പത്താം പീയൂസിന്റെ സഭ
പാരമ്പര്യവാദികളായ കത്തോലിക്കാ പുരോഹിതരുടെ ഒരു അന്താരാഷ്ട്രസമൂഹമാണ് പത്താം പീയൂസിന്റെ സഭ (Society of Saint Pius X). SSPX എന്ന ചുരുക്കപ്പേരിലും ഈ സമൂഹം അറിയപ്പെടുന്നു. 1970-ൽ ഫ്രഞ്ചുകാരനായ മാർസെൽ ലെഫെബ്‌വ്രെ മെത്രാപ്പോലീത്ത സ്ഥാപിച്ചതാണിത്. "വിശുദ്ധ പത്താം പീയൂസിന്റെ പുരോഹിതസാഹോദര്യം" (Priestly Fraternity of St.Pius X) എന്നാണ് ഇതിന്റെ ഔദ്യോഗികനാമം. വത്തിക്കാനുമായി കലഹിച്ചു നിന്ന ഈ തീവ്രയാഥാസ്ഥിതിക വിഭാഗവുമായി പുനരൈക്യപ്പെടാനുള്ള ശ്രമങ്ങൾ ഉപേക്ഷിക്കപ്പെട്ടിട്ടില്ല. മാർപ്പാപ്പായുടെ അനുമതിയില്ലാത സഭാസ്ഥാപകനായ ലെഫെബ്‌വ്രെ മെത്രാപ്പോലീത്ത 1988-ൽ മെത്രാൻ പദവിയിലേക്കുയർത്തിയ നാലു സഭാംഗങ്ങളുടെ സഭാഭ്രഷ്ട് ബെനഡിക്ട് 16-ആമൻ മാർപ്പാപ്പ 2009-ൽ പിൻവലിച്ചിരുന്നു. എങ്കിലും, അച്ചടക്കസംബന്ധമായതെന്നതിനുപരി വിശ്വാസപരമായ കാരണങ്ങളാൽ, പത്താം പീയൂസിന്റെ സഭക്ക് കാനോനികസാധുത ഇല്ലെന്നും അതിനാൽ, ആ സഭയിലെ പുരോഹിതശുശ്രൂഷകൾ കത്തോലിക്കാസഭയിൽ സാധുവല്ലെന്നും ബെനഡിക്ട് പതിനാറാമൻ മാർപ്പാപ്പ വ്യക്തമാക്കിയിട്ടുണ്ട്.[1] എന്നാൽ ഈ വിഷയത്തിൽ കത്തോലിക്കാസഭയുടെ നേതൃത്വം, അക്ഷരാർത്ഥത്തിലുള്ള ഔദ്യോഗിക നിലപാടും, പ്രയോഗത്തിൽ അതിനു വിപരീതമായ അനൗദ്യോഗിക നിലപാടും ചേർന്ന ഇരുമുനനയമാണ് (two-pronged policy) പിന്തുടരുന്നതെന്ന് പത്താം പീയൂസ് സഭ കരുതുന്നു. ലിഖിതപ്രസ്താവനയ്ക്കു വിപരീതമായി പത്താം പീയൂസ് സഭയുടെ നിയമപരവും സാധുവുമായ അസ്തിത്വം അംഗീകരിക്കുന്ന പ്രായോഗിക നടപടികൾ മാർപ്പാപ്പ സ്വീകരിച്ചിട്ടുണ്ടെന്ന് അവർ വിശദീകരിക്കുന്നു.[2] അവലംബം
|
||||||||||||||||||
Portal di Ensiklopedia Dunia
