പെരിൻ കാപ്റ്റൻ

ഇംഗ്ലീഷ് വിലാസം

https://ml.wikipedia.org/wiki/Perin_Captain

ഒരു ഇന്ത്യൻ സ്വാതന്ത്ര്യസമര സേനാനിയും, സാമൂഹ്യ പ്രവർത്തകയുമാണ് പെരിൻ ബെൻ കാപ്റ്റൻ (Perin Ben Captain)(ജനനം 1888– മരണം 1958). ഇന്ത്യയുടെ വന്ദ്യവയോധികനും, ഭാരതീയ രാഷ്ടതന്ത്രഞ്ജനുമായ ദാദാഭായ് നവറോജിയുടെ പേരമകളാണ് പെരിൻ. ^[1] 1954 ൽ, രാജ്യത്തിന് നൽകിയ സംഭാവനകൾ മുൻനിർത്തി പെരിൻ കാപ്റ്റനെ ഭാരത സർക്കാർ പത്മശ്രീ നൽകി ആദരിച്ചിരുന്നു.^[2]

1888 ഒക്ടോബർ 12ന് ഗുജറാത്തിലെ കച്ച് ജില്ലയിലെ മാണ്ഡവി എന്ന സ്ഥലത്തെ ഒരു പാഴ്‌സി കുടുംബത്തിലാണ് പെരിൻ ബെൻ ജനിച്ചത്. ^[3] ദാദാഭായ് നവറോജിയുടെ മൂത്തമകനും ഭിഷ്വഗരനുമായ ആർദെഷിർ ആണ് പെറിന്റെ പിതാവ്. വീട്ടമ്മയായ വിർഭായ് ദാദിനയാണ് അമ്മ.^[4] എട്ടുമക്കളിൽ മൂത്തയാളായാണ് പെരിൻ ജനിച്ചത്. 1893 ൽ പെരിന് 5 വയസ്സുള്ളപ്പോഴാണ് പിതാവ് മരിച്ചത്. ആദ്യകാല വിദ്യാഭ്യാസം മുംബൈയിലായിരുന്നു. പിന്നീട് പാരീസിലെ ന്യൂ സർബൺ സർവ്വകലാശാലയിൽ നിന്നും ഫ്രഞ്ച് ഭാഷയിൽ ബിരുദം നേടി.