ദിലീഷ് പോത്തൻ സംവിധാനം ചെയ്ത് 2017ൽ പുറത്തിയ ഒരു മലയാള ചലച്ചിത്രമാണ് തൊണ്ടിമുതലും ദൃക്സാക്ഷിയും[1]. സുരാജ് വെഞ്ഞാറമൂട്, ഫഹദ് ഫാസിൽ എന്നിവർ പ്രധാന വേഷങ്ങളിലെത്തിയ ഈ ചലച്ചിത്രത്തിന്റെ തിരക്കഥ രചിച്ചിരിക്കുന്നത് സജീവ് പാഴൂർ ആണ്.അലൻസിയർ ലേ ലോപ്പസ്, നിമിഷ സജയൻ, സിബി തോമസ് ,വെട്ടുകിളി പ്രകാശ് എന്നിവരാണ് മറ്റ് അഭിനേതാക്കൾ. കാസർകോഡ്, വൈക്കം , ചേർത്തല എന്നിവിടങ്ങളിലായാണ് ചിത്രീകരണം പൂർത്തിയായത്. 2017 ജൂൺ 30 ന് തൊണ്ടിമുതലും ദൃക്സാക്ഷിയും പ്രദർ‍ശനത്തിനെത്തി. അനുകൂലമായ പ്രതികരണമാണ് പ്രേക്ഷകരിൽ നിന്നും നിരൂപകരിൽ നിന്നും ചിത്രത്തിന് ലഭിച്ചത്[2] . ഫഹദ് ഫാസിലിന്റെയും സുരാജ് വെഞ്ഞാറന്മൂടിന്റെയും പ്രകടനം ഏറെ ശ്രദ്ധിക്കപ്പെട്ടു.[3]മികച്ച സ്വഭാവ നടൻ എന്ന വിഭാഗത്തിൽ അലൻസിയർ തിരക്കഥാകൃത്ത് എന്ന വിഭാഗത്തിൽ സജീവ് പാഴൂർ എന്നിവർ 2018 ലെ സംസ്ഥാന അവാർഡുകൾ കരസ്ഥമാക്കി. [4]
ചിത്രത്തിന്റെ സംഗീതവും പശ്ചാത്തലസംഗീതവും നിർവ്വഹിച്ചിരിക്കുന്നത് ബിജിബാലാണ്. ദിലീപ് പോത്തൻ തന്നെ സംവിധാനം ചെയ്ത മഹേഷിന്റെ പ്രതികാരത്തിലും ബിജിബാൽ പ്രവർത്തിച്ചിട്ടുണ്ട്. റഫീഖ് അഹമ്മദാണ് ചിത്രത്തിന്റെ ഗാനങ്ങൾ രചിച്ചത്.[6]
