ഡയാസ്പുറ (സോഫ്റ്റ്വെയർ)
ഫേസ്ബുക്ക് പോലുള്ള സോഷ്യൽ നെറ്റ്വർക്കിംഗ് സൈറ്റുകൾക്ക് ബദലായി, ഡിസ്ട്രിബ്യൂട്ടഡ് സോഷ്യൽ നെറ്റ്വർക്കിംഗ് എന്ന സാങ്കേതിക വിദ്യയിലൂടെ നിർമ്മിക്കാവുന്ന ഒരു പേർസണൽ വെബ്സെർവർ[3] ആണ് ഡയാസ്പുറ (Diaspora) . DIASPORA*എന്നു എഴുതുന്നു. അമേരിക്കയിലെ ന്യൂയോർക്ക് സർവ്വകലാശാല കൗറന്റ് ഇൻസ്റ്റിറ്റ്യൂട്ട് ഓഫ് മാത്തമാറ്റിക്കൽ സ്റ്റഡീസിലെ ഡാൻ ഗ്രിപ്പി, മാക്സ്വെൽ സൈസ്ബർഗ്, റാഫേൽ സോഫെർ, ഇല്യാ സിറ്റോമിർസ്കി എന്നീ വിദ്യാർത്ഥികളുടെ നേതൃത്വത്തിലാണ് ഇതിനു തുടക്കംകുറിച്ചത്[6] . ഈ ഗ്രൂപ്പിനു കിക്‌സ്റ്റാർട്ടർ എന്ന ഗ്രൂപ്പിന്റെ പക്കൽ നിന്ന് 2 ലക്ഷം ഡോളറിന്റെ സഹായം ലഭിച്ചു[6] . പൊതുജനങ്ങൾക്കുപയോഗിക്കാവുന്ന ഒരു ആൽഫാ പതിപ്പ് 2010 നവംബർ 23-നു പുറത്തിറങ്ങി. റൂബി ഭാഷയിലെഴുതിയിരിക്കുന്ന ഡയാസ്പുറ, അഫേറോ ഗ്നൂ സാർവ്വജനിക അനുമതിപത്രത്തിലാണ് (AGPL) വിതരണം ചെയ്തിരിക്കുന്നതു്. ഇന്ന് ഡയാസ്പുറയെ നിയന്ത്രിക്കുന്നത് ഡയാസ്പുറ കൂട്ടായ്മയാണു് (Diaspora Foundation).[6] ജനങ്ങളൂടെ വികേന്ദ്രീകൃതമായ ആവാസ വ്യവസ്ഥയെ കുറിക്കുന്ന ഗ്രീക്ക് പദമാണ് പേരിന് പ്രചോദനമായത് .  ഡയസ്പോറ സോഫ്റ്റ്വെയർ വികസനം ഡയസ്പോറ ഇൻകോർപെറേഷൻ എന്ന വരുമാനാധിഷ്ഠിതമായ കമ്പനിയാണ് പ്രധാനമായും നിയന്ത്രിച്ചിരുന്നത്. [7].2012 ഓഗസ്റ്റോടെ ഡയസ്പോറ വികസനത്തിന്റെ നിയന്ത്രണം പൂർണ്ണമായും കമ്മ്യൂണിറ്റിയ്ക്ക്, സ്ഥാപകർ കൈമാറി. പുതിയ ഫീച്ചറുകളുടെ പുതുക്കിച്ചേർക്കലും മറ്റും പൂർണ്ണമായും ജനാധിപത്യപരമായി loomio പശ്ചാത്തലത്തിൽ ഡയസ്പോറ കൂട്ടായ്മയുടെ നേതൃത്വത്തിലാണ് നടക്കുന്നത്. ഈ സോഫ്റ്റ് വെയറിന്റെ ബ്രാന്റിങ്ങും സാമ്പത്തികവും നിയമപരമായ മറ്റ് ആസ്‌തികളും,സോഫ്റ്റ്വെയർ ഫ്രീഡം ലോ സെന്ററിന്റേയും എബൻ മോഗ്ലന്റേയും നിയന്ത്രണത്തിലുള്ള Free Software Support Network (FSSN) എന്ന സംഘടന ഭാഗമായി ഏറ്റെടുക്കുകയും ചെയ്തു. [8][9][10] ഡയസ്പോറ സോഷ്യൽ നെറ്റ്‌‌വർക്ക് ഒരു വ്യക്തിയുടേയോ സ്ഥാപനത്തിന്റേയോ ഉടമസ്ഥതിയിലല്ല. സെപ്റ്റംബർ 2011 ൽ നിർമാതാക്കളുടെ പ്രഖ്യാപനമനുസരിച്ച് "... വികേന്ദ്രീകൃതമായ രൂപകൽപ്പന അനുസരിച്ച് , ഒരു കുത്തക കമ്പനിക്കും ഒരിക്കലും ഡയസ്പോറ നിയന്ത്രിക്കാനാവില്ല. ഡയസ്പോറ ഒരിക്കലും നിങ്ങളുടെ സ്വകാര്യ വിവരങ്ങൾ പരസ്യത്തിനോ വാണിജ്യ ഉപയോഗങ്ങൾക്കോ മറിച്ചു നൽകുകയില്ല. നിങ്ങൾ അഭിപ്രായപ്രകടനം നടത്തുന്നതിനു മുൻപ് ആരുടെയും നിബന്ധനകൾ മനസ്സിലാക്കുകയും അനുസരിക്കുകയും വേണ്ട. "[11] മറ്റു സോഷ്യൽ നെറ്റ് വർക്കുകളായ ഫെയ്സ്ബുക്കിനും ഗൂഗിൾ പ്ലസ്സിനും വിപരീതമായി ഇരട്ടപ്പേരുകൾ (pseudonyms) ഉപയോഗിക്കുന്നതിലുള്ള നിയന്ത്രണമില്ലായ്മ ഡയസ്പോറയെ ശ്രദ്ധേയമാക്കിയിരുന്നു. .[12] [13] അവലംബം
പുറമെ നിന്നുള്ള കണ്ണികൾ
|
||||||||||||||||||||
.svg){kind=logo}
Portal di Ensiklopedia Dunia
