാല

സെൻട്രൽ ലൈബ്രറി

കോളേജിലെ സെൻട്രൽ ലൈബ്രറിയിൽ 78 ഇന്ത്യൻ ജേണലുകളും 65 വിദേശ ജേണലുകളുമുൾപ്പടെ 7000-ലധികം പുസ്തകങ്ങളുണ്ട്. കൂടാതെ ഇന്റർനെറ്റ് സൗകര്യങ്ങളുള്ള 50 കമ്പ്യൂട്ടറുകളുണ്ട്.ഇത് 1650 ചതുരശ്ര അടി വിസ്തീർണ്ണം ഉൾക്കൊള്ളുന്നു. ലൈബ്രറിയുടെ റീഡിംഗ് റൂമിൽ 100 വിദ്യാർത്ഥികൾക്ക് വായന സൗകര്യമുണ്ട്, കൂടാതെ 100 സീറ്റുകളുള്ള അധിക റീഡിംഗ് റൂമും ലഭ്യമാണ്.

വകുപ്പുതല ലൈബ്രറി

ഫാക്കൽറ്റി അംഗങ്ങളുടെയും അധ്യാപക ജീവനക്കാരുടെയും പരിശ്രമത്താൽ ഓരോ ഡിപ്പാർട്ട്‌മെന്റിലെയും വിദ്യാർത്ഥികൾക്കും ജീവനക്കാർക്കും വേണ്ടി ഇരുപത്തിരണ്ട് ഡിപ്പാർട്ട്‌മെന്റ് ലൈബ്രറികൾ സ്ഥാപിച്ചു.

ബുക്ക് ബാങ്ക്

വിദ്യാർഥികളുടെ പ്രയോജനത്തിനായി ബുക്ക് ബാങ്കിന്റെ സൗകര്യവും കോളേജിലുണ്ട്. മെറിറ്റ് അടിസ്ഥാനത്തിൽ SC / ST, OBC വിദ്യാർത്ഥികൾക്ക് മാത്രം പാഠപുസ്തകങ്ങൾ വായ്പ നൽകുന്നതിനുള്ള വ്യവസ്ഥയാണിത്.