ഫ്രഷ് ഫ്രോസൺ പ്ലാസ്മ
രക്തത്തിന്റെ ദ്രവരൂപത്തിൽ നിന്ന് ഉണ്ടാക്കുന്ന ഒരു ബ്ലഡ് പ്രൊഡക്റ്റ് ആണ് ഫ്രെഷ് ഫ്രോസൺ പ്ലാസ്മ (എഫ്എഫ്പി). [3] രക്തം കട്ടപിടിക്കുന്ന ഘടകങ്ങൾ കുറയുന്ന (INR > 1.5) അല്ലെങ്കിൽ മറ്റ് രക്ത പ്രോട്ടീനുകൾ കുറയുന്ന മെഡിക്കൽ അവസ്ഥകളെ ചികിത്സിക്കാൻ ഇത് ഉപയോഗിക്കുന്നു.[3][1] പ്ലാസ്മ എക്സ്ചേഞ്ചിലും ഇത് ഉപയോഗിക്കാം.[2][4] ചിലപ്പോൾ എബിഒ അനുയോജ്യ പ്ലാസ്മ ഉപയോഗിക്കുന്നത് ശുപാർശ ചെയ്തേക്കാം.[5][6] ഫ്രഷ് ഫ്രോസൺ പ്ലാസ്മ ഒരു വോളിയം എക്സ്പാൻഡറായി ഉപയോഗിക്കാൻ ശുപാർശ ചെയ്യുന്നില്ല.[3] ഒരു സിരയിലേക്ക് സാവധാനത്തിലുള്ള കുത്തിവയ്പ്പിലൂടെയാണ് ഇത് നൽകുന്നത്.[2] പാർശ്വഫലങ്ങളിൽ ഓക്കാനം, ചൊറിച്ചിൽ എന്നിവ ഉൾപ്പെടുന്നു.[3] അപൂർവ്വമായി അലർജി പ്രതിപ്രവർത്തനങ്ങൾ, രക്തം കട്ടപിടിക്കൽ, അല്ലെങ്കിൽ അണുബാധ എന്നിവ ഉണ്ടാകാം.[1] [3] ഗർഭകാലത്തോ മുലയൂട്ടുന്ന സമയത്തോ ഫ്രഷ് ഫ്രോസൺ പ്ലാസ്മ ഉപയോഗിക്കുന്നത് കുഞ്ഞിന് സുരക്ഷിതമാണോ എന്ന് വ്യക്തമല്ല.[2] പ്രോട്ടീൻ എസ് കുറവ്, ഐജിഎ കുറവ് അല്ലെങ്കിൽ ഹൃദയസ്തംഭനം ഉള്ളവരിൽ കൂടുതൽ ശ്രദ്ധിക്കണം.[2] ഫ്രഷ് ഫ്രോസൺ പ്ലാസ്മ, വെള്ളം, പ്രോട്ടീൻ, കാർബോഹൈഡ്രേറ്റ്, കൊഴുപ്പ്, വിറ്റാമിനുകൾ എന്നിവയുടെ സങ്കീർണ്ണമായ മിശ്രിതം കൊണ്ടാണ് നിർമ്മിച്ചിരിക്കുന്നത്.[1] ഫ്രീസുചെയ്യുമ്പോൾ, അത് ഒരു വർഷത്തോളം കേടാകാതെ സൂക്ഷിക്കാം.[1] രണ്ടാം ലോകമഹായുദ്ധകാലത്താണ് പ്ലാസ്മ ആദ്യമായി മെഡിക്കൽ ഉപയോഗത്തിൽ വന്നത്.[1] ലോകാരോഗ്യ സംഘടനയുടെ അവശ്യ മരുന്നുകളുടെ പട്ടികയിലാണ് ഇത് ഉൾപ്പെടുന്നത്.[7] യുണൈറ്റഡ് കിംഗ്ഡത്തിൽ ഒരു യൂണിറ്റിന് ഏകദേശം £30 ആണ് വില.[8] ഫ്ളെബോടോമി കഴിഞ്ഞ് 24 മണിക്കൂറിനുള്ളിൽ ശീതീകരിച്ച പ്ലാസ്മ, ക്രയോപ്രെസിപിറ്റേറ്റ് കുറച്ച പ്ലാസ്മ, ഉരുകിയ പ്ലാസ്മ, സോൾവെന്റ് ഡിറ്റർജന്റ് പ്ലാസ്മ എന്നിവ ഉൾപ്പെടെ നിരവധി പതിപ്പുകൾ നിലവിലുണ്ട്.