ടി.വി. ചന്ദ്രമോഹൻ

ഇംഗ്ലീഷ് വിലാസം

https://ml.wikipedia.org/wiki/T.V._Chandramohan

1991-1996 , 2001-2006 നിയമസഭകളിൽ കുന്നംകുളത്തെ പ്രതിനിധീകരിച്ചിരുന്ന തൃശൂർ ജില്ലയിൽ നിന്നുള്ള കോൺഗ്രസ് നേതാവാണ് ടി.വി.ചന്ദ്രമോഹൻ (ജനനം:09 ഒക്ടോബർ 1950)^[2][3]

കണ്ണൂർ ജില്ലയിലെ തലശ്ശേരിയിൽ എൻ.പി.ഗോവിന്ദൻ നായരുടേയും ജാനകിയമ്മയുടേയും മകനായി 1950 ഒക്ടോബർ 9ന് ജനിച്ചു. എം. എ പോസ്റ്റ് ഗ്രാജുവേറ്റാണ് വിദ്യാഭ്യാസ യോഗ്യത.^[4]

കെ.എസ്.യു വഴിയാണ് പൊതുരംഗ പ്രവേശനം. സംഘടനയുടെ സംസ്ഥാന സമിതി അംഗമായിരുന്നു. 2000 ജൂണിൽ ഇൻറർനാഷണൽ ലേബർ ഓർഗനൈസേഷൻ്റെ സിംഗപ്പൂരിൽ നടന്ന സമ്മേളനത്തിൽ പങ്കെടുത്തു. 1991-ലും 2001-ലും കുന്നംകുളത്ത് നിന്ന് നിയമസഭാംഗമായി തിരഞ്ഞെടുക്കപ്പെട്ടു.^[5] 1996-ൽ കുന്നംകുളത്ത് നിന്ന് മത്സരിച്ചെങ്കിലും സി.പി.എമ്മിലെ എൻ.ആർ. ബാലനോട് പരാജയപ്പെട്ടു. 2005-ൽ കോൺഗ്രസ് പാർട്ടിയുമായി തെറ്റിപ്പിരിഞ്ഞ ലീഡർ കെ.കരുണാകരന് പിന്തുണ പ്രഖ്യാപിച്ച് നിയമസഭാംഗത്വം രാജിവച്ച ഒൻപത് കോൺഗ്രസ് എം.എൽ.എമാരിൽ ഒരാളാണ് ടി.വി.ചന്ദ്രമോഹൻ. 2006-ലെ നിയമസഭ തിരഞ്ഞെടുപ്പിൽ വടക്കാഞ്ചേരിയിൽ നിന്ന് ഡി.ഐ.സി. (കെ) സ്ഥാനാർത്ഥിയായി മത്സരിച്ചെങ്കിലും സി.പി.എമ്മിലെ എ.സി.മൊയ്തീനോട് പരാജയപ്പെട്ടു.^[6] 2008-ൽ ലീഡർ കെ.കരുണാകരനൊപ്പം കോൺഗ്രസിൽ തിരിച്ചെത്തി.

• 2005 ജൂലൈ 5 ന് നിയമസഭയിൽ നിന്ന് രാജിവച്ചവർ^[7]

• പി. ശങ്കരൻ
• എം.പി. ഗംഗാധരൻ
• എം.എ. ചന്ദ്രശേഖരൻ
• എൻ.ഡി. അപ്പച്ചൻ
• മാലേത്ത് സരളാദേവി
• രാധാ രാഘവൻ
• ടി.വി. ചന്ദ്രമോഹൻ
• ശോഭന ജോർജ്
• ഡി. സുഗതൻ

മറ്റ് പദവികൾ

• ജില്ലാ പ്രസിഡൻറ്, യൂത്ത് കോൺഗ്രസ്, തൃശൂർ
• വൈസ് പ്രസിഡൻറ്, തൃശൂർ ഡി.സി.സി.
• തൃശൂർ ജില്ലാ പ്രസിഡൻറ്, സംസ്ഥാന വൈസ് പ്രസിഡൻറ്, ഐ.എൻ.ടി.യു.സി
• ദേശീയ കൗൺസിൽ അംഗം, ഐ.എൻ.ടി.യു.സി
• വൈസ് പ്രസിഡൻറ്, തൃശൂർ ജില്ലാ സഹകരണ ബാങ്ക്
• ഐ.എൻ.ടി.യു.സിയുടെ കീഴിലുള്ള 25 ഓളം സംഘടനകളുടെ പ്രസിഡൻറ് , സെക്രട്ടറി എന്നീ നിലകളിൽ പ്രവർത്തിച്ചു.
• ഭാരവാഹി, സീതാറാം ടെക്സ്റ്റൈൽ ലിമിറ്റഡ്, തൃശൂർ, കെ.എസ്.എഫ്.ഇ എംപ്ലോയീസ് അസോസിയേഷൻ, അംഗനവാടി വർക്കേഴ്സ് ഫെഡറേഷൻ

1. ↑ http://www.niyamasabha.org/codes/members/m114.htm
2. ↑ https://www.newindianexpress.com/cities/thiruvananthapuram/2009/dec/23/chandramohan-likely-to-head-thrissur-dcc-115546.html
3. ↑ https://resultuniversity.com/election/kunnamkulam-kerala-assembly-constituency
4. ↑ https://www.mathrubhumi.com/mobile/thrissur/news/vadakkancheri-1.4196196^{[പ്രവർത്തിക്കാത്ത കണ്ണി]}
5. ↑ https://keralakaumudi.com/news/mobile/news.php?id=483952&u=general
6. ↑ "ആർക്കൈവ് പകർപ്പ്". Archived from the original on 2016-04-13. Retrieved 2021-02-24.
7. ↑ https://m.rediff.com/news/2005/jul/05kerala.htm
8. ↑ "ആർക്കൈവ് പകർപ്പ്". Archived from the original on 2021-11-11. Retrieved 2014-04-22.
9. ↑ http://www.keralaassembly.org