ദി വൈറ്റ് ഹോഴ്സ്
ഇംഗ്ലീഷ് കലാകാരനായ ജോൺ കോൺസ്റ്റബിൾ വരച്ച ക്യാൻവാസ് ലാൻഡ്സ്കേപ്പ് പെയിന്റിംഗാണ് ദി വൈറ്റ് ഹോഴ്സ്. 1819-ൽ പൂർത്തിയാക്കിയ ഈ ചിത്രം ഇപ്പോൾ ന്യൂയോർക്ക് സിറ്റിയിലെ ഫ്രിക് ശേഖരത്തിലാണ് കാണപ്പെടുന്നത്. ചിത്രകാരന്റെ കരിയറിലെ ഒരു സുപ്രധാന വഴിത്തിരിവായിരുന്നു ഈ ചിത്രം.[1] 'സിക്‌സ്-ഫൂട്ടേഴ്‌സ്' എന്ന് വിളിക്കപ്പെടുന്ന ആദ്യത്തേ പരമ്പരയിലെ ആറാമത്തേതായിരുന്നു ഈ ചിത്രം. റിവർ സ്റ്റോറിലെ [2] രംഗങ്ങൾ ചിത്രീകരിക്കുന്ന ഈ ചിത്രത്തിൽ അദ്ദേഹത്തിന്റെ പ്രശസ്തമായ ചിത്രമായ ദി ഹേ വെയ്നും ഉൾപ്പെടുന്നു. ലോക്കിന് തൊട്ടു താഴെയുള്ള ഫ്ലാറ്റ്‌ഫോർഡിലെ നദിക്ക് കുറുകെ, ടൗപാത്ത് ആയി മാറുന്ന സ്ഥലത്ത് ഒരു കുതിരയെ കെട്ടിവലിച്ചുകൊണ്ടു പോകുന്നതാണ് ചിത്രകലയുടെ വിഷയം.[3] ചരിത്രംപെയിന്റിംഗ് പൂർത്തിയാക്കി 1819-ൽ റോയൽ എക്സിബിഷനിൽ പ്രദർശിപ്പിച്ച ചിത്രത്തിന്അവിടെ നല്ല സ്വീകാര്യത നേടി. അതിലൂടെ കോൺസ്റ്റബിളിനെ റോയൽ അക്കാദമിയുടെ അസോസിയേറ്റ് ആയി തിരഞ്ഞെടുത്തു.[4] കോൺസ്റ്റബിളിന്റെ സുഹൃത്ത് സാലിസ്ബറി ബിഷപ്പ് ജോൺ ഫിഷർ[5] 100 ഗിനിയയ്ക്ക് ഈ പെയിന്റിംഗ് വാങ്ങി. പിന്നീട് അദ്ദേഹം സാലിസ്ബറി കത്തീഡ്രൽ ഫ്രം ദി ബിഷപ്പ്സ് ഗ്രൗണ്ട്സ് എന്ന ചിത്രം വരയ്ക്കാൻ കോൺസ്റ്റബിളിനെ ചുമതലപ്പെടുത്തി.[6] ഈ ചിത്രം വാങ്ങൽ കോൺസ്റ്റബിളിന് ഒടുവിൽ സാമ്പത്തിക ഭദ്രത നൽകി. അതില്ലായിരുന്നെങ്കിൽ അദ്ദേഹം പെയിന്റിംഗ് പാടെ ഉപേക്ഷിച്ചേനെ എന്ന് തർക്കമുണ്ട്.[7]
1830-ൽ, ഫിഷർ വൻ കടബാധ്യതയിലായപ്പോൾ, 100 ഗിനികൾ കൊടുത്ത് അദ്ദേഹം പെയിന്റിംഗ് തിരികെ വാങ്ങി.[9] ജീവിതകാലം മുഴുവൻ അദ്ദേഹം അത് സൂക്ഷിച്ചിരുന്നു.[10] 1837-ൽ അദ്ദേഹത്തിന്റെ മരണശേഷം, ഫൈനാൻഷ്യർ ജെ. പി. മോർഗൻ അമേരിക്കയിലേക്ക് കൊണ്ടുവരുന്നതിന് മുമ്പ്, ചിത്രം വിവിധ ഇംഗ്ലീഷ് കളക്ടർമാരുടെ കൈകളിലൂടെ കടന്നുപോയി.[11] ദി വൈറ്റ് ഹോഴ്‌സിന്റെ പൂർണ്ണ വലുപ്പത്തിലുള്ള ഓയിൽ സ്കെച്ച് വാഷിംഗ്ടൺ ഡിസിയിലെ നാഷണൽ ഗ്യാലറി ഓഫ് ആർട്ട് ആണ് സൂക്ഷിച്ചിരിക്കുന്നത്.[12] അവലംബം
ഗ്രന്ഥസൂചിക
External links |
||||||||||||||
Portal di Ensiklopedia Dunia
