ദിവ്യ ദേശ്മുഖ്
ഇന്ത്യക്കാരിയായ ഒരു ചെസ്സ് കളിക്കാരിയാണ് ദിവ്യ ദേശ്മുഖ് (ജനനം - 9 ഡിസംബർ 2005).[2][3] ഇന്റർനാഷണൽ മാസ്റ്റർ (ഐഎംഎം) ആണ് ദിവ്യ. വനിതാ ചെസ് ഒളിമ്പ്യാഡിൽ രണ്ട് സ്വർണ്ണ മെഡലുകളും ഒരു വെങ്കല മെഡലും അവർ നേടിയിട്ടുണ്ട്. 2025 ൽ, അവർ വനിതാ ചെസ് വേൾഡ് കപ്പ് നേടുകയും 2026 ലെ വനിതാ കാൻഡിഡേറ്റ്സ് ടൂർണമെന്റിലേക്ക് യോഗ്യത നേടുകയും ചെയ്തു. ഏഷ്യൻ ചാമ്പ്യൻഷിപ്പ്, വേൾഡ് ജൂനിയർ ചാമ്പ്യൻഷിപ്പ്, വേൾഡ് യൂത്ത് ചാമ്പ്യൻഷിപ്പ് എന്നിവയിലും അവർ സ്വർണ്ണ മെഡലുകൾ നേടിയിട്ടുണ്ട്.[4] ആദ്യകാലംമഹാരാഷ്ട്രയിലെ നാഗ്പൂരിലെ ഒരു മറാത്തി കുടുംബത്തിലാണ് ദിവ്യ ദേശ്മുഖ് ജനിച്ചത്.[5] മാതാപിതാക്കളായ നമ്രതയും ജിതേന്ദ്ര ദേശ്മുഖും ഡോക്ടർമാരാണ്.[6] ഭാവൻസ് ഭഗവാൻദാസ് പുരോഹിത് വിദ്യാ മന്ദിറിലാണ് അവർ സ്കൂൾ വിദ്യാഭ്യാസം ചെയ്തത്.[7] ചെസ്സ് കരിയർ2020–2023: ആദ്യകാല ഉയർച്ച2020-ൽ, FIDE ഓൺലൈൻ ചെസ് ഒളിമ്പ്യാഡിൽ സ്വർണ്ണ മെഡൽ നേടിയ ഇന്ത്യൻ ടീമിന്റെ ഭാഗമായാരുന്നു ദിവ്യ ദേശ്മുഖ്.[8] 2022 ലെ ഇന്ത്യൻ വനിതാ ചെസ് ചാമ്പ്യൻഷിപ്പ് നേടിയത് ദിവ്യയാണ്. 2022 ലെ ചെസ് ഒളിമ്പ്യാഡിൽ ദിവ്യ ഒരു വ്യക്തിഗത വെങ്കല മെഡലും നേടിയിരുന്നു.[9] 2020 ലെ ഫിഡെ ഓൺലൈൻ ചെസ് ഒളിമ്പ്യാഡ് സ്വർണ്ണ മെഡൽ നേടിയ ടീമിന്റെ ഭാഗമായിരുന്നു ദിവ്യ.[10] 2023 സെപ്റ്റംബറിലെ കണക്കനുസരിച്ച് ഇന്ത്യയിലെ വനിതാ ചെസ്സ് കളിക്കാരിൽ ഏഴാമതാണ് ദിവ്യ.[11] 2023-ൽ അൽമാട്ടിയിൽ നടന്ന ഏഷ്യൻ വനിതാ ചെസ് ചാമ്പ്യൻഷിപ്പിൽ ദിവ്യ വിജയിയായി.[12] ടാറ്റ സ്റ്റീൽ ഇന്ത്യ ചെസ് ടൂർണമെന്റിലെ വനിതാ റാപ്പിഡ് വിഭാഗത്തിൽ താഴത്തെ സീഡ് ആയിരുന്നിട്ടും അവർ ഒന്നാം സ്ഥാനത്തെത്തി. ടൂർണമെന്റിൽ, അവർ ഹാരിക ദ്രോണവല്ലി, വാണ്ടിക അഗർവാൾ, കോനേരു ഹംപി, സവിത ശ്രീ ബി, ഐറിന ക്രുഷ്, നിനോ ബറ്റ്സിയാഷ്വിലി എന്നിവരെ പരാജയപ്പെടുത്തി, വനിതാ ലോക ചാമ്പ്യന്മാരായ ജു വെൻജുൻ, അന്ന ഉഷേനിന എന്നിവരോട് സമനില വഴങ്ങുകയും, പോളിന ഷുവലോവയോട് ടൂർണമെന്റിലെ ഏക തോൽവി ഏറ്റുവാങ്ങുകയും ചെയ്തു.[13] 2024: ഒളിമ്പ്യാഡ് ഡബിൾ ഗോൾഡ്2024 മെയ് മാസത്തിൽ, ദേശ്മുഖ് ഷാർജ ചലഞ്ചേഴ്‌സിന്റെ വിജയിയായിരുന്നു. അടുത്ത വർഷം ഷാർജ മാസ്റ്റേഴ്‌സിൽ ഇടം നേടിയ ഒരു വലിയ ഓപ്പൺ ടൂർണമെന്റ് വിജയമായിരുന്നു അത്.[14] ജൂൺ 13 ന് ദിവ്യ ദേശ്മുഖ് 2024 ഫിഡെ വേൾഡ് അണ്ടർ 20 ഗേൾസ് ചെസ് ചാമ്പ്യനായി. 2001-ൽ ഹംപി കൊനേരു, 2008-ൽ ഹരിക ദ്രോണവല്ലി, 2009-ൽ സൗമ്യ സ്വാമിനാഥൻ എന്നിവർക്ക് ശേഷം ഈ കിരീടം നേടുന്ന നാലാമത്തെ ഇന്ത്യക്കാരിയായി അവർ മാറി.[15] അവസാന റൗണ്ടിൽ ഒരു വിജയം അനിവാര്യമായിരുന്ന അവർ, അഞ്ച് മണിക്കൂർ നീണ്ട മാരത്തൺ പോരാട്ടത്തിൽ ബൾഗേറിയയുടെ മൂന്നാം സീഡ് ബെലോസ്ലാവ ക്രാസ്റ്റേവയെ പരാജയപ്പെടുത്തി 10 പോയിന്റുകൾ നേടി സ്വർണം നേടി.[16] 2025: ലോകകപ്പും ഗ്രാൻഡ്മാസ്റ്റർ കിരീടവുംജൂണിൽ, ലണ്ടനിൽ നടന്ന വേൾഡ് റാപ്പിഡ് ആൻഡ് ബ്ലിറ്റ്സ് ടീം ചെസ് ചാമ്പ്യൻഷിപ്പിൽ ഹെക്‌സമൈൻഡ് ചെസ് ക്ലബ്ബിനായി അവർ കളിച്ചു. ബ്ലിറ്റ്സ് സെമിഫൈനലിൽ ലോക ഒന്നാം നമ്പർ വനിതാ താരമായ ഹൂയിഫാനെ റൂക്ക്-vs-ബിഷപ്പ് എൻഡ്ഗെയിമിൽ 74 നീക്കങ്ങളിലൂടെ പരാജയപ്പെടുത്തിയ അവർ ചൈനീസ് ഗ്രാൻഡ്മാസ്റ്ററിനെതിരായ ആദ്യ വിജയം അടയാളപ്പെടുത്തി. 8 ബ്ലിറ്റ്സ് ഗെയിമുകളിലായി നേടിയ 6 വിജയങ്ങളിൽ ഒന്നായിരുന്നു ഇത്. ഈ വിജയം അവർക്ക് 2606 എന്ന മികച്ച റേറ്റിംഗും ബ്ലിറ്റ്സ് ഇവന്റിൽ ടീമിന്റെ വെങ്കല മെഡൽ ഫിനിഷും നേടിക്കൊടുത്തു. 2420 പ്രകടന റേറ്റിംഗോടെ 12 ൽ 8 പോയിന്റുകൾ നേടിയതിന്റെ ഫലമായി ടീം റാപ്പിഡ് വിഭാഗത്തിൽ വെള്ളി മെഡലും നേടി. ദേശ്മുഖ് വ്യക്തിഗത വെങ്കലവും നേടി.[17] 2025 ലെ വനിതാ ചെസ് ലോകകപ്പിൽ ദിവ്യ ദേശ്മുഖ് 15-ാം സീഡായിരുന്നു. നാലാം റൗണ്ടിൽ രണ്ടാം സീഡ് ഷു ജിനറിനെയും ക്വാർട്ടർ ഫൈനലിൽ പത്താം സീഡ് ഹരിക ദ്രോണവല്ലിയെയും സെമിഫൈനലിൽ മൂന്നാം സീഡ് ടാൻ സോങ്‌യിയെയും അവർ പരാജയപ്പെടുത്തി.[18]ഫൈനലിൽ, അവർ നാലാം സീഡ് ഹംപി കൊനേരുവിനെ ടൈബ്രേക്കുകളിൽ പരാജയപ്പെടുത്തി ടൂർണമെന്റ് നേടി.[19] ഈ വിജയത്തോടെ സാധാരണ മൂന്ന് മാനദണ്ഡങ്ങൾ ഇല്ലാതെ ലോകകപ്പ് വിജയിക്ക് നേരിട്ട് നൽകുന്ന പദവിയായ ഫിഡെയുടെ ഗ്രാൻഡ്മാസ്റ്റർ പദവി അവർ നേടി. അവർ ഇന്ത്യയുടെ 88-ാമത്തെ ഗ്രാൻഡ്മാസ്റ്ററും ഗ്രാൻഡ്മാസ്റ്ററാകുന്ന നാലാമത്തെ ഇന്ത്യൻ വനിതയുമായി.[20][21] കൂടാതെ, അവർ 2026 ലെ വനിതാ കാൻഡിഡേറ്റ്സ് ടൂർണമെന്റിലേക്കും യോഗ്യത നേടി.[22] പ്രകടന റെക്കോർഡ്
അവലംബം
പുറത്തേക്കുള്ള കണ്ണികൾ Divya Deshmukh എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.
|
|||||||||||||||||||||||||||||||||||
Portal di Ensiklopedia Dunia
