പി.എസ്. നമ്പൂതിരി
കേരളത്തിലെ ആദ്യകാല കമ്മ്യൂണിസ്റ്റ് പ്രവർത്തകനും സ്വാതന്ത്ര്യസമര സേനാനിയും മുൻ നിയമസഭാംഗവുമായിരുന്നു പി.എസ്. നമ്പൂതിരി (ജീവിതകാലം: 1915 - 05 ജൂലൈ 1979).[1] കൊടകര നിയമസഭാമണ്ഡലത്തിൽ നിന്നും സി.പി.ഐ. സ്ഥാനാർഥിയായി വിജയിച്ചാണ് ഇദ്ദേഹം മൂന്നാം കേരളനിയമസഭയിൽ അംഗമായത്. 1939-ൽ പിണറായിയിൽ നടന്ന കമ്മ്യൂണിസ്റ്റ് പാർട്ടിയുടെ പാറപ്പുറം സമ്മേളനത്തിൽ കൊച്ചിരാജ്യത്തിൽ നിന്നും പങ്കെടുത്ത നാലുപേരിൽ ഒരാളായിരുന്നു പി.എസ്. നമ്പൂതിരി. വി.ടി. യുടെ അടുക്കളയിൽ നിന്ന് അരങ്ങത്തേക്ക് എന്ന നാടകത്തിൽ മാധവൻ എന്ന കഥാപാത്രമായി അഭിനയിച്ചത് പി.എസ്. നമ്പൂതിരിയായിരുന്നു.[2] രാഷ്ട്രീയ ജീവിതംവിദ്യാർത്ഥിയായിരിക്കുമ്പോൾ തന്നെ നമ്പൂതിരി സമുദായത്തിലെ സാമ്യൂഹ്യപരിഷ്കരണവുമായി ബന്ധപ്പെട്ട പ്രവർത്തനങ്ങളിലൂടെ പൊതുരംഗത്തേക്ക് കടന്നുവന്നു. ആദ്യകാലങ്ങളിൽ ഒരു കോൺഗ്രസ് പ്രവർത്തകനായ അദ്ദേഹം നിസഹകരണ പ്രസ്ഥാനത്തിന്റെ ഭാഗമായി പ്രവർത്തിച്ചിട്ടുണ്ട്. 1934-ൽ കെ.പി.സി.സിയിൽ അംഗമായ അദ്ദേഹം കോൺഗ്രസ് സോഷ്യലിസ്റ്റ് പാർട്ടിയുടെ എക്സിക്യൂട്ടീവ് കമ്മറ്റിയിലും അംഗമായിരുന്നു. 1939-ൽ കമ്മ്യൂണിസ്റ്റ് പാർട്ടിയിൽ അംഗമായ അദ്ദേഹം കൊച്ചിയിൽ ട്രേഡ് യൂണിയൻ സംഘടിപ്പിക്കുന്നതിൽ സജീവ പങ്കാളിയായിരുന്നു. കൊച്ചി ക്ഷേത്രപ്രവേശന പ്രക്ഷോഭത്തിലും, കർഷക ജാഥ സംഘടിപ്പിക്കുന്നതിലും നേതൃത്വം നൽകി[3]. 1979 ജൂലൈ അഞ്ചിന് ആമ്പല്ലൂരിലെ പാർട്ടി ഓഫീസിൽ വച്ച് അന്തരിച്ചു.[2] തിരഞ്ഞെടുപ്പ് ചരിത്രം
അവലംബം
|
||||||||||||||||||||||||||||||||||||||||||||||||||||||||
Portal di Ensiklopedia Dunia
