ദിനേശ് ചന്ദ്രസെൻ

ഇംഗ്ലീഷ് വിലാസം

https://ml.wikipedia.org/wiki/Dinesh_Chandra_Sen

ദിനേശ് ചന്ദ്രസെൻ
ജനനം	(1866-11-03)3 നവംബർ 1866 സുപൂർ ഗ്രാമം, ധാക്ക ജില്ല, ബംഗാൾ പ്രസിഡൻസി (now in Bangladesh)
മരണം	20 നവംബർ 1939(1939-11-20) (73 വയസ്സ്) കൊൽക്കത്ത, ബംഗാൾ പ്രസിഡൻസി
ദേശീയത	ബ്രിട്ടീഷ് ഇന്ത്യൻ
കലാലയം	ജഗന്നാഥ് സർവകലാശാല ധാക്ക കോളേജ്
അവാർഡുകൾ	ജഗട്ടാരിനി സ്വർണ്ണ മെഡൽ

റായ് ബഹാദൂർ ദിനേശ് ചന്ദ്ര സെൻ (ബംഗാളി: দীনেশ চন্দ্র সেন) (3 നവംബർ 1866 - 20 നവംബർ 1939) ^[1] ഇന്ത്യൻ ഉപഭൂഖണ്ഡത്തിൽ നിന്നുള്ള ബംഗാളി എഴുത്തുകാരനും വിദ്യാഭ്യാസ വിദഗ്ദ്ധനും ബംഗാളി നാടോടിക്കഥകളുടെ ഗവേഷകനുമായിരുന്നു. അദ്ദേഹം കൊൽക്കത്ത സർവകലാശാലയിലെ ബംഗാളി ഭാഷാ സാഹിത്യ വകുപ്പിന്റെ സ്ഥാപക ഫാക്കൽറ്റി അംഗവും രാംതാനു ലാഹിരി റിസർച്ച് ഫെലോയുമായിരുന്നു. 1939 ൽ അദ്ദേഹം കൊൽക്കത്തയിൽ അന്തരിച്ചു.

ഈശ്വർ ചന്ദ്രസെൻ, രൂപാലതാ ദേവി എന്നിവരുടെ മകനായി സുവാപൂർ ഗ്രാമത്തിൽ (ഇന്നത്തെ ബംഗ്ലാദേശിലെ ധാക്ക ജില്ലയിൽ) ഒരു ബൈദ്യ കുടുംബത്തിലാണ് സെൻ ജനിച്ചത്. അമ്മയുടെ കുടുംബം മാനിക്ഗഞ്ച് ജില്ലയിലെ ബോഗ്ജുരിയിൽ ആയിരുന്നു.^[2]ഹിരാലാൽ സെൻ കസിൻ ആയിരുന്നു. അദ്ദേഹത്തിന്റെ പേരക്കുട്ടി സമർ സെൻ പ്രശസ്ത ബംഗാളി കവിയായിരുന്നു.

ദിനേശ് ചന്ദ്രസെൻ 1882 ൽ ധാക്കയിലെ ജഗന്നാഥ് സർവകലാശാലയിൽ നിന്ന് യൂണിവേഴ്സിറ്റി പ്രവേശന പരീക്ഷ പാസായി. 1885-ൽ ധാക്ക കോളേജിൽ നിന്ന് എഫ്.എ പരീക്ഷയും ഒരു സ്വകാര്യ വിദ്യാർത്ഥിയായി 1889-ൽ ഇംഗ്ലീഷ് സാഹിത്യത്തിൽ ബി.എ. പരീക്ഷയും പാസായി. 1891 ൽ അദ്ദേഹം കോമിലയിലെ വിക്ടോറിയ സ്കൂളിന്റെ പ്രധാനാധ്യാപകനും 1909-13 കാലഘട്ടത്തിൽ കൊൽക്കത്ത സർവ്വകലാശാലയിലെ പുതുതായി സ്ഥാപിതമായ ബംഗാളി ഭാഷാ സാഹിത്യ വകുപ്പിൽ സർവകലാശാലാധ്യാപകനുമായിരുന്നു. 1913-ൽ അദ്ദേഹം അതേ വകുപ്പിൽ രാംതാനു ലാഹിരി റിസർച്ച് ഫെലോ ആയി. 1921-ൽ കൊൽക്കത്ത സർവകലാശാല അദ്ദേഹത്തിന്റെ കൃതികളെ മാനിച്ച് അദ്ദേഹത്തിന് സാഹിത്യത്തിൽ ഡോക്ടറേറ്റ് നൽകി. 1931-ൽ ബംഗാളി സാഹിത്യത്തിന് നൽകിയ സംഭാവനകൾക്ക് ജഗട്ടാരിനി സ്വർണ്ണ മെഡൽ ലഭിച്ചു. 1932-ൽ അദ്ദേഹം സേവനത്തിൽ നിന്ന് വിരമിച്ചു. ^[1]

ബംഗാൾ നാടോടിക്കഥകളുടെ ശേഖരണത്തിലും സമാഹാരത്തിലും അദ്ദേഹം പ്രവർത്തിച്ചു. ചന്ദ്രകുമാർ ഡെയ്‌ക്കൊപ്പം അദ്ദേഹം 21 ബാലഡുകളുടെ സമാഹാരമായ മൈമെൻസിംഗ് ഗിതിക (ബല്ലാഡ്‌സ് ഓഫ് മൈമെൻസിംഗ്) പ്രസിദ്ധീകരിച്ചു.