[1] നിർവ്വചനംയുണൈറ്റഡ് സ്റ്റേറ്റ്സിൽ ഫ്രഷ് ഫ്രോസൺ പ്ലാസ്മ എന്നതിനുള്ള നിർവ്വചനം, രക്തദാനത്തിൽ നിന്നും ശേഖരിച്ച് എട്ട് മണിക്കൂറിനുള്ളിൽ അല്ലെങ്കിൽ അഫെറെസിസ് ഉപകരണം വഴി ശേഖരിച്ചതും, ആദ്യം സെൻട്രിഫ്യൂജ് ചെയ്യുകയും പിന്നീട് വേർതിരിക്കുകയും −18 °C (0 °F) ൽ അതിൽ കൂടുതൽ തണുപ്പിൽ ഫ്രീസ് ചെയ്യുകയും ചെയ്ത ഒരു യൂണിറ്റ് മുഴുവൻ രക്തത്തിന്റെ ദ്രവഭാഗം എന്നാണ്.[9] "എഫ്എഫ്പി" എന്ന പദപ്രയോഗം പലപ്പോഴും ഏതെങ്കിലും ട്രാൻസ്ഫ്യൂസ്ഡ് പ്ലാസ്മ ഉൽപ്പന്നത്തെ അർത്ഥമാക്കാൻ ഉപയോഗിക്കുന്നു. ഫ്ളെബോടോമി കഴിഞ്ഞ് 24 മണിക്കൂറിനുള്ളിൽ മരവിപ്പിച്ച പ്ലാസ്മ (പിഎഫ്24) ഉൾപ്പടെയുള്ള പ്ലാസ്മകൾ എഫ്‌എഫ്‌പിക്ക് സമാനമായി ഉപയോഗിക്കുന്നു. പിഎഫ്24-ന് എഫ്എഫ്പി-യെക്കാൾ V, VIII ഘടകങ്ങൾ കുറവാണ്. യുണൈറ്റഡ് സ്റ്റേറ്റ്സിൽ എഫ്എഫ്പിയേക്കാൾ സാധാരണയായി പിഎഫ് 24 ഉപയോഗിക്കുന്നു. മെഡിക്കൽ ഉപയോഗങ്ങൾഎഫ്എഫ്പി ഉപയോഗിക്കുന്നതിന് ചില പ്രത്യേക മാർഗ്ഗനിർദ്ദേശങ്ങൾ ഉണ്ട്. ഇവ സാധാരണയായി പ്രത്യേക ഫാക്ടർ കോൺസൺട്രേറ്റ് ലഭ്യമല്ലാത്തതോ അഭികാമ്യമല്ലാത്തതോ ആയ, കൊയാഗുലേഷൻ പ്രോട്ടീനുകളുടെ അപര്യാപ്തതകളുടെ ചികിത്സയിൽ പരിമിതപ്പെടുത്തിയിരിക്കുന്നു. പ്ലാസ്മയുടെ ഒരു സാധാരണ ഡോസ് 10-20 മില്ലി / കിലോ (സ്വീകർത്താവിന്റെ ഭാരം) ആണ്.[10] എഫ്എഫ്പി ഉപയോഗിക്കുന്നതിനുള്ള സൂചനകളിൽ ഇനിപ്പറയുന്നവ ഉൾപ്പെടുന്നു:
തുടർച്ചയായ രക്തസ്രാവമോ രക്തം കട്ടപിടിക്കുന്നതിൽ കാര്യമായ പ്രശ്‌നമോ ഇല്ലെങ്കിൽ എഫ്എഫ്പി പൊതുവേ ശുപാർശ ചെയ്യുന്നില്ല. അടിയന്തര ശസ്ത്രക്രിയ ആവശ്യമില്ലെങ്കിൽ, INR 9 ൽ കൂടുതൽ ആണെങ്കിലും, രക്തസ്രാവം ഇല്ലെങ്കിൽ വാർഫറിൻ റിവേഴ്‌സ് ചെയ്യാൻ ആളുകളിൽ എഫ്എഫ്പി ഉപയോഗിക്കില്ല. തിരഞ്ഞെടുക്കപ്പെട്ട ശസ്ത്രക്രിയയിലോ അടിയന്തരമല്ലാത്ത ശസ്ത്രക്രിയയിലോ ഇത് ഉപയോഗിക്കുന്നില്ല.[13] തോവ്ഡ് (ഉരുക്കിയ) പ്ലാസ്മ എഫ്എഫ്പി അല്ലെങ്കിൽ പിഎഫ്24 ൽ നിന്ന് നിർമ്മിച്ച് ശീതീകരിച്ച് സൂക്ഷിക്കുന്നു, ഉരുകിയ ശേഷം ഇത് 5 ദിവസം സൂക്ഷിക്കാം.[10] രക്തം കട്ടപിടിക്കുന്ന രോഗമുള്ള ആളുകൾക്ക് പ്രോഫൈലാക്റ്റിക് പ്ലാസ്മ ട്രാൻസ്ഫ്യൂഷനുകൾ ഒരു സ്വാധീനം ചെലുത്താം. എന്നിരുന്നാലും രക്തം കട്ടപിടിക്കുന്ന തകരാറുള്ള, ആസൂത്രിതമായ ഇൻവെസീവ് നോൺ-കാർഡിയാക്ക് നടപടിക്രമം സ്വീകരിക്കുന്നവർക്ക്, പ്രോഫൈലാക്റ്റിക് പ്ലാസ്മ ട്രാൻസ്ഫ്യൂഷൻ മരണനിരക്കും, വലിയ രക്തസ്രാവവും, രക്തപ്പകർച്ചയുടെ എണ്ണവും മെച്ചപ്പെടുത്തുമോ എന്നത് വ്യക്തമല്ല.[14] അപകടസാധ്യതകൾഎഫ്എഫ്പിയുടെ അപകടസാധ്യതകളിൽ രോഗവ്യാപനം, അനാഫൈലക്റ്റോയിഡ് പ്രതികരണങ്ങൾ, അമിതമായ ഇൻട്രാവാസ്കുലർ വോളിയം (ട്രാൻസ്ഫ്യൂഷൻ അസോസിയേറ്റഡ് സർക്കുലേറ്ററി ഓവർലോഡ് (TACO)), അതുപോലെ ട്രാൻസ്ഫ്യൂഷൻ റിലേറ്റഡ് അക്യൂട്ട് ലങ് ഇഞ്ചുറി (ട്രാലി) എന്നിവ ഉൾപ്പെടുന്നു. ട്രാൻസ്ഫ്യൂഷൻ വഴി പകരുന്ന അണുബാധയുടെ അപകടസാധ്യത ഹോൾ ബ്ലഡ് ട്രാൻസ്ഫ്യൂഷൻ, റെഡ് സെൽ ട്രാൻസ്ഫ്യൂഷൻ, ഫ്രോസൺ പ്ലാസ്മ ട്രാൻസ്ഫ്യൂഷൻ എന്നിവയിലെല്ലാം സമാനമാണ്. രസതന്ത്രംഫുൾ ബ്ലഡ് അല്ലെങ്കിൽ അഫെറെസിസ് ഉപകരണത്തിന്റെ സെൻട്രിഫ്യൂഗേഷൻ വഴിയാണ് എഫ്എഫ്പി നിർമ്മിക്കുന്നത്, തുടർന്ന് ഫ്രീസുചെയ്യലും സംരക്ഷിക്കലും നടത്തുന്നു. ഉപയോഗത്തിന്റെ ആവൃത്തിപ്ലാസ്മയുടെയും അതിന്റെ ഉൽപ്പന്നങ്ങളുടെയും ഉപയോഗം നാല് പതിറ്റാണ്ടുകളായി ഉയരുകയാണ്. 