നെയ്യാടിയപ്പാർ ക്ഷേത്രം, തില്ലസ്ഥാനം
ഇന്ത്യയിലെ തമിഴ്‌നാട്ടിലെ തില്ലസ്ഥാനം അല്ലെങ്കിൽ തിരുനെയ്‌ത്താനം എന്നും അറിയപ്പെടുന്ന തില്ലസ്ഥാനം ഗ്രാമത്തിൽ സ്ഥിതി ചെയ്യുന്ന ശിവ പ്രതിഷ്ഠയുള്ള ഒരു ഹിന്ദു ക്ഷേത്രമാണ് നെയ്യാടിയപ്പാർ ക്ഷേത്രം .[1] തിരുവൈയാറിലെ അയ്യരപ്പർ ക്ഷേത്രവുമായി ബന്ധപ്പെട്ട ഏഴ് ക്ഷേത്രങ്ങളായ സപ്തസ്ഥാനങ്ങളിൽ ഒന്നായ ഈ ക്ഷേത്രത്തിൽ നെയ്യാടിയപ്പാറിന്റെ രൂപത്തിലുള്ള ലിംഗമായിട്ടാണ് ശിവനെ പ്രതിനിധീകരിക്കുന്നത്. അദ്ദേഹത്തിന്റെ പത്നി പാർവതിയെ പിറൈസൂടി അമ്മനായി ആരാധിക്കുന്നു. നായനാർ എന്നറിയപ്പെടുന്ന തമിഴ് സന്യാസി കവികൾ രചിച്ച ഏഴാം നൂറ്റാണ്ടിലെ തമിഴ് ശൈവ കൃതിയായ തേവാരത്തിൽ പാടൽ പെട്ര സ്ഥലം എന്ന് ഈ ക്ഷേത്രത്തെ ബഹുമാനിക്കുന്നു. 9-ആം നൂറ്റാണ്ടിൽ ആദിത്യ ചോളൻ ഒന്നാമനാണ് ഈ ക്ഷേത്രം പണികഴിപ്പിച്ചതെന്നും പിൽക്കാല ചോള രാജാക്കന്മാരിൽ നിന്നും തഞ്ചാവൂർ നായ്ക് രാജാക്കന്മാരിൽ നിന്നും കാര്യമായ കൂട്ടിച്ചേർക്കലുകളോടെയുമാണ് ഈ ക്ഷേത്രം നിർമ്മിച്ചതെന്ന് വിശ്വസിക്കപ്പെടുന്നു. ഗോപുരങ്ങൾ എന്നറിയപ്പെടുന്ന അഞ്ച് നിലകളുള്ള പ്രവേശനകവാടങ്ങൾ ഇവിടെയുണ്ട്. നെയ്യാടിയപ്പാറിന്റേയും അമ്മന്റേയും പ്രതിഷ്ഠകളുള്ള ക്ഷേത്രത്തിൽ നിരവധി ശ്രീകോവിലുകൾ ഉണ്ട്. References
notes
External links Thillaistanam എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്. |
||||||||||||||||||||||||
.jpg)
Portal di Ensiklopedia Dunia
