പ്രയോഗരീതിയിൽ പിഴവ്: തിരിച്ചറിയാൻ കഴിയാത്ത വിരാമചിഹ്നം "["
മലയാളത്തിലെ ആദ്യത്തെ നിയോ-റിയലിസ്റ്റിക് മൂവിയാണ് 1955ൽ പി. രാമദാസ് സംവിധാനം ചെയ്ത ന്യൂസ്പേപ്പർ ബോയ് (English:Newspaper Boy (1955 film))[1]. ഈ ചിത്രത്തിലൂടെ, ലോകത്തിലെ ഏറ്റവും പ്രായം കുറഞ്ഞ സംവിധായകനായി പി. രാമദാസ് അറിയപ്പെട്ടു. തൃശ്ശൂരിലെ ഒരുപറ്റം വിദ്യാർത്ഥികളായ ചെറുപ്പക്കാർ ചേർന്നൊരുക്കിയ ചലച്ചിത്രം കൂടിയാണ് ഇത്. ഇതോടെ, വിദ്യാർത്ഥികൾ ഒരുക്കിയ ലോകത്തിലെ ആദ്യത്തെ കൊമേഴ്സ്യൽ സിനിമ എന്ന പ്രത്യേകതയും ന്യൂസ്പേപ്പർ ബോയ്‌ക്ക് ലഭിച്ചു[2].
poster
കഥാസംഗ്രഹം
രാമദാസിന്റെ തന്നെ കമ്പോസിറ്റർ എന്ന ചെറുകഥയെ ആധാരമാക്കിയാണ് ഈ സിനിമ നിർമ്മിച്ചത്. ദാരിദ്ര്യവും രോഗവും മൂലം മരിച്ച ഒരു അച്ചടിശാല ജീവനക്കാരന്റെ മകൻ പഠനം ഉപേക്ഷിച്ച്‌ ജോലിതേടി മദ്രാസിലേക്ക്‌ വണ്ടി കയറുന്നതും അവിടെ അലഞ്ഞിട്ടും ജോലികിട്ടാതെ ഒടുവിൽ നാട്ടിൽ മടങ്ങിയെത്തി ‘ന്യൂസ്പേപ്പർ ബോയ്’ ആയി മാറുന്നതുമാണ്‌ കഥ.[3]
ഒരു വൈകുന്നേരം, തൃശൂർ തേക്കിങ്കാട് മൈതാനിയിൽ രാമദാസും കൂട്ടുകാരും സൊറ പറഞ്ഞിരിക്കുമ്പോൾ കൂട്ടത്തിലുണ്ടായിരുന്ന ഒരു വിദ്യാർത്ഥിയുടെ കൈയിലെ ഫിലിം ഫെയർ മാഗസിനിൽ രാജ്കപൂറിന്റെ ചിത്രത്തിന് മീതെ ലോകത്തെ ആദ്യത്തെ പ്രായം കുറഞ്ഞ സംവിധായകൻ എന്നച്ചടിച്ചിരിക്കുന്നത് രാമദാസ് ശ്രദ്ധിക്കുകയുണ്ടായി. അന്ന് ആത്മഗതമെന്നോണം രാമദാസ് പറയുകയുണ്ടായി; 'ലോകത്തെ ആദ്യത്തെ പ്രായം കുറഞ്ഞ സംവിധായകൻ ഞാനായിരിക്കും' എന്ന്. പിന്നീട്, ചരിത്രം ആ വാക്കുകളെ ശരിവെച്ചു. രാജ് കപൂർ ആദ്യം പടം സംവിധാനം ചെയ്യുമ്പോൾ പ്രായം ഇരുപത്തെട്ട്. അഞ്ചു വർഷങ്ങൾക്കു ശേഷം ന്യൂസ് പേപ്പർ ബോയ് ചെയ്യുമ്പോൾ രാമദാസിനു പ്രായം ഇരുപത്തിരണ്ട്‌[5].