2000 നും 2010 നും ഇടയിൽ യുണൈറ്റഡ് സ്റ്റേറ്റ്സിൽ എഫ്എഫ്പി യുടെ ഉപയോഗം പതിന്മടങ്ങ് വർധിക്കുകയും പ്രതിവർഷം 2 ദശലക്ഷം യൂണിറ്റിലെത്തുകയും ചെയ്തു. ഈ പ്രവണതയ്ക്ക് മുഴുവൻ രക്തത്തിന്റെ ലഭ്യത കുറയുന്നതുൾപ്പെടെ ഒന്നിലധികം ഘടകങ്ങൾ കാരണമാകാം. ഇതരമാർഗ്ഗങ്ങൾ എഫ്എഫ്പിയുടെ മാനദണ്ഡങ്ങൾ പാലിക്കാത്ത മറ്റ് പ്ലാസ്മ ഘടകങ്ങൾക്ക് (ഉദാഹരണത്തിന്, സിംഗിൾ-ഡോണർ പ്ലാസ്മ) മതിയായ അളവിൽ കട്ടപിടിക്കൽ ഘടകങ്ങൾ ഉണ്ടായിരിക്കാമെന്നും അവ എഫ്എഫ്പി ആവശ്യമായ രോഗികൾക്ക് അനുയോജ്യമാണെന്നും തെളിവുകൾ സൂചിപ്പിക്കുന്നു. സ്ഥിരമായ കട്ടപിടിക്കൽ ഘടകങ്ങളുടെ നേരിയ കുറവുകളുടെ ചികിത്സയിൽ സിംഗിൾ-ഡോണർ പ്ലാസ്മ ഫലപ്രദമാണ്. വാർഫറിൻ ഇഫക്റ്റുകൾ മാറ്റുന്നതിനോ കരൾ രോഗങ്ങളിലോ ഇത് ഉപയോഗപ്രദമാണ്. സുരക്ഷിതവും ഫലപ്രദവുമായ ബദൽ ചികിത്സ നിലവിൽ വന്നതിനാൽ പല സാഹചര്യങ്ങളിലും എഫ്എഫ്പി ഇപ്പോൾ ഒരു ചികിത്സാ ഓപ്ഷന് അല്ല. ഉദാഹരണത്തിന്, ഫൈബ്രിനോജൻ ആവശ്യമുള്ളപ്പോൾ ക്രയോപ്രെസിപിറ്റേറ്റ് അല്ലെങ്കിൽ ഫൈബ്രിനോജൻ കോൺസെൻട്രേറ്റ് ഉപയോഗിക്കണം. ഹീമോഫീലിയ എ ചികിത്സയ്ക്കായി, റീകോമ്പിനന്റ് ഫാക്ടർ VIII കോൺസൺട്രേറ്റുകൾ ലഭ്യമാണ്. കഠിനമായ ഹീമോഫീലിയ ബി ചികിത്സയ്ക്കായി, റീകോമ്പിനന്റ് ഫാക്ടർ IX കോൺസൺട്രേറ്റ് ലഭ്യമാണ്. ഹ്യൂമൻ സീറം ആൽബുമിൻ അല്ലെങ്കിൽ പ്ലാസ്മ പ്രോട്ടീൻ ഫ്രാക്ഷൻ പോലെയുള്ള ക്രിസ്റ്റലോയിഡ് അല്ലെങ്കിൽ കൊളോയിഡ് ലായനികൾ വോളിയം മാറ്റിസ്ഥാപിക്കുന്നതിന് എഫ്എഫ്പിയേക്കാൾ അഭികാമ്യമാണ്. പോഷകാഹാരത്തിന്, അമിനോ ആസിഡ് ലായനികളും ഡെക്‌സ്ട്രോസും ലഭ്യമാണ്. എഫ്എഫ്പിയുടെ ഉപയോഗത്തിനുള്ള ഏറ്റവും പ്രധാനപ്പെട്ട ബദൽ രക്തസംരക്ഷണത്തിന്റെ ഒരു സമഗ്ര പരിപാടിയാണ്. ഇൻട്രാ ഓപ്പറേറ്റീവ് സെൽ സാൽവേജ്[10] പോലുള്ള നടപടികളും,പല രോഗികളിലും നോർമോവോലെമിക് അനീമിയ രക്തപ്പകർച്ചയ്ക്കുള്ള ഒരു സൂചനയല്ലെന്നുള്ള തിരിച്ചറിവും ഉദാഹരണങ്ങളാണ്. അവലംബം
പുറം കണ്ണികൾ |
||||||||||||||
Portal di Ensiklopedia Dunia
