ടൈറ്റസ്-ബോഡെ നിയമം

ഇംഗ്ലീഷ് വിലാസം

https://ml.wikipedia.org/wiki/Titius-Bode_law

This article does not cite any sources. Please help improve this article by adding citations to reliable sources. Unsourced material may be challenged and removed. Find sources: "ടൈറ്റസ്-ബോഡെ നിയമം" – news · newspapers · books · scholar · JSTOR (Learn how and when to remove this message)

ഗ്രഹങ്ങളുടെ സൂര്യനു ചുറ്റുമുള്ള വിന്യാസം കൃത്യമായി പ്രതിപാദിക്കുവാൻ കഴിയും എന്നു ഒരു കാലത്ത് കരുതപ്പെട്ട ഗണിത സൂത്രവാക്യം ആണ് ടൈറ്റസ്-ബോഡെ നിയമം.

ടൈറ്റസ്-ബോഡെ നിയമം ഇപ്രകാരം ആണ്:

1. 0, 3, 6, 12, 24, 48, 96....എന്ന സംഖ്യശ്രേണി എഴുതുക (ഈ ശ്രേണിയിലെ 3നു ശേഷമുള്ള സംഖ്യകൾ അതിന്റെ തൊട്ട് മുൻപത്തെ സംഖ്യയുടെ ഇരട്ടി ആണെന്നു ശ്രദ്ധിക്കുക)
2. ഈ ശ്രേണിയിലെ‍ ഓരോ സംഖ്യയോടും 4 എന്ന സംഖ്യ കൂട്ടുക
3. ഉത്തരമായി ലഭിക്കുന്ന ഓരോ സംഖ്യയേയും 10 കൊണ്ട് ഹരിക്കുക

ഉത്തരമായി ലഭിക്കുന്ന സംഖ്യകൾ സൂര്യനിൽ നിന്നുള്ള ഓരോ ഗ്രഹത്തിന്റേയും ദൂരം ആണ് (സൗര ദൂര ഏകകത്തിലുള്ളത്). ഇതാണ് ടൈറ്റസ്-ബോഡെ നിയമത്തിന്റെ രത്ന ചുരുക്കം.

ടൈറ്റസ്-ബോഡെ നിയമപ്രകാരം ഗ്രഹങ്ങളുടെ വിന്യാസവും യഥാർത്ഥത്തിലുള്ള വിന്യാസവും താരതമ്യപ്പെടുത്തുന്ന പട്ടിക താഴെ.

¹ Ceres was considered a planet from 1801 until the 1860s. Pluto was considered a planet from 1930 to 2006. A 2006 IAU proposal to define the term "planet" would have reclassified Ceres as a planet, but this resolution was modified before its ratification in late August 2006. The modification instead placed Ceres, Pluto, and Eris in the newly created category of "dwarf planet".

പതിനെട്ടാം നൂറ്റാണ്ടിൽ, ജർമ്മൻ ഭൌതിക-ഗണിത ശാസ്ത്രജ്ഞനായിരുന്ന ജോഹൻ ടൈറ്റസ്, സൂര്യനു ചുറ്റും ഗ്രഹങ്ങളുടെ വിന്യാസം വിശദീകരിക്കുവാൻ പര്യാപ്തമായ ഒരു ഗണിതസൂത്രവാക്യം കണ്ടെത്തി. അദ്ദേഹം തന്റെ കണ്ടെത്തൽ 1766-ൽ പ്രസിദ്ധീകരിച്ചു എങ്കിലും ജർമ്മൻ ജ്യോതിശാസ്ത്രജ്ഞനും ബെർലിൻ നക്ഷത്രനിരീക്ഷണാലയത്തിന്റെ ഡയറക്ടറുമായിരുന്ന ജോഹാൻ ബോഡെ 1772-ൽ അതിനു വമ്പിച്ച പരസ്യം കൊടുക്കുന്നതു വരെ ഈ നിയമം ആരും ശ്രദ്ധിച്ചിരുന്നില്ല. ഈ ഗണിത സൂത്രമാണ് ഇന്നു ടൈറ്റസ്-ബോഡെ നിയമം എന്നു (അല്ലെങ്കിൽ അതിന്റെ സ്രഷ്ടാവിനോട് അനാദരവ് കാണിച്ച് ബോഡെ നിയമം) അറിയപ്പെടുന്നത്.

