ദക്ഷിണ ടിബറ്റ്

ഇംഗ്ലീഷ് വിലാസം

https://ml.wikipedia.org/wiki/South_Tibet

സാൻഗ്നാൻ (藏南) എന്ന ചൈനീസ് പേരിന്റെ തർജ്ജമയാണ് ദക്ഷിണ ടിബറ്റ്. ഇത് രണ്ട് ഭൂവിഭാഗങ്ങളെ സൂചിപ്പിക്കാനായി ഉപയോഗിക്കാറുണ്ട്:

• ടിബറ്റിന്റെ തെക്കൻ ഭാഗം. യാർലുങ് സാങ്പോ നദീതടത്തിന്റെ മദ്ധ്യഭാഗം (പടിഞ്ഞാറ് സാഗ മുതൽ കിഴക്ക് മൈൻലിങ് വരെയും തെക്ക് ഹിമാലയം മുതൽ വടക്ക് ട്രാൻസ്‌ഹിമാലയൻ പർവ്വതങ്ങൾ വരെയുമാണ് ഈ പ്രദേശം വ്യാപിച്ചുകിടക്കുന്നത്. കിഴക്കുപടിഞ്ഞാറ് ഏകദേശം 1,000 കിലോമീറ്ററും തെക്കുവടക്ക് 300 കിലോമീറ്ററുമാണ് വ്യാപ്തി. ഷിഗാറ്റ്സെ, ലാസ, ലോക (ഷന്നൻ), ന്യിൻഗ്ചി (ന്യാൻഗ്ത്രി) എന്നിവയാണ് ഈ പ്രദേശത്തുള്ള പ്രിഫെക്ചറുകൾ.
• യാർലുങ് സാങ്പോയുടെയും പോഷകനദികളുടെയും ചെറിയൊരു ഭാഗത്തെയും ദക്ഷിണ ടിബറ്റ് എന്ന് വിവക്ഷിക്കാറുണ്ട്. ലോക (ഷന്നൻ) ന്യിൻഗ്ചി (ന്യാൻഗ്ത്രി) എന്നീ പ്രിഫെക്ചറുകൾ മാത്രമാണ് ഈ നിർവ്വചനത്തിൽ പെടുന്നത്. പടിഞ്ഞാറ് ക്യി ചുവുമായി കൂടിച്ചേരുന്ന സ്ഥാനവും കിഴക്ക് യാർലുങ് സാങ്പോ ഗ്രാൻഡ് കാന്യൺ തുടങ്ങുന്നയിടവുമാണ് ഈ നിർവ്വചനമനുസരിച്ച് ദക്ഷിണ ടിബറ്റിന്റെ അതിരുകൾ.
• ഇന്ത്യാ ചൈന അതിർത്തിത്തർക്കം സംബന്ധിച്ച് സംസാരിക്കുമ്പോൾ ദക്ഷിണ ടിബറ്റ് എന്ന് ചൈന വിളിക്കുന്നത് മക്‌മോഹൻ രേഖയ്ക്ക് തെക്കുള്ളതും ഷിംല ഉടമ്പടി (1914) അനുസരിച്ച് സ്ഥാപിച്ചതും ഇന്ത്യയുടെ ഭരണത്തിൻ കീഴിലുള്ളതുമായ പ്രദേശത്തെയാണ്. ഇന്ന് ഈ പ്രദേശം അരുണാചൽ പ്രദേശ് സംസ്ഥാനത്തിന്റെ ഭാഗമാണ്. റിപ്പബ്ലിക് ഓഫ് ചൈന (തായ്‌വാൻ), പീപ്പിൾസ് റിപ്പബ്ലിക് ഓഫ് ചൈന എന്നീ രണ്ടു രാജ്യങ്ങളും ഈ പ്രദേശത്തിന്മേൽ അവകാശവാദമുന്നയിക്കുന്നുണ്ട്.
• ദക്ഷിണ ടിബറ്റ് എന്ന പ്രയോഗം അരുണാചൽ പ്രദേശ് സംസ്ഥാനത്തിനെ മുഴുവനായി സൂചിപ്പിക്കാനും ഉപയോഗിക്കാറുണ്ട്. പക്ഷേ തർക്കത്തിലിരിക്കുന്ന ഭാഗങ്ങൾ ഈ സംസ്ഥാനം മുഴുവനും വരില്ല.

This article includes a list of related items that share the same name (or similar names).
If an internal link incorrectly led you here, you may wish to change the link to point directly to the intended article.