ദേശീയ വാഴമഹോത്സവം 2018

സെന്റർ ഫോർ ഇന്നോവേഷൻ ഇൻ സയൻസ് ആൻഡ് സോഷ്യൽ ആക്ഷന്റെ (സിസ്സ) നേതൃത്വത്തിൽ 2018 ഫെബ്രുവരി 17 മുതൽ 21 വരെ തിരുവനന്തപുരം ജില്ലയിലെ കല്ലിയൂർ ഗ്രാമപഞ്ചായത്തിൽ കല്ലിയൂർ വെള്ളായണി ക്ഷേത്ര മൈതാനത്ത് സംഘടിപ്പിച്ച വാഴകൃഷിയുമായി ബന്ധപ്പെട്ട പ്രദർശനോത്സവമാണ് ദേശീയ വാഴമഹോത്സവം 2018. വിവിധ വാഴ വിഭവങ്ങളുടെ പ്രദർശനം, വില്പന എന്നിവ കൂടാതെ ദേശീയ സെമിനാർ, പരിശീലന പരിപാടികൾ, കർഷകസംഗമം, സാംസ്കാരിക പരിപാടികൾ എന്നിവ ദേശീയ വാഴമഹോത്സവം 2018 ന്റെ ഭാഗമാണ്. ^[1]

കല്ലിയൂർ ഗ്രാമ പഞ്ചായത്ത്, മിത്ര നികേതൻ കൃഷി വിജ്ഞാന കേന്ദ്രം, റീജിയണൽ സെന്റർ ഓഫ് എക്സ്പെർട്ടീസ്, ഐ സി എ ആർ- നാഷണൽ സെന്റർ ഫോർ ബനാന തിരുച്ചിറപ്പള്ളി, യുനെസ്കോ ന്യൂ ഡൽഹി, വാഴ ഗവേഷണത്തിലും പ്രചാരത്തിലും കേന്ദ്രീകരിച്ചിരിക്കുന്ന കേന്ദ്ര സംസ്ഥാന സർക്കാർ സ്ഥാപനങ്ങൾ, ഈ മേഖലയിലെ സന്നദ്ധ സംഘടനകൾ എന്നിവരുമായി സഹകരിച്ചാണ് സിസ്സ ദേശിയ വാഴ മഹോത്സവം സംഘടിപ്പിച്ചത്.^[2]

കല്ലിയൂർ ഗ്രാമപഞ്ചായത്തിലെ കർഷകരിൽ വികസനവും ഗവേഷണ വിവരങ്ങളും എത്തിക്കുക

ദേശീയതലത്തിൽ കാർഷിക രംഗത്ത് നടക്കുന്ന പുതിയ മുന്നേറ്റങ്ങളും ഗവേഷണങ്ങളും അവതരിപ്പിക്കുക, അതുവഴി കേരളത്തിലേയും തെക്കൻ തമിഴ്‍നാട്ടിലേയും കർഷകർക്ക് ഇവയുടെ പ്രയോജനം ലഭ്യമാക്കുക

വാഴ കർഷകർ, വ്യാപാരികൾ, അക്കാദമി അംഗങ്ങൾ, യന്ത്രസംവിധാന നിർമാതാക്കൾ, കാർഷിക- ജൈവ-സാങ്കേതിക സ്ഥാപനങ്ങൾ, ഗവേഷകർ എന്നിവരെ ഒരു കുടക്കീഴിലെത്തിച്ചുകൊണ്ട് ഇന്ത്യയിൽ ലഭ്യമാകുന്ന വാഴകളുടെ വൈവിധ്യത്തെക്കുറിച്ചും അവയുടെ വ്യത്യസ്തമാർന്ന ഉപയോഗങ്ങളെക്കുറിച്ചും വ്യക്തമാക്കുക...... ^[3][2]

വാഴമഹോത്സവത്തിൽ വിദഗ്ദരെ പങ്കെടുപ്പിച്ച സ്ഥാപനങ്ങൾ-

• കേരളകാർഷിക സർവ്വകലാശാല
• കേരള കൃഷിവകുപ്പ്
• തമിഴ് നാട് കാർഷിക സർവകലാശാല
• ഭാഭ അറ്റോമിക് റിസർച്ച്‌ സെന്റർ (ബിഎആർസി)
• നാഷണൽ റിസർച്ച്‌ സെന്റർ ഫോർ ബനാനാസ്- ട്രിച്ചി
• ഇന്ത്യൻ ഇൻസ്റ്റിറ്റ്യൂട്ട് ഫോർ ഹോർട്ടികൾച്ചർ റിസർച്ച്‌- ബാംഗ്ലൂർ
• സെൻട്രൽ ഇൻസ്റ്റിറ്റ്യൂട്ട് ഫോർ അഗ്രിക്കൾച്ചറൽ എഞ്ചിനീയറിംഗ്, കോയമ്ബത്തൂർ
• ജെ എൻ യു ഡൽഹി
• അസം കാർഷിക സർവകലാശാല
• ഗാന്ധിഗ്രാം റൂറൽ ഇൻസ്റ്റിറ്റ്യൂട്ട്- മധുര
• മഹാത്മാ ഗാന്ധി ഇൻസ്റ്റിറ്റ്യൂട്ട് ഫോർ റൂറൽ ഇന്ഡസ്ട്രിയലിസേഷൻ
• വൈ എസ് ആർ ഹോർട്ടികൾച്ചറൽ സർവകലാശാല, ആന്ധ്രാ പ്രദേശ്
• ഐ സി എ ആർ റിസർച്ച്‌ കോംപ്ലക്സ് ഫോർ എൻ ഇ എച്ച്‌ റീജിയൺ, മേഘാലയ
• സി എസ് ഐ ആർ
• എ പി ഇ ഡി എ^[2]

ദേശിയ വാഴമഹോത്സത്തിൽ പ്രദർശിപ്പിച്ച വാഴക്കുലകൾ

• 
  പോണിഷ് ബന്തൽ
• 
  സി.വി. റോസ് (ഫിലിപ്പീൻസ്)
• 
  കർപ്പൂരവല്ലി (തമിഴ്‍നാട്)
• 
  ഗ്രാൻഡ് നൈൻ (ആന്ധ്രാ പ്രദേശ്)
• 
  കാവേരി
• 
  ജഹാജി (അസം)
• 
  വെള്ള കസ്കാൽ (അസം)
• 
  പോപ്പൗലൂ (ഹവായ് ദ്വീപ്)
• 
  കർപ്പൂര (ആന്ധ്ര പ്രദേശ്)
• 
  കൂപ്പുകൈ
• 
  വെള്ളക്കപ്പ
• 
  പിസാംഗ് അവാൿ (തായ്‍ലന്റ്)

1. ↑ "ദേശീയ വാഴമഹോത്സവം ഫെബ്രുവരി 17 മുതൽ". ദേശാഭിമാനി. Archived from the original on 2019-12-21. Retrieved 2018-02-18.
2. ↑ ^{2.0 2.1 2.2} "ദേശിയ വാഴ മഹോത്സവം: കല്ലിയൂർ ഗ്രാമം ദേശീയ ശ്രദ്ധാകേന്ദ്രമാകുന്നു". ഡെയ്‍ലി ഹണ്ട്.
3. ↑ "ദേശീയ വാഴ മഹോത്സവം ഇന്നുതുടങ്ങും". മാതൃഭൂമി. Archived from the original on 2018-02-18. Retrieved 2018-02-18.