പിയറി ഒമിഡ്യാർ

ഇംഗ്ലീഷ് വിലാസം

https://ml.wikipedia.org/wiki/Pierre_Omidyar

പിയറി ഒമിഡ്യാർ
ജനനം	Parviz Morad Omidyar (1967-06-21) ജൂൺ 21, 1967 (age 57) വയസ്സ്) Paris, France
പൗരത്വം	France[1] United States[2]
വിദ്യാഭ്യാസം	University of California, Berkeley Tufts University (BS)
തൊഴിൽ(s)	Founder of eBay Founder of Honolulu Civil Beat Founder of Ulupono Initiative Founder of Omidyar Network Founder of First Look Media
Board member of	eBay
ജീവിതപങ്കാളി	Pamela Kerr

പിയറി മൊറാദ് ഒമിഡ്യാർ (പർവിസ് മൊറാദ് ഒമിഡ്യാർ ജനനം:ജൂൺ 21, 1967) ഫ്രഞ്ച് വംശജനായ ഇറാനിയൻ-അമേരിക്കൻ കോടീശ്വരനാണ്. ഒരു സാങ്കേതിക സംരംഭകൻ, സോഫ്റ്റ്‌വെയർ എഞ്ചിനീയർ, മനുഷ്യസ്‌നേഹി എന്നീ നിലകളിൽ പ്രശസ്തനാണ്. ഓൺലൈൻ ലേലം എന്ന ആശയം വ്യാപകമാക്കിയ വ്യക്തിയാണ് പിയറി ഒമിഡ്യാർ. ലോകപ്രശസ്തമായ ഓൺലൈൻ ലേല വെബ് സൈറ്റായ ഈബേ യുടെ സ്ഥാപകനാണ് പിയറി. അവിടെ അദ്ദേഹം 1998 മുതൽ 2015 വരെ ചെയർമാനായി സേവനമനുഷ്ഠിച്ചു.^[3][4] ലോകത്തെ ഏറ്റവുമധികം വിജയം നേടിയ ഇൻറർനെറ്റ് കമ്പനികളിൽ ഒന്നാണ് ഈബേ. വീട്ടുപകരണങ്ങൾ തൊട്ട് വിമാനങ്ങൾ വരെ ഇ-ബേയിൽ നിന്ന് ലേലത്തിൽ വാങ്ങാൻ സാധിക്കും. ഇ-ബേയുടെ ചെയർമാനായ പിയറി ഒമിഡ്യാർ ജീവകാരുണ്യ പ്രവർത്തനങ്ങളിലാണ് ഇപ്പോൾ ശ്രദ്ധ കേന്ദ്രീകരിക്കുന്നത്. ^[2]ഒമിഡ്യാറും ഭാര്യ പമേലയും 2004-ൽ ഒമിഡ്യാർ നെറ്റ്‌വർക്ക് സ്ഥാപിച്ചു. 2021-ൽ ഫോർബ്‌സ് ഒമിഡ്യാറിനെ ലോകത്തിലെ ഏറ്റവും സമ്പന്നനായ 24-ാമത്തെ വ്യക്തിയായി തിരഞ്ഞെടുത്തു, ഏകദേശം 21.8 ബില്യൺ ഡോളർ ആസ്തിയുണ്ട്.

2010 മുതൽ, അന്വേഷണാത്മക റിപ്പോർട്ടിംഗിന്റെയും പൊതുകാര്യ വാർത്താ സേവനമായ ഹോണോലുലു സിവിൽ ബീറ്റിന്റെയും തലവനായി ഒമിഡ്യാർ ഓൺലൈൻ ജേണലിസത്തിൽ ഏർപ്പെട്ടിരുന്നു.^[5]2013-ൽ, ഗ്ലെൻ ഗ്രീൻവാൾഡ്, ലോറ പോയിട്രാസ്, ജെറമി സ്കഹിൽ എന്നിവരെ ഉൾപ്പെടുത്തി ഒരു പത്രപ്രവർത്തന സംരംഭമായ ഫസ്റ്റ് ലുക്ക് മീഡിയ സൃഷ്ടിക്കുകയും ധനസഹായം നൽകുകയും ചെയ്യുമെന്ന് അദ്ദേഹം പ്രഖ്യാപിച്ചു.^[6][7][8]

ഉന്നത വിദ്യാഭ്യാസത്തിനായി ഫ്രാൻസിലേക്ക് കുടിയേറിയ ഇറാനിയൻ മാതാപിതാക്കളുടെ മകനായി പാരീസിലാണ് ഒമിഡ്യാർ ജനിച്ചത്. അദ്ദേഹത്തിന് പർവിസ് എന്ന് പേരിമിട്ടു.^[9] സോർബോണിൽ നിന്ന് ഭാഷാശാസ്ത്രത്തിൽ ഡോക്ടറേറ്റ് നേടിയ അദ്ദേഹത്തിന്റെ അമ്മ എലാഹേ മിർ-ജലാലി ഒമിഡ്യാർ ഒരു അക്കാഡമിക് ആണ്.^[10] അദ്ദേഹത്തിന്റെ പിതാവ്, സൈറസ് ഒമിഡ്യാർ (ജനനം c. 1934), ഫ്രാൻസിൽ മെഡിക്കൽ വിദ്യാഭ്യാസവും പരിശീലനവും പൂർത്തിയാക്കി, സർജനായി മാറുകയും ചെയ്തു.

ഒമിഡ്യാർ കുട്ടിയായിരുന്നപ്പോൾ കുടുംബത്തോടൊപ്പം അമേരിക്കയിലേക്ക് കുടിയേറിയ ശേഷം, പിതാവ് മേരിലാൻഡിലെ ബാൾട്ടിമോറിലെ ജോൺസ് ഹോപ്കിൻസ് സർവകലാശാലയിൽ യൂറോളജിസ്റ്റായി ജോലി ചെയ്തു. അദ്ദേഹം ഇപ്പോൾ കാലിഫോർണിയയിലെ അലിസോ വിജോയിൽ പ്രാക്ടീസ് ചെയ്യുന്നു.^[10]

ഒമിഡ്യാർ ഹൊണോലുലുവിലെ പുനഹൗ സ്കൂളിൽ ഏതാനും വർഷം പഠിച്ചു. (അദ്ദേഹം ഇപ്പോൾ അതിന്റെ ബോർഡ് ഓഫ് ട്രസ്റ്റീസിൽ അംഗമാണ്).^[11]വെർജീനിയയിലെ മക്‌ലീനിലുള്ള പൊട്ടോമാക് സ്‌കൂളിൽ ഒമ്പതാം ക്ലാസ് വിദ്യാർത്ഥിയായിരിക്കെയാണ് കമ്പ്യൂട്ടറിലുള്ള അദ്ദേഹത്തിന്റെ താൽപര്യം ആരംഭിച്ചത്. മേരിലാൻഡിലെ പോട്ടോമാക് സെന്റ് ആൻഡ്രൂസ് എപ്പിസ്കോപ്പൽ സ്കൂളിൽ നിന്ന് 1984-ൽ ബിരുദം നേടി.

അദ്ദേഹം ടഫ്റ്റ്സ് യൂണിവേഴ്സിറ്റിയിൽ പഠിച്ചു, ബിഎസ് ബിരുദം നേടി. ബെർക്ക്‌ലിയിലെ കാലിഫോർണിയ സർവകലാശാലയിലും പഠിച്ചു,1988-ൽ കമ്പ്യൂട്ടർ സയൻസിലും ബിരുദം നേടി.^[12][13][14]

• വിവരസാങ്കേതികരംഗത്തെ പ്രശസ്തരുടെ പട്ടിക

1. ↑ "Le Figaro profile: Pierre Omidyar, le mécène". Le Figaro. August 15, 2014. Retrieved January 11, 2021.
2. ↑ ^{2.0 2.1} "Pierre Omidyar". Forbes (in ഇംഗ്ലീഷ്). Retrieved April 1, 2021.
3. ↑ Viegas 2006, p. 13 harvnb error: no target: CITEREFViegas2006 (help)
4. ↑ "Pierre Omidyar". US Virtual Embassy Iran. January 1, 2015. Archived from the original on 2023-02-09. Retrieved May 15, 2020.
5. ↑ "Hawaii News - Honolulu Civil Beat - Investigative Reporting". Civil Beat.
6. ↑ "The extraordinary promise of the new Greenwald-Omidyar venture (UPDATED)". Columbia Journalism Review.
7. ↑ Hosenball, Mark (October 15, 2013). "Here's Who's Backing Glenn Greenwald's New Website". Huffpost. Archived from the original on April 2, 2019.
8. ↑ Jay Rosen (December 19, 2013). "A First Look at NewCo's structure". Pressthink.org.
9. ↑ Viegas 2006, p. 14 harvnb error: no target: CITEREFViegas2006 (help)
10. ↑ ^{10.0 10.1} Viegas 2006, p. 16 harvnb error: no target: CITEREFViegas2006 (help)
11. ↑ Rick Daysog (March 22, 2009). "A 'wonderful rediscovery' in isles - EBAY FOUNDER MAKES HOME IN HAWAII".
12. ↑ Viegas 2006, p. 92. sfn error: no target: CITEREFViegas2006 (help)
13. ↑ Cohen, Adam (June 16, 2002). "The Perfect Store". The New York Times. ISSN 0362-4331. Retrieved May 12, 2018.
14. ↑ Ellison, Sarah (December 3, 2014). "Can First Look Media Make Headlines That Aren't About Itself?". The Hive. Retrieved May 12, 2018.

ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക.