ദ ലോർഡ് ഓഫ് ദ റിങ്സ്: ദ റ്റു ടവേഴ്സ്
പീറ്റർ ജാക്സൺ സംവിധാനം ചെയ്ത 2002ൽ പുറത്തിറങ്ങിയ ഒരു ചലച്ചിത്രമാണ് ദ ലോർഡ് ഓഫ് ദ റിങ്സ്: ദ റ്റു ടവേഴ്സ്. മൂന്ന് ചിത്രങ്ങളടങ്ങുന്ന ദ ലോർഡ് ഓഫ് ദ റിങ്സ് ചലച്ചിത്ര പരമ്പരയിലെ രണ്ടാമത്തെ ചിത്രമാണിത്. ജെ. ആർ. ആർ. ടോക്കിയന്റെ ദ ലോർഡ് ഓഫ് ദ റിങ്സ് എന്ന നോവലിലെ ഇതേ പേരിലുള്ള രണ്ടാം വാല്യത്തെ അടിസ്ഥാനമാക്കി നിർമിച്ചതാണീ സിനിമ. ആദ്യ സിനിമയായ ദ ലോർഡ് ഓഫ് ദ റിങ്സ്: ദ ഫെലോഷിപ്പ് ഓഫ് ദ റിങിലെ കഥയുടെ തുടർച്ചയാണ് ഇതിൽ. ഇതിൽ കഥ മൂന്ന് ഭാഗങ്ങളായാണ് പുരോഗമിക്കുന്നത്. ഫ്രോഡോയും സാമും മോതിരം നശിപ്പിക്കുവനായി മോർഡോറിലേക്കുള്ള യാത്ര തുടരുന്നു, യാത്രാമദ്ധ്യേ അവർ മോതിരത്തിന്റെ മുൻ ഉടമയായ ഗോളത്തെ കണ്ടുമുട്ടുന്നു. അറഗോൺ, ലെഗൊളസ്, ഗിമിലി എന്നിവർ യുദ്ധം നശിപ്പിച്ച റോഹനിലെത്തുന്നു. ഹെംസ് ഡീപ്പിലെ പോരാട്ടത്തിനിടെ പുനർജനിച്ച ഗാണ്ടാൾഫും അവിടെയെത്തുന്നു. മെറിയും പിപ്പിനും ട്രീബിയേർഡ് എന്ന എന്റിനെ കണ്ടുമുട്ടുന്നു. ഡിസംബർ 18 2002ൽ പുറത്തിരങ്ങിയ സിനിമ നിരൂപകരുടെ പ്രശംസ പിടിച്ചുപറ്റി. എന്നാൽ സിനിമയുടെ കഥയും നോവലും തമ്മിലുള്ള പൊരുത്തം ആദ്യ സിനിമയിലുണ്ടായതിനേക്കാൾ വിവാദങ്ങൾ സൃഷ്ടിച്ചു. വൻ ബോക്സ് ഓഫീസ് വിജയമായ സിനിമ ആദ്യ സിനിമയെ മറികടന്നുകൊണ്ട് ലോകവ്യാപകമായി 90 കോടി ഡോളർ നേടി. പുറത്തേക്കുള്ള കണ്ണികൾ
|
||||||||||||||||||||||||||||||||||
Portal di Ensiklopedia Dunia