ഗ്രഹങ്ങൾ ഈ നിയമം കൃത്യമായി പാലിക്കാത്തതു കൊണ്ട് ഇതിനെ ഒരു ശാസ്ത്ര നിയമം എന്നു വിളിക്കാൻ പറ്റില്ലെങ്കിലും ഭൂരിപക്ഷം ഗ്രഹങ്ങളുടേയും സൂര്യനിൽ നിന്നുള്ള ഏകദേശ ദൂരം കണക്കാക്കാൻ ഈ നിയമം സഹായിക്കുന്നു.

ഈ പട്ടികയിൽ നിന്ന് ടൈറ്റസ്-ബോഡെ നിയമം പ്രവചിക്കുന്ന നിയമം ഏതാണ്ട് എല്ലാ ഗ്രഹങ്ങളും ഒരു വിധം കൃത്യതയോടെ പാലിക്കുന്നു എന്നു കാണാം. ഹെർഷൽ യുറാനസിനെ വളരെ അപ്രതീക്ഷിതമായി കണ്ടെത്തുന്നതു വരെ സൂര്യനിൽ നിന്ന് ഗ്രഹങ്ങളുടെ ദൂരം മനഃപാഠം പഠിക്കുന്നതിനുള്ള ഒരു എപ്പുപ്പവഴിയായാണ് ജ്യോതിശാസ്ത്രജ്ഞർ ഈ നിയമത്തെ കണ്ടത്. പക്ഷേ യുറാനസിന്റെ കണ്ടെത്തൽ 2.8 AU ദൂരത്ത് ഇതു വരെ കണ്ടെത്തിയിട്ടില്ലാത്ത ഒരു ഗ്രഹത്തെ തിരയാൻ ജ്യോതിശസ്ത്രജ്ഞരെ പ്രേരിപ്പിച്ചു. താമസിയാതെ തന്നെ ഏകദേശം ഈ ദൂരത്ത് തന്നെ ഉൽക്കാവലയത്തെ കണ്ടെത്താൻ കഴിഞ്ഞപ്പോൾ ഈ നിയമത്തിനു എന്തോ പ്രവചന സ്വഭാവമുണ്ടെന്നും ഈ നിയമം സൗരയൂഥത്തിന്റെ ഒരു ഭൌതിക ഗുണമാണെന്നും ഉള്ള ചിന്ത ഉടലെടുക്കുന്നതിനു ഇടയായി.

പക്ഷേ പിന്നീട് സൗരയൂഥത്തിലെ മറ്റ് രണ്ട് ഗ്രഹങ്ങായ നെപ്റ്റ്യൂണിനേയും പ്ലൂട്ടോയേയും (പ്ലൂട്ടോയെ ഇപ്പോൾ ഒരു ഗ്രഹമായല്ല കരുതുന്നത്) ഈ നിയമം അനുസരിക്കാത്ത ഇടങ്ങളിൽ കണ്ടെത്തിയത് ഈ നിയമത്തിന്റെ ശാസ്ത്രീയത സംശയിക്കുന്നതിനു ഇടയായി. ആധുനിക വിശദീകരണം അനുസരിച്ച് ഗ്രഹങ്ങൾ ഈ നിയമം അനുസരിക്കുന്നതിനു അടിസ്ഥാനപരമായ ഒരു കാരണവും കാണുന്നില്ല. ചില ഗ്രഹങ്ങൾ ഈ നിയമം അനുസരിക്കുന്നത് വെറും യാദൃച്ഛികമാണ് എന്നാണ് ശാസ്ത്രജ്ഞമാരുടെ അനുമാനം. സൗരയൂഥം ഉടലെടുത്ത സൗരനെബുലയിലെ വിന്യാസം മറ്റൊന്നായിരുന്നെങ്കിൽ ഗ്രഹങ്ങളുടെ വിന്യാസവും മറ്റൊരു തരത്തിലായേനെ എന്നും അതു ടൈറ്റസ്-ബോഡെ നിയമം അനുസരിക്കുന്ന ഒന്ന് ആയിരിക്കില്ല എന്നും ശാസ്ത്രജ്ഞർ അനുമാനിക്കുന്നു.