ദ മൂൺ ഈസ് എ ഹാർഷ് മിസ്ട്രസ്സ്
അമേരിക്കൻ എഴുത്തുകാരനായ റോബർട്ട് എ. ഹൈൻലൈൻ 1966-ൽ രചിച്ച സയൻസ് ഫിക്ഷൻ നോവലാണ് ദ മൂൺ ഈസ് എ ഹാർഷ് മിസ്ട്രസ്സ്. ചന്ദ്രനിലെ കോളനിവാസികൾ ഭൂമിയിലെ വാസികൾക്കെതിരേ കലാപമുയർത്തുന്നതാണ് നോവലിന്റെ ഇതിവൃത്തം. ഭൂമിയിലെയും ചന്ദ്രനിലെയും ഭാവിയിലെ സമൂഹത്തെപ്പറ്റി വളരെ വിശദമായി സങ്കൽപ്പിച്ചവതരിപ്പിച്ചിരിക്കുന്ന കഥ പരക്കെ സ്വീകരിക്കപ്പെട്ടിട്ടുണ്ട്. ഇത് ഹൈൻലൈന്റെ പ്രധാന കൃതികളിലൊന്നായും എഴുതപ്പെട്ട സയൻസ് ഫിക്ഷൻ കൃതികളിൽ പ്രധാനപ്പെട്ട ഒന്നായും കണക്കാക്കുന്നു.[1] വേൾഡ്സ് ഓഫ് ഈഫ് മാസികയിൽ 1965 ഡിസംബർ മുതൽ 1966 ഏപ്രിൽ വരെ തുടർച്ചയായി ഈ കൃതി പ്രസിദ്ധീകരിച്ചിരുന്നു. 1967-ൽ മികച്ച സയൻസ് ഫിക്ഷൻ കൃതിക്കുള്ള ഹ്യൂഗോ പുരസ്കാരം ഈ കൃതിക്ക് ലഭിക്കുകയുണ്ടായി.[2] 1966-ൽ ഈ കൃതി നെബുല പുരസ്കാരത്തിന് നാമനിർദ്ദേശം ചെയ്യപ്പെട്ടിരുന്നു.[3] പുരസ്കാരങ്ങളും നാമനിർദ്ദേശങ്ങളും
സ്വാധീനംടി.എ.എൻ.എസ്.ടി.എ.എ.എഫ്.എൽ. ("ദെയർ ഐന്റ് നോ സച്ച് തിങ്ങ് ആസ് എ ഫ്രീ ലഞ്ച്") എന്ന ചുരുക്കെഴുത്ത് ആദ്യമായി പ്രത്യക്ഷപ്പെട്ടത് ഈ കൃതിയിലാണ്. കൃത്രിമമായി സൃഷ്ടിച്ച ഭാഷയായ ലോഗ് ലാനിന് പ്രചാരം നൽകുന്നതിൽ ഈ കൃതി വലിയ സ്വാധീനം ചെലുത്തി. ഗ്രന്ഥത്തിൽ കൃത്യമായി മനുഷ്യരും കമ്പ്യൂട്ടറുകളും തമ്മിൽ സംവദിക്കാനായി ഈ ഭാഷയാണ് ഉപയോഗിക്കുന്നത്. ഉദ്ധരണികൾക്കായുള്ള ഓക്സ്ഫോർഡ് ഇംഗ്ലീഷ് ഡിക്ഷണറി "ദെയർ ഈസ് നോ ഫ്രീ ലഞ്ച്" എന്ന പ്രയോഗം ആദ്യമായി അച്ചടിച്ചുവന്നത് ഈ കൃതിയിലാണെന്ന് സൂചിപ്പിക്കുന്നു.[4] ചലച്ചിത്ര രൂപാന്തരണം2004-ൽ തിരക്കഥാകൃത്തായ ടിം മിനിയർ ഈ നോവലിനെ അടിസ്ഥാനമാക്കി ഒരു തിരക്കഥ തയ്യാറാക്കുന്നതായി റിപ്പോർട്ട് ചെയ്യപ്പെട്ടിരുന്നു.[5] 2006-ൽ പൂർത്തിയാക്കിയ തിരക്കഥ പല സംവിധായകർക്കും നൽകപ്പെടുകയുണ്ടായി.[6] ഇതും കാണുകഅവലംബം
പുറത്തേയ്ക്കുള്ള കണ്ണികൾ വിക്കിചൊല്ലുകളിലെ ദ മൂൺ ഈസ് എ ഹാർഷ് മിസ്ട്രസ്സ് എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:
|
||||||||||||||||||||||||
.jpg)
Portal di Ensiklopedia Dunia
