പിങ്ക് ആന്റ് ബ്ലൂ (റെനോയിർ)
ഫ്രഞ്ച് ഇമ്പ്രഷനിസ്റ്റ് ചിത്രകാരനായിരുന്ന പിയറി-അഗസ്റ്റെ റെനോയ്ർ ചിത്രീകരിച്ച ആലീസ്, എലിസബത്ത് എന്നീ രണ്ടു സഹോദരിമാരുടെ ഒരു എണ്ണച്ചായാചിത്രം ആണ് പിങ്ക് ആന്റ് ബ്ലൂ. (ആലീസ് ആന്റ് എലിസബത്ത് കാഹെൻ ഡി അൻവേർസ്). പാരീസിൽ 1881-ൽ നിർമ്മിച്ച ഈ ചിത്രത്തിലെ സഹോദരിമാർ ലൂയിസ് കാഹൻ ഡി അൻവേർസിൻറെയും ഭർത്താവ് ജൂതൻ ബാങ്കർ ലൂയിസ് റാഫേൽ കാഹൻ ഡി അൻവേർസിൻറെയും പുത്രിമാരാണ്. സാവോ പോളോ മ്യൂസിയം ഓഫ് ആർട്ട് കലാശേഖരത്തിലെ ഏറ്റവും പ്രശസ്തമായ ചിത്രങ്ങളിലൊന്നായി ഇത് കണക്കാക്കപ്പെടുന്നു, ഇവിടെ 1952 മുതൽ ഈ ചിത്രം സംരക്ഷിക്കപ്പെട്ടിട്ടുണ്ട്. ചിത്രകാരനെക്കുറിച്ച്ഇംപ്രഷനിസ്റ്റ് ശൈലി വികസിപ്പിക്കുന്നതിൽ മുൻനിരയിൽ നിന്നിരുന്ന ഒരു ഫ്രഞ്ച് കലാകാരനായിരുന്നു പിയറി-അഗസ്റ്റെ റെനോയിർ. സൗന്ദര്യത്തിന്റെയും പ്രത്യേകിച്ച് സ്‌ത്രീത്വത്തിന്റെ വിഷയാസക്തി പകരുന്ന ചിത്രങ്ങൾ എന്ന നിലയിൽ, "റൂബൻസ് മുതൽ വാട്ടീയോ വരെയുള്ളവരുടെ പാരമ്പര്യത്തിന്റെ അന്തിമ പ്രതിനിധിയായിരുന്നു റെനോയർ.[1]  റെനോയിറിന്റെ ചിത്രങ്ങൾ അവയുടെ ഊർജ്ജസ്വലമായ പ്രകാശവും പൂരിത നിറവും കൊണ്ട് ശ്രദ്ധേയമാണ്. മിക്കപ്പോഴും അഗാധവും പക്ഷപാതമില്ലാത്ത രചനകളിലൂടെ ആളുകളെ കേന്ദ്രീകരിക്കുന്നു. സ്ത്രീ നഗ്നതയായിരുന്നു അദ്ദേഹത്തിന്റെ പ്രാഥമിക വിഷയം. സ്വഭാവ ഇംപ്രഷനിസ്റ്റ് ശൈലിയിൽ, റിനോയർ ഒരു രംഗത്തിന്റെ വിശദാംശങ്ങൾ സ്വതന്ത്രമായി ബ്രഷ് ചെയ്ത വർണ്ണ സ്പർശനങ്ങളിലൂടെ നിർദ്ദേശിച്ചു. അങ്ങനെ അദ്ദേഹത്തിന്റെ രൂപങ്ങൾ അവയുടെ ചുറ്റുപാടുകളുമായി പരസ്പരം മൃദുവായി സംയോജിക്കുകയും ചെയ്തിരുന്നു. Notes
അവലംബം
|
||||||||||||||||||||
Portal di Ensiklopedia Dunia